1 PETRUS 3:2 - Susula Malalaok Hehelu Palak Ma Hehelu Beuk

² nana lita emi ha'da-tataom matetu ma, ma ndoos ndia.

1 PETRUS 3:2 ပူးပေါင်းရင်းမြစ်များ

EFESUS 5:33

Tehu lalanek nananafa'dak ndia boeo, nanauu tututi-nanatok no emi boe: Ela leo bee na, saotou kala esa-esak sue-lai saoina na, sama leo ana sue-lai ao ina na, ma ela leo bee na, saoina kala esa-esak sanga enok fo fe ha'da-holomata neu saotou na.

EFESUS 6:5

Tolano-tolanook fo manda'di ata la lemin! Tunga emi malangam fo manai daebafak ia, paleta na. Tao-no'i no ha'da-holomata, ma tunga no te'e-te'ek, nono'ka bai de, emi tao-no'i neu Kristus nde ndia.

FILIPI 1:27

Na, fo nana paluuk besak ia nde, nae emi so'da ma nandaa no hata fo Hala Malole a nakasetin la'eneu Kristus ndia. No enok ndia, fafa'ka ma au bei atongo o emi do ta, neukose au amanene lae, emi teik esa-dalek esa mahele ma tunga sanga sama-sama soaneu ka'da dudu'a-aafik esa ma hihii-nanauk esa; fo nde soaneu namahehelek fo nandaa no Hala Malole fo maneme Manetualai na mai a.

FILIPI 3:20

Tehu ita nde bee na, nusa so'da ka hataholin ita. Lamatuak Yesus Kristus fo ita Mane Mana Fe So'da na, Ana mai neme mamanak ndia mai boe. Ndia nde ita tahani ninga-ninga too nana.

KOLOSE 3:22

Tolano-tolanook fo mana da'di ata la lemin! Ela leo bee na, nai basa dede'ak lala'ena dalek, emi tunga emi malangam manai daebafak ia paleta na. Boso tunga paleta nala, ka'da nai lelek fo emi malanga ma nanea emi a, fo sue ka nde emi malanga ma, ana koa-kio emi. Tunga paleta nala no dale katema tuak, hu ka nde emi fe ha'da-holomata neu Lamatuak Yesus.

1 TIMOTIUS 4:12

Boso fe hataholi nakadadaek o, hu ka nde o bei muli soluk. Te ela leo been-na, o da'di natutu'duk esa ba'eneu hataholi kamahehele kala, nai o dede'a-kokolam ma o ha'da tataom dalek, nai o susue-lalaim neu o nonoo hataholi ma dalek, nai o namahehelem neu Kristus Yesu sa dalek, ma nai o so'da malalao-malalafu ma dalek.

1 PETRUS 1:15

Dede'a nasafali na, ela leo bee na emi malalaok nai basa hata fo, emi tao-no'i ka dalek, sama leo Manetualain fo mana malo emi a, malalaok.

1 PETRUS 2:12

Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.

1 PETRUS 3:1

Leondiak boe, ba'eneu emi fo saoina kala lemin! Ela leo bee na, emi muse tunga emi saotou ma paleta na, fo ela metema nai saotouk sila la, hapu nggelok, beita lamahele halak fo maneme Manetualai na mai fa soona, no emi ha'da tatao malolem ndia, fo lamahele leona. Ma ta paluu emi mafa'das hata-hata esa boen,

1 PETRUS 3:3

Boso malole-manapu ka'da nai deak fo nde, balias emi langa doo ma, do pake lilo-henu, do pake ka'da bua lo'a kabeli ina nala.

2 PETRUS 3:11

Hu ka nde basa sila lala'ena, nanatao nakalulutuk ninik enok matak leondia ka, soona emi maso'da tao leo beek bai? Emi muse maso'da no ndoos ma malalaok,