1 PETRUS 3:11 - Susula Malalaok Hehelu Palak Ma Hehelu Beuk

¹¹ Ana muse nadook ao na neme tatao-nono'i mangalau ka mai, ma tao-no'i ka'da tatao-nono'i malole; ela leo bee na, ana sanga enok te'e-te'e, fo ana hapu mole-dame a.

1 PETRUS 3:11 ပူးပေါင်းရင်းမြစ်များ

AYUB 1:1

Touk esa na'de Ayub, ana leo nai dae Us-sa Ana sene-do'ok, ma ana lilineka neu Manetualain. Hataholi ia, hataholi dale malole, ma ana ta tao tatao-nono'i mangalauk faaanak boen.

AYUB 2:3

Boema, Manetualain natane nae, “Ade, o taoafik neu Au atang Ayub do ta? Nai basa daebafak-ka lala'en-na, ta hapu hataholi lilinekan ma dale malolen-na, sama leo ndia fa. Ana sene-do'ok neu Au, ma ana ta tao tatao-nono'i mangalauk makandondook fa. Ana bei lilineka nahele Au, leomae o fufu'di-oo'dok Au, fo Au tao susa-soen, no ta nanuu enon-na fa.”

AYUB 28:28

Manetualain nafa'da hataholi daebafak-ka nae, “Soaneu hapu manatee-enok-ka, emi muse fe ha'da-holomata neu Manetualain. Soaneu hapu dudu'a manadaik-ka, emi muse dook-ka meme tatao-nono'i mangalauk-ka mai.”

MAZMUR 125:4

Ou Manetualain, tao malole neu hataholi malole, ma neu hataholi fo, dalen-na ndoos.

MAZMUR 34:14

Boso kokolak dede'a-kokolak mangalauk, ma boso nau ke'di-ndiuk-ka.

MAZMUR 37:27

La'oela hata fo mangalauk-ka, ma tao hata fo malole-a, soona o tititi-nonosim leo napalasa dae ndia losa dodoon-na.

AMSAL 16:17

Hataholi malole-a, dook-ka neme mangalauk-ka mai; ma hataholi fo ana taoafik neu maso'dan-na eno-dalan-na, nasulu-nahapa aoinan-na.

AMSAL 16:6

Hataholi manalilinekak neu Manetualain-na, neukose ana hapu do'o do ampon; ma hataholi kamahehelek-ka, neukose nadook aoinan-na neme tatao-nono'i mangalauk lala'en-na mai.

AMSAL 3:7

Boso mafa'da mae o malelam-ma lena neme ai uku-a mai; tunga Manetualain ma madook o aoinam-ma neme tatao-nono'i mangalauk-ka mai.

MATEOS 5:45

fo ela emi Amam manai nusa so'da ka, Ana tao emi da'di Ndia anan. Nanahu Manetualain sue-lai hataholi malole a ma hataholi mangalau ka boe. Ana fe hataholi mana tao ndo sa ma hataholi mana tao mangalau ka u'dan no'u-no'u.

MATEOS 5:9

Maua-manalek neu hataholi fo nini mole-dame nai hataholi daebafa ka tala'da; nanahu neukose Manetualain sipo kasa da'di Manetualain ana nala!

MATEOS 6:13

Matetea ami namahele ma, nai faik fo soso'ba-susu'di ka so'ba-su'di ami, tehu mapo'ik ami neme nitu mangalau ka koasa na mai. Nanahu O nde Manek mana koasa, ma mandela masa'ak, losa dodoo na. Amin.’

MARKUS 14:7

Hataholi nuu ta-hata ta kala, mandoo fai a lai emi tala'da. Metema emi nau soona, tunga faik emi hapu tulu-falis. Tehu Au ta sama-sama o emi tataas esa fa.

LUKAS 1:79

leondiak boe, Ana fe mangale'do na neu basa hataholi fo laso'da nai makahatu ka dalek ma bibii-namata'u ka. Ana hela-nole ita leo enok fo manaleo mole-dame neu.”

LUKAS 6:35

Tunga ndo na ta leondiak fa! Nasafali na, emi muse sue-lai emi musu no ma, ma tao malole neus. Emi muse fe hataholi tona emi hatam, ma boso mamahena hapu fali kana. Metema leondiak soona, neukose emi ngga'di ma matua ina, ma neukose emi da'di Manetualain Fo Mademaina, ana nala. Nana Manetualain dale na malole neu hataholi fo ta noke nalelak makasi ma neu hata fo mangalau ka boe.

LUKAS 6:9

Basa boema Yesus natane hataholi manai sila la nae, “Tunga agama hoholo-lalanen soona, ita bole tao hata nai fai Saba ta? Tao malole do tao mangalauk? Tao taso'da hataholi do tao susa-soen?”

YOHANIS 17:15

Au ta oke Ama ka ho'i nalas leme daebafa ka ia mai fa, tehu Au oke ela leo bee na, Ama ka naneas leme Nitu Mangalau ka mai.

ROMA 12:18

Sanga enok tao leo bee fo maso'da mole-dame mo basa hataholi lala'ena.

ROMA 14:17

Nana metema Manetualain paleta hataholi esa so'da na soona, hata fo na'a do nininun ndia, ta paluu so'on. Fo paluu ka nde hataholi ndia tunga Manetualain hihii-nanaun, dale na tesa-tama, ma ana sipo namahokok fo Manetualain Dula Dale na ba'e fe nana.

ROMA 14:19

Hu ndia de, ita dale dudu'a na muse nai ka'da nai mole-dame a dalek tataas esa, ma esa nafofo'a esa namahehele na.

ROMA 5:1

Besak ia ita malole falik to Manetualain so, nanahu ita tamahele. Hu ndia de ita taso'da to Manetualain nai mole-dame a dalek, tunga ita Lamatuan Yesus Kristus.

ROMA 7:19

Au hii tatao-nono'i malole a, tehu au ta tao fan; dede'a nasafali na, au ta hii tatao-nono'i mangalau ka fa, tehu au taon.

ROMA 7:21

Da'di, au ho'i ka'da dede'a ka isi na nae, hoholo-lalanek iala nde paleta ita dale na: fo nde, metema au hii tao malole soona, dula dale mangalau ka, ana koasa na au leona.

ROMA 8:6

Metema hataholi daebafa ka ha'da tataon koasa na emi dudu'a-aafim soona, ninini na ka'da mamate sa. Tehu metema Manetualain Dula Dale na koasa na emi ha'da-tataom soona, ninini na maso'da ka ma mole-dame no Manetualain.

GALATIA 5:22

Dede'a nasafali na nae, metema Manetualain Dula Dale na hela-nole hataholi soona, buna-boan nde: ala lasue-lalai ao, ala lamahoko-setelee, ala lanuu dale mana tesa-tamak, ala ta haelai lamanasa, ma ha'da-tataon malole, ala malole lo hataholi fe'ek, ala lilineka,

GALATIA 6:10

Hu ndia de, metema bei hapu fai loak soaneu ita soona, ela leo bee na ata tao malole neu basa hataholi lala'ena, lena-lenak ba'eneu ita tolanoon fo, ita namahehelek esa.

KOLOSE 3:15

Ela leo bee na, mole-dame fo Kristus fen nai emi dalem dale a, nde naketu basa emi nakeketum lala'ena. Nana Manetualain nalo emi, soaneu emi da'di lima-eik neme aok esa mai, fo ela emi maso'da nai mole-dame fo maneme Kristu sa mai a. Ela leo bee na, emi moke makasi neu Lamatua ka.

1 TIMOTIUS 6:18

Mafa'das fo latu'du tatao-nono'i malole nala nai basa dede'ak lala'ena dalek ma ala nau tulu-fali hataholi.

IBRANI 12:14

Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.

IBRANI 13:16

Boso mafandeleheni tao malole, ma matulu-mafali ao, nanahu ndia nde tutunu-hohotuk fo nandaa no Manetualain dale na.

YAKOBIS 4:17

Hu ndia de, hataholi fo ana bubuluk basa, hata malole bee ka nde, muse ana tao-no'i nana, tehu ana ta tao-no'i fan, soona hataholi ndia nasala-nasingo.

1 PETRUS 3:12

Nanahu Lamatua ka mete-nakanae tataas esa neu hataholi mana tao tunga hihii-nanau na, boema Lamatua ka namanene tataas esa neu sila huhule-haladoin; tehu Lamatua ka la'ban hataholi mana tao-no'i tatao-nono'i managalau kala.”

3 YOHANIS 1:11

Tolanoo susue ngo nei! Boso nanadulak neme hata mangalau ka mai, te nanadulak neme ka'da hata malole a. Hataholi mana tao malole a, hataholi ndia, Manetualain hataholin. Ma hataholi mana tao mangalau ka, hataholi ndia beita nalelak Manetualain fa.

HAKIM-HAKIM 11:14

Boema, Yefta nadenu hataholi neu seluk leo mane Amon-na neu,