1 PETRUS 3:7 - Susula Malalaok Hehelu Palak Ma Hehelu Beuk

⁷ Ma ba'eneu emi, fo saotou kala lemin! Ela leo bee na, maso'da no dudu'a-aafi neuk mo emi saoina mala, ma emi muse bubuluk, sila be'i-balakain ta ba'u emi be'i-balakaim fa. Taos no ha'da-holomata, nanahu emi mo sila hapu maso'da matetu ka neme Manetualain mai. Tao tungan leondiak, fo ela boso hapu hata napanggengge emi huhule-haladoim.

1 PETRUS 3:7 ပူးပေါင်းရင်းမြစ်များ

AYUB 42:8

Nah, besak ia, pa'a-ma sapi mane 7 ma bi'ilopo mane 7, fo muu leo Ayub. Basa soona, tunu-hotu bana sila-la, da'di leo tutunu-hohotu nanatunuk, soaneu o aoinam-ma. Neukose, Ayub hule-haladoi ba'eneu emi, de neukose, Au sipok huhule-haladoin. Leomae emi mandaa sipo huhukuk, tehu neukose, Au ta akamamaek emi fa. Emi ta mafa'da tunga ndoon-na, la'eneu Au aoinang-nga fa, tehu Ayub nafa'dan tunga ndoon-na.”

MATEOS 18:19

Ma bubuluk boe: Te nai daebafak ia, metema nai emi dalek hapu hataholi dua lalahalak fo ala hule-haladoi soaneu su'di hata beek ndia boe, soona Au Amang manai nusa so'da ka, Ana sipok huhule-haladoik ndia.

1 KORINTUS 7:3

Saotou ka muse tao natetu bela-ba'un, da'dileo soatouk soaneu saoina na, ma saoina ka muse tao natetu bela-ba'un soaneu saotou na; esa-esak muse tao natetu bela-ba'un soaneu esa.

EFESUS 3:6

Dede'a nafunik ndia, nae leo ia: Tunga Hala Malole ndia de, hataholi ta Yahudi la lame'da lita Manetualain baba'e-papalan, fo makahulu na Ana sadian ka'da soaneu hataholi Yahudi la. Tehu hataholi ta Yahudi la da'di lima eik neme aok fo sama mai de, sila boeo sipo hata fo Manetualain helu basa ka, tunga Kristus Yesus.

EFESUS 4:30

Boso tao makahehe'dik Manetualain Dula Dale na. Nana Manetualain tao ta'du-tana neu emi ninik Dula Dale ka, de emi da'di Manetualain nuun so. Dula dalek ndia boeo, nalupa bua pepe'dak esa nae, losa Fai Soi-tefa ka te, neukose ana mai neu emi.

EFESUS 5:33

Tehu lalanek nananafa'dak ndia boeo, nanauu tututi-nanatok no emi boe: Ela leo bee na, saotou kala esa-esak sue-lai saoina na, sama leo ana sue-lai ao ina na, ma ela leo bee na, saoina kala esa-esak sanga enok fo fe ha'da-holomata neu saotou na.

EFESUS 6:18

Tao-no'i basa dede'ak sila la no huhule-haladoik, soaneu moke tutulu-fafalik neme Manetualain mai. Nai basa fai loak lala'ena, hule-haladoi sama na leo Manetualain Dula Dale na, hela-nole emi. Ela leo bee na, emi manea tataas esa, ma boso makadede'ak. Hule-haladoi tataas esa soaneu Manetualain hataholi kamahehelen lala'ena.

KOLOSE 3:19

Tolano-tolanoo saotou kala lemin! Sue-lai emi saoina mala. Boso tao balakaik neus.

1 TESALONIKA 4:4

Tou kala esa-esak, muse bubuluk, naso'da tao leo beek no saoina na, fo ana tao namahoko Manetualain dale na, ma hataholi daebafa ka dale na boe.

TITUS 3:7

fo ela no Yesus susue-lalain ndia de, ita malole falik too Manetualain ma ita hapu so'da matetu ka ma mana ketu basa tak fo ita tamahehena ka.

IBRANI 1:14

Metema leondiak soona, tunga ndo na, ata nusa so'dak sila la beek sila? Sila nde bee na dula dalek fo lalalau-laoono Manetualain, ma fo Manetualain nadenus, soaneu tulu-fali hataholi fo neukose sipo so'da-mole ka.

1 PETRUS 3:1

Leondiak boe, ba'eneu emi fo saoina kala lemin! Ela leo bee na, emi muse tunga emi saotou ma paleta na, fo ela metema nai saotouk sila la, hapu nggelok, beita lamahele halak fo maneme Manetualai na mai fa soona, no emi ha'da tatao malolem ndia, fo lamahele leona. Ma ta paluu emi mafa'das hata-hata esa boen,