1 PETRUS 2:12 - Susula Malalaok Hehelu Palak Ma Hehelu Beuk

¹² Matu'du emi ha'da-palii malole ma, neu hataholi fo beita lalelak Lamatua ka, fo ela metema lakamumulu-lakamamaek emi, sama leo hataholi mangalauk, tehu no emi ha'da-palii malolem ndia de, neukose ala koa-kio Manetualain nai faik fo Ana fali ma'i na.

1 PETRUS 2:12 ပူးပေါင်းရင်းမြစ်များ

MAZMUR 37:14

Hataholi mangalauk-ka, ana fe'a tafainan-na, ma ana kou kou-kou isin-na, fo ana taonisa hataholi nuu ta-hata tak-ka, ma manadoi-dosok-ka, fo ana do'do-pau hataholi fo, so'dan-na malole.

MAZMUR 50:23

Hataholi fo, ana tunu-hotu tutunu-hohotu makasi da'di leo ndia tutunu-hohotun soona, ndia nde fe ha'da-holomata neu Au; ma ba'eneu hataholi fo manasadia enok-ka neukose Au atu'dun so'da-molek-ka neme Au mai.”

YESAYA 10:3

Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

DANIAL 6:4

Tu'tik-ka no lai-laik, ala bubuluk se'kona Danial tatao-nono'in malole lena neme gobelnol-lala ma manamanea fe'e-fe'ek-kala mai. Hu ndia de, manek-ka nau so'un da'di manakoasa nai nusak-ka lala'en-na.

MATEOS 10:25

Metema ni'iana sakola ana esa, ana da'di sama leo mese na, ma ata esa, ana da'di sama leo malanga na soona, dai so. Makanaema malanga uma lo a, ala foi basa na'de na lae Baalzebul, soona muda hata no uma isi nala bai. Neukose ala fes na'dek esa, mangalau na ba'u lena seluk ndia bai!”

MATEOS 5:11

Maua-manalek neu emi, metema hataholi nakamumulu-nakamamaek emi, ala fepa-li'u emi, ma lakasasa'ek dede'a pepekok neu emi, nanahu Au.

MATEOS 5:16

Leondiak boe emi muse da'di mangale'dok nai hataholi a matan, fo ela lita emi tatao-nono'i malole ma, fo no enok ndia, hataholi a hapu koa-kio emi Amam manai nusa so'da ka.”

MATEOS 9:8

Lelek hataholi la lita manda'dik ndia boema ala bii, ma ala koa-kio Manetualain, nanahu Manetualain fe hataholi daebafa ka koasa matua ina so.

LUKAS 1:68

“Mai fo ata koa-kio Manetualain, fo leoina Israe la sene-do'o ka! Ana mai tulu-fali hataholi kamahehele nala so ma Ana soi-po'is.

LUKAS 19:44

Neukose ala tao lakalulutuk o sama-sama mo basa o lau mala lala'ena, ma ta hapu batu esa boen, neukose ala po'ilota kana nananakatoto'do nahelek neme mamanana fa, nana o ta taoafik neu faik fo lelek Manetualain mai soaneu Ana soi-tefa nala o fa!”

LUKAS 6:22

Maua-manalek neu emi, metema nananakamuu-nakadauk, nanatipahenik, nananakamumulu-nakamamaek, ma nanakala pepekok, hu ka nde Ana Hataholi ka!

YOHANIS 13:31

Yudas la'o boema Yesus nae, “Besak ia, Ana Hataholi ka nananamatutua-namadedemak, ma Manetualain nananamatutua-namadedemak tunga Ana Hataholik ndia.

HATAHOLI 15:14

Besa ka Simon nafa'da mangalele'do, tao leo beek de nai makasososa na, Manetualain mete-nakanae hataholi ta Yahudi la fo Ana sanga hele nai sila dalek, hataholi fo ana da'di Ndia hataholi kamahehelen.

HATAHOLI 24:13

Sila boeo ta hapu fe buti esa boen la'eneu sila kalaan neu au a fa.

HATAHOLI 25:7

Lelek fo Paulus losa boema, hataholi Yahudi manamaik leme Yerusalem mai a, lapadeik okofeo lan de ala mulai tui sila kalaa mabela ina na neu Paulus. Tehu sila kalaa na, butin ta.

HATAHOLI 28:22

Tehu ami hii bubuluk tolanoo ka namahehele na, nana ami basa-basa mala mamanene hataholi la lakamu-lakadau nanolik fo tolanoo ka namahelen ndia.”

ROMA 12:17

Metema hataholi tao mangalauk neu emi soona, boso bala sana ninik mangalauk. Tao malole tunga hataholi a mata memete na.

ROMA 13:13

Ita muse tao tatao-nono'i nanakoa-kiok sama leo mandoofai hataholi a tao-no'in nai fai lele'do na; boso tao feta-dote lena neme dae too mai, do mafuk ala-lalu. Boso sosoa-piao, do matu'du ha'da-tatao ha'da tak. Boso mahote, do mape'da dalek neu hataholi.

ROMA 14:18

Hataholi fo nalalau-naoono Kristus no enok leondia ka, hataholi ndia nandaa no Manetualain dale na, ma hataholi fe'e kala fe ha'da-holomata neun.

ROMA 15:9

Yesus boeo Ana tao na leoina fe'e kala koa-kio Manetualain, nanahu Manetualain dale na malole neus. Nai Susula Malalaok dale nanasulak nae leoia, “Hu ndia de neukose au koa-kio O nai hataholi fe'e kala tala'da, neukose au akamee nakamee kokoa-kikiok soaneu O na'de ma.”

1 KORINTUS 14:25

Basa dede'ak fo nananafunik nai dalen dale ka, neukose nafa'dan, nalosa nakaloe-nakadae ao na, boema ana sene-do'ok neu Manetualain. Neukose ana manaku nae, tete'e ka Manetualain nai emi tala'da heom.

2 KORINTUS 1:12

Ami mamahoko nana ami dale bobongoana ma natetea-nahehele ami nae, ami maso'dam nai daebafak ia, makasososa na ami tututi-nanatom mo emi a, ami makalala'ok basan no dale ndoos ma matetuk so. Ami tao basa sila la ta no hataholi daebafak manatee teno na fa, tehu no be'ibalakaik fo Manetualain fe ka.

2 KORINTUS 13:7

Ami hule-haladoi neu Manetualain fo ela leo bee na, Ana nau tulu-fali emi, fo boso boe tao salak bai. Ta nde soaneu ami matu'du mae, ami ia makatatakak mabe'i soso'ba-susu'di ka, tehu fo ela emi tao hata fo Manetualain nahii kana, leomae meten soona ami ta makataka soso'ba-susu'di ka fa!

2 KORINTUS 8:21

Ami nau tao tunga ka'da ndo na, ta ka'da nai Lamatua ka matan fa, tehu nai hataholi daebafa ka matan boe.

EFESUS 2:3

Makahulu na, ita basa-basa tala sama leo sila boe; ita taso'da tunga ita ha'da-tatao hataholi daebafa na, ma ita tao-no'i hata fo nandaa no ita dudu'a-aafi ao paa na. Nai lelek ndia, Manetualain nasa-melun tu'da la'e ita, sama leo hataholi fe'e kala boe.

EFESUS 4:22

Hu ndia de, tu'u-tapa heni emi ha'da-tatao palaa mala no maso'da palaam fo emi hihii-nanau manamopo mala, nde tao nakalulutu kana.

FILIPI 1:27

Na, fo nana paluuk besak ia nde, nae emi so'da ma nandaa no hata fo Hala Malole a nakasetin la'eneu Kristus ndia. No enok ndia, fafa'ka ma au bei atongo o emi do ta, neukose au amanene lae, emi teik esa-dalek esa mahele ma tunga sanga sama-sama soaneu ka'da dudu'a-aafik esa ma hihii-nanauk esa; fo nde soaneu namahehelek fo nandaa no Hala Malole fo maneme Manetualai na mai a.

FILIPI 4:8

Mate'e na, tolanoo kala tao mahenu dudu'a-aafi mala ninik dede'a kabelik, fo nandaa nanakoa-kiok, fo nde dede'a ndoos, ha'da-holomata, tunga ka'da ndo na, matetuk, manini suse-lalaik ma malole.

1 TESALONIKA 4:12

Metema emi maso'da leondiak soona, emi ta mamahena hataholi so'on, ma hataholi fo ta lamahele Kristu sa, neukose ala fe ha'da-holomata neu emi.

1 TIMOTIUS 2:2

soaneu mane-mane kala, ma basa hataholi mana ho'u koasa lala'ena. Moke fo ela ita taso'da no nee nee-lino linok, mole-dame soaneu Manetualain, no ha'da-tatao matetu-mandaak.

1 TIMOTIUS 4:12

Boso fe hataholi nakadadaek o, hu ka nde o bei muli soluk. Te ela leo been-na, o da'di natutu'duk esa ba'eneu hataholi kamahehele kala, nai o dede'a-kokolam ma o ha'da tataom dalek, nai o susue-lalaim neu o nonoo hataholi ma dalek, nai o namahehelem neu Kristus Yesu sa dalek, ma nai o so'da malalao-malalafu ma dalek.

1 TIMOTIUS 5:10

inafalu fo ana tao malole nai basa dede'ak lala'ena dale ka nde: naka boboi ana nala no malole, namahoko sipok hataholi sungu nai uman, nalalau-naoono hataholi kamahehele kala, tulu-fali hataholi mana to'a ta kala, ma ana tao tatao-nono'i malole lupa-lupa kala no te'e-te'ek.

IBRANI 13:18

Hule-haladoi makandoo soaneu ami. Ami mamahele, ami dale bobongoana ma neuisik, nana nai basa dede'ak lala'ena dalek, ami nau tao-no'i hata ndo sa tataas esa.

IBRANI 13:5

Boso fe doi ka koasa emi so'da ma, tehu ela leo bee na emi mamahoko neu hata fo emi manuu ka. Nana Manetualain nafa'da basa nae, “Neukose Au ta po'ilotak emi do la'oela emi fa.”

YAKOBIS 3:13

Metema nai emi dalek, hapu hataholi manatee tenok ma hataholi malelak soona, ela leo bee na natu'dun ninik so'da malole na ninik, ana tao-no'i tatao-nono'i malole sama-sama no dale nakaloloe-nakadae ka, ma manatee teno ka.

1 PETRUS 2:15

Nanahu Manetualain nau, fo ela no emi tatao-nono'i malolem ndia, de emi ko'o ketu hataholi mana kokolak dede'a nggoa kala, bafa na.

1 PETRUS 3:16

Tehu emi tao-no'i sila la no nakaloe aok ma ha'da-holomata. Ela leo bee na, emi dale bobongo ana ma ndoos, fo ela metema hataholi nakamumulu-nakamamaek emi, hu ka nde emi so'da ma malole, sama leo hataholi mana tunga Kristu sa, soona neukose hataholi mana makamumulu-makamamaek emi ndia, ana mae.

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.

2 PETRUS 3:11

Hu ka nde basa sila lala'ena, nanatao nakalulutuk ninik enok matak leondia ka, soona emi maso'da tao leo beek bai? Emi muse maso'da no ndoos ma malalaok,

RUT SUSULAN-NA 3:14

Boema Rut sungu neme ndia, deka no Boas ein-a. Balahaa fafaik, fo bei makahahatu anan-na, te Rut fo'a so, fo sue kande hataholi boso nitan. Nana Boas ta nau hataholi esa boen, bubuluk nae Rut neu leo mamanak ndia neu.