1 PETRUS 3:14 - Susula Malalaok Hehelu Palak Ma Hehelu Beuk

¹⁴ Tehu leomae emi muse doidoso, nanahu emi tao-no'i tatao-nono'i malole soona, emi maua-manale! Boso bii hataholi esa boen, ma emi dale ma boso ba'ihana.

1 PETRUS 3:14 ပူးပေါင်းရင်းမြစ်များ

AMSAL 3:25

Ta paluu o bii-mamata'u neu soe fo ana mai no kaiboik, sama leo ani-sangu, fo ana tuni la'e hataholi manatao tatao-nono'i mangalauk-kala.

YESAYA 51:12

Manetualain nafa'da nae, “Au nde kokoe-nanasi emi-a. Tao le'e de, o bii-mamata'u neu hataholi daebafak fo, manasapu-manalalok-ka, neu hataholi daebafak fo, nanatapa henik, sama leo na'u-a?

YEREMIA 1:8

Boso bii-mamata'u neus, nana neukose Au sama-sama o o, fo Au asulu-ahapa o. Au, fo Manetualain nde manakokolak-ka!”

YEREMIA 15:15

Boema au afa'da ae, “Manetualain, O bubuluk. Mafandele ma tulu-fali au dei. Balas sila fo manausi-a ma manantuni-ndeni au-a. Boso kala loak soaneu sila, te boso nalosak ala tao lisa au. Mafandendelek te nanahu O au nananakadadaek.

YESKIAL 3:9

Neukose, Au tao o da'di batu piak, fo tean-na sama leo batu intan-na. Boso bii-mamata'u neu malenalanga-masabasook sila-la.”

MATEOS 10:28

Boso bii neu hataholi kanisa ao paa ka, nana sila ta lanuu koasa, fo tao lisa samane ka fa. Bii neu ka'da Manetualain, fo nanuu koasa taonisa la'iesak emi ao paa samanem nai tasi ha'ik dale.

MATEOS 10:31

Hu ndia de, boso bii. Nana emi beli ma, ba'u lena manupui dai ana sila!”

MATEOS 10:39

Hataholi fo ana ho'u nahele so'da na, neukose namopo so'da na, tehu hataholi fo ana nau namopo so'da na, hu ka nde ana lili neka nahele Au, soona, neukose ana hapu so'dana.”

MATEOS 16:25

Nanahu hataholi mana ho'u nahele so'da na, neukose namopo so'da na. Tehu hataholi fo, ana tunu-hotu so'da na hu ka nde Au, soona neukose ana hapu so'da na.

MATEOS 19:29

Ma see la'oela uma-loon do tolanoo tou tolanoo inan, do ina aman, do upu-anan, do tina-osin nanahu Au soona, neukose hataholi ndia, ana sipo fali kana didikuk la'i natun esa. Ma neukose, ana sipo so'da matetu ka, ma mana ketu basa ta ka boe.

MARKUS 10:29

Yesus nae, “Mamahele leona! Te hataholi fo ana la'oela uma lon, do tolanoo toun, do tolanoo inan, do inan, do aman, do ana nala, do ha'deoe ma tina osin boe, hu ka nde Au ma Hala Malole maneme Manetualai na mai,

MARKUS 8:35

Nana hataholi fo ana nau ho'u nahele so'da na, neukose namopo so'da na. Tehu hataholi fo ana tunu-hotu so'da na soaneu Au, ma soaneu Hala Malole fo neme Manetualain mai soona, neukose ana hapu so'da na.

YOHANIS 14:1

Boema Yesus nafa'das nae, “Emi dale mala boso he'di sa, te mamahele Manetualain leona, ma mamahele Au boe.

YOHANIS 14:27

Au la'oela so'da-mole ka neu emi. Au so'da-moleng nde Au fe neu emi ndia. Au fe emi ndia, ta sama no daebafa ka fe emi ka fa. Boso dale he'di, ma boso bii.

HATAHOLI 9:16

Ma Au atu'dun basa doidosok fo muse ana la'ola'din, nanahu Au.”

2 KORINTUS 12:10

Da'di au amahoko unik au tapandoe ngala. Au boeo amahoko, metema hu ka nde Kristus de au nakamumulu-nakamamaek, au la'ola'di toto'a-sosotak, nanausi-puuk, ma la'ola'di toto'a-tataak. Nana metema au tapandoe soona, nai lelek ndia nde au balakaik.

FILIPI 1:29

Nanahu Manetualain fe basa emi baba'e-babatik, fo ta soaneu ka'da mamahele neu Kristus fa, te soaneu emi doidoso, ba'eneu Kristus boe.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

YAKOBIS 5:11

Loke hataholi sila la lae, hataholi maua-manalek, nana lakatatakak. Emi bubuluk basa, Ayub ta haelai namanasa fa, ma emi bubuluk, tao leo beek de neu mate'e na, boema Amak Manetualain fen baba'e-papalak. Nana Amak Manetualain ndia mana sue-laik nanseli, ma dale malole.

1 PETRUS 3:6

Sara leondiak boe. Ana tunga Abraham paleta na, ma noken soona nae, ndia malanga na. Besak ia, tolanoo kala nde bee na Sara anan, metema emi tao-no'i dede'a malole, ma emi ta bii-mamata'u neu hata esa boen.