1 PETRUS 1:7 - Susula Malalaok Hehelu Palak Ma Hehelu Beuk

⁷ Dede'ak ia tetee-tutu'dan nde, fo ela ana da'di buti esa nae, ade te'e-te'e, emi mamahele Lamatua ka do ta. Lilopila sa hapu nalutun boeo, bei nanaso'bak ninik ha'i. Na, emi namahehele ma nde bee na, beli na lenaheni lilo pilasa, da'di muse so'ban boe, fo ela natea-nahele. Fo no enok ndia, neukose emi nanakoa-nanakiok, ma nanafe ha'da-holomata, boema nana namatutua-namadedemak nai faik fo Yesus Kristus fafali ma'i na.

1 PETRUS 1:7 ပူးပေါင်းရင်းမြစ်များ

AYUB 23:10

Tehu, Ana bubuluk basa au enong lala'en-na, boeo au ei nggangganing lala'en-na Metema, Ana fola au, sama leo lilopilas-sa, soona neukose, Ana bubuluk nae, au daleng-nga leo lilo isik.

AYUB 28:1

Hapu mamanak fo, hapu lilofulak nai ndia; ma hapu mamanak, fo nai bee, lilopilas-sa nanataok neu liloisik.

MAZMUR 17:3

Meteme O fola au daleng-nga ma O mai palisak besa-besa mo au nai fai le'odaen-na soona, neukose O hapum-ma, au daleng-nga ndoos ma matetuk; au hala-kokolang sama leo au dudu'a-aafing.

AMSAL 16:16

Hapu manatee-tenook-ka soona, malolen-na lena heni hapu lilopilas-sa; ma hapu malelak-ka soona, malolen-na lena heni hapu lilofulak-ka.

AMSAL 17:3

Lilopilas ma lilofulak-ka, nanafolak nai ha'ikaak dale, tehu Manetualain fola hataholi-a dalen-na.

AMSAL 8:19

Hata fo o hapu neme aumai-a, lena heni lilopilas isik-ka; belin-na lena heni lilofulak isik-ka.

PENGKHOTBAH 5:14

Bongi ita no makaholak; leondiak boe, ita la'oela daebafak ia, no ta teni hata esa boen, neme ita sosota-mamangun lala'en-na mai fa.

YESAYA 48:10

Au fola o nai ha'i doidosok dale, sama leo lilofulak-ka, nanafolak nai dapu ha'i dale.

YEREMIA 48:36

Su'i betek Kir-Heres ma basa Moab mopo heni so. Au daleng-nga he'dis neu sila; Au sama leo hataholi manafuu sulik nai fai mamates-sa.

YEREMIA 9:7

Hu ndia de Manetualain Fo Manakoasan-nafa'da nae, “Neukose Au fola Au anang-ngala sama leo liti-a, fo ela ala boso da'di nanasese'do-babalik. Au hapu tao seluk beek soaneu Au anang fo, manatao tatao-nono'i mangalauk-ka so

ZAKHARIA 13:9

Neukose maso'dak ka'da baba'ek esa neme baba'ek 3 mai. Ma neukose, Au tao alalao-alalafu hataholi sila, sama leo ha'i tao namaneu lilofulak-ka. Neukose Au so'bas, sama leo hataholi-a, ana fola lilopilas-sa. Boema neukose, ala hule-haladoi neu Au, fo neukose, Au ataa huhule-haladoin-nala. Neukose Au afa'das ae, sila nde been-na, Au anang, ma sila boeo, neukose manaku lae, Au nde Manetualain fo sila Manetualain-na.”

MALEAKHI 3:3

Ana mai fo naketu-nala'di, sama leo hataholi manatao balisi, ma manapoli lilofulak-ka. Sama leo tuka liti esa, ana tao namaneu lilopilas ma lilofulak-ka, leondiak boe, Manetualain hataholi nadedenun-na, neukose ana tao namaneu basa imam-mala, fo ela ala tunu-hotu tutunu-hohotuk nenik enok fo Manetualain nahiik-kana.

BILANGAN 5:28

Tehu leounik-ka ta nasala fa soona, soo-supak ndia ta la'e fan, de ana bei bisa bongi seluk.

MATEOS 19:28

Yesus nafa'das nae, “Mamahele leona: Nai Daebafa Beu ka dalek, neukose Ana Hataholi ka nangatuuk neu kandela manen fo mandela-masa'a ka lain. Nai lelek ndia emi fo Au ana mana tunga ngala, neukose emi mangatuuk nai kandela mane kasanahulu dua kala lain, fo emi maketu-mala'di leoina Israe la leo ana kasanahulu dua nala!

MATEOS 25:21

Boema tua na nae, ‘Malole, o malalau-maoono malole ma mana lilinekak. Hu ka nde o hapu nananamahelek nai dede'a kome'do ana la dalek, de neukose au fe namahehelek ba'u ka neu o. Masok leo dalek ia mai, fo mamahoko sama-sama mo au!’

MATEOS 25:23

Boema tua na nae, ‘Malole, o malalau-maoono malole ma mana lilinekak. Hu ka nde o hapu nananamahelek nai dede'a kome'do ana la dalek, de neukose au fe namahehelek neu o. Masok leo dalek ia mai, fo mamahoko sama-sama mo au!’

LUKAS 12:33

Mase'oheni hata-hetom fo fe doi na neu hataholi nuu ta-hata ta ka. Tao ma alukosu doik fo ta bisa nalutu fan, soaneu emi aoina ma, fo nde hata-heto fo nanape'dak nai nusa so'da ka. Hata-heto ndia ta bisa mopo fan, nanahu nakodaa ta hapu ho'i na fan, ma andae-a ta hapu tao nalutu fan.

LUKAS 17:30

Mahani te heheo-hihilun leondiak, nai lelek Ana Hataholi ka nananatu'duk.

YOHANIS 12:26

Hataholi see nau nalalau-naoono Au soona, ana muse tunga Au, fo sue ka nde Au nai bee soona, Au malalau-maoono ngala boeo lai ndia. Hataholi see nalalau-naoono Au soona, neukose Au Amang fe ha'da-holomata neun.”

YOHANIS 5:44

Emi hapu mamahele tao leo beek, metema emi nau emi nonoo hataholi ma, koa-kio emi, te emi ta nau sanga enok fo sanga kokoa-kikiok neme Manetualain fo kisak ndia mai fa?

HATAHOLI 8:20

Tehu Petrus naen nae, “Soe ba'eneu o mo o doi ma! O maedaenga o hapu asa Manetualain baba'e-babatin ninik doik do?

ROMA 2:10

Tehu basa hataholi manatao tatao-nono'i malole a, neukose Manetualain fes mandela-masa'ak ma ha'da-holomata, boema so'da-molek; makasososa na hataholi Yahudi a, basa soona leoina fe'e kala.

ROMA 2:29

Dede'a nasafali na, hataholi Yahudi matetu ka nde, hataholi fo nape'da ha'da-palii Yahudi nai dalen dale; ma sunat matetu ka nde Manetualain Dula Dale na nde tao na hataholi ndia dale na nanasunat, te ta sunat fo nanasulak nai susulak dale fa. Hataholi leo sila kala nde sipo kokoa-kikiok neme Manetualain mai, te ta neme hataholi daebafa ka mai fa.

ROMA 2:7

Manetualain fe maso'da matetu ka ma manaketu basa ta ka neu hataholi manatao-no'i lahele tatao-nono'i malole, fo ala hapu hata mandela-masa'ak ndia, ma matua-madema boema matea-mahele ka.

ROMA 8:19

Basa daebafa ka lala'ena lahiik lanseli fai na losa leona, fo Manetualain natu'du ana nala nde see.

1 KORINTUS 3:13

Hataholi a esa-esak ue osan neukose nananitak nai faik fo Kristus fafali ma'i na. Nana neu faik ndia te, neukose ha'i nde tao na hataholi a esa-esak ue osan nananitak. Neukose ha'i nde fola ma naketu ue osak sila matea-mahelen.

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

1 PETRUS 1:13

Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.

1 PETRUS 1:5

Basa sila la nde bee na, soaneu emi, nana emi mamahele Manetualain. Boema Manetualain nanea emi ninik koasa na, fo ela emi sipo so'da molek fo nanasadia basak soaneu nananafa'dak nai le'do fai mate'e ka.

1 PETRUS 2:4

Hu ndia de, mai leo Lamatua ka mai leo na. Nanahu Lamatua ka sama leo batu maso'dak, batu fo hataholi daebafa ka tu'u-tapa henin, nana lae batu ndia, sosoa-ndandaan ta; tehu Manetualain hele nan, da'dileo batu kabelik.

1 PETRUS 2:7

Ba'eneu hataholi kamahehele kala soona, batu ndia beli na seli, tehu hapu Susula Malalao ka lalanen esa nde ia, ana tu'da la'e hataholi kamahehele tak sila la. Lalanek ndia nae leo ia, “Batu fo tuka uma la, ta pake fan, te see ko na, batu ndia ana da'di batu makasososak,”

1 PETRUS 4:12

Tolanoo susue-lalai ngala lemin! Besak ia emi doidoso manseli, nanahu emi bei nanaso'ba-su'dik. Tehu emi boso dodoo mae, nono ka bai de, hata matua ina esa, ana da'di neu emi.

1 PETRUS 4:13

Malole lenak emi mamahoko, nanahu emi doidoso sama-sama mo Kristus. Soona mahani te, metema Kristus namatutua-namadedeman nananatu'duk soona, neukose emi mamahoko.

1 PETRUS 5:1

Au oke, mana mauli-malanga salani kala taoafik neu salani kala. Au sulak susulak ia, sama leo nonoo mauli-malangan, ma sama leo hataholi fo mana sakasii matan Kristus doidoso na so, de neukose au boeo nananamatutua-namadedemak, nai lelek fo Kristus namatutua-namadedeman nananatu'duk neu hataholi daebafa ka. Hu ndia de, au oke anseli,

2 PETRUS 1:1

Tolano-tolanoo ngala lemin! Susulak ia neme au, Simon Petrus, fo Yesus Kristu satan ma hataholi nadedenun. Au sulak susulak ia soaneu emi, fo mana mamahele te'e-te'e sama leo ami boe. Yesus Kristus fo nde Manetualain ma ita Mane Mana Fe So'da na, Ana tao basa tatao-nono'i ndoos lala'ena, nalosa ita tamahele neun.

2 PETRUS 1:4

Hu no enok ndia de, Manetualain ba'e-bati fe ita baba'e-papalak matua ina ma mabelik fo, Ana helu basa ka so. No baba'e-papalak sila la de, emi matapo'i neme hihii-nanau mangalauk fo mana tao makalulutuk nai daebafak ia, boema no enok ndia fo emi sipo Manetualain ha'da-tatao mana ketu basa ta na.

2 PETRUS 3:14

Hu ndia, tolanoo susue-lalai ngala lemin! Nai lelek fo emi mahani Faik ndia, emi muse sanga enok te'e-te'e, fo emi so'da ma malalaok ma sala-singo tak nai Manetualain matan, Boema makaboboi emi tututi-nanatom no Manetualai na fo, malole nahele.

YUDAS 1:24

Manetualain, nanea nabe'i emi, fo daenga emi boso tu'da, ma no nabe'i emi leo ndela-sa'an dalek no namahokok ma malalaok.

NINITAK 1:7

Mete leona! Yesus mai no ko'a sa ana poti nan! Basa hataholi la neukose litan, nai dalek sila fo manapau nana boe. Basa leoina manai daebafa ka lala'ena neukose ala kii-makaleleu nanahu Hataholi ndia. Hei, dede'ak ndia neukose ana da'di! Amin!

NINITAK 2:10

Boso bii neu doidosok fo ta doo ka soo'on te emi muse la'ola'din. Mafandendelek, te neukose Nitu tao emi nggelok leo bui dale neu soaneu emi nanaso'ba-su'dik. Neukose emi doidoso faik sanahulu dale na. Ela leo bee na emi lilineka neu Au losa mate, soona neukose Au fe emi so'da matetu ka ma manaketu basa ta ka da'dileo bua palsen sesengik.

NINITAK 3:10

Emi matea-mahele sama leo Au paleta basan neu emi a. Da'di neukose Au asulu-ahapa emi nai lelek Au so'ba basa hataholi manai daebafa ka ninik toto'a-sosota matuaina.

NINITAK 3:18

Hu ndia de Au anoli-afa'da emi fo ela asa lilopilas neme Au mai, fo nde lilopila isi ka, fo ela emi da'di kamasu'ik. Boeo asa bua-lo'a fulak neme Au mai, fo ela emi mabua-lo'ak fo babaketu emi ha'da-tatao makaholam ma manini mamae ka. Ma asa aidok boe, fo lose neu emi mata ma fo ela emi hapu mita.

SEMUEL SUSULAK-KA ESAN-NA 2:30

Au, fo Israel Manetualain makahulun-na helu basa, ae o teidale-bobongim-ma o leo-ma, neukose lalalau-laoono Au da'di leo imam losa dodoon-na. Tehu besak ia, Au ta ahiik dede'ak ndia so'on! Nana manafe ha'da-holomata neu Au, neukose Au fe ha'da-holomata neun, tehu mananakamumulu-nakamamaek Au, neukose Au akamumulu-akamamaek-kana.