1 PETRUS 1:23 - Susula Malalaok Hehelu Palak Ma Hehelu Beuk

²³ Nanahu tunga Manetualain dede'a-kokola maso'dan ma mana ketu basa tak ndia, de nakadada'dik emi da'dileo hataholi nanabongi nasafalik, fo ta nanabongik neme hataholi daebafak mai fa, te neme Amak fo mana ketu basa ta ka mai.

1 PETRUS 1:23 ပူးပေါင်းရင်းမြစ်များ

YEREMIA 23:28

Nabi fo manamalame'ik-ka muse nafa'danae, ‘Ia ka'da me'is-sa.’ Tehu nabi fo manahapu hala haituak neme Au mai-a, muse nanduku-nalosak hala haituak ndia no matetun-na. Te gandum-ma ta hapu nakasasamakana no ha'de aik-ka fa.

IMAMAT 11:37

Metema bana mates ndia, ana tu'da la'e aide'ek fo sanga sele-nggalin soona, aide'ek ndia balisi nahele.

MALEAKHI 2:3

Neukose Au huku emi anam-mala, ma Au ahutu emi mata-panam nenik emi tunu-hotu bana-la, tein-na, ma neukose emi nanalele'a-lolosok leo tei bubuak-ka meu.

MATEOS 24:35

Lalai a no daebafa ka neukose mopos, tehu Au dede'a-kokolang lahele losa dodoo na.”

LUKAS 8:11

Basa boema Yesus nafa'da nae, “Nakandandaak ndia sosoa-ndandaan nde ia: Bini-ngges sila la nde Manetualain dede'a-kokolan

YOHANIS 1:13

Fo hataholi daebafak ta nde bongi nana fa, nanahu so'da beuk ndia, ana da'di neme Manetualain mai.

YOHANIS 1:3

Basa hata lala'e na, nananakadada'dik tunga Ndia, ma neme basa hata manada'dik lala'e na, ta hapu hata esa boen, fo ana da'di ta no Ndia fa.

YOHANIS 3:3

Boema Yesus nafa'dan nae, “Mamahele leona te, metema hataholi esa ta bongi nasafali fan soona, hataholi ndia ta da'di Manetualain hataholi kamahehelen fa.”

YOHANIS 3:5

Boema Yesus naen nae, “Au dede'ang ia, tete'e ka la'en: metema ta bongi nasafali hataholi a neme oe ma Manetualain Dula Dale na mai fa soona, Manetualain hataholi kamahehelen ta hataholi ndia fa.

YOHANIS 6:63

Manetualain Dula Dale na, nde ana fe hataholi daebafa ka naso'da. Nanahu hataholi daebafa ka be'i-balakain sosoa-ndandaan ta. Au afa'da emi dede'a-kokolak sila la nde bee na, Manetualain Dula Dale na dede'a-kokolan, fo dede'a-kokola manafe maso'da ka.

ROMA 1:23

Ala ta sene-do'ok neu Manetualain fo matea-mahelek ndia fa, te ala sene-do'ok neu ai batu nanadoki-dula kala, fo lalupa hata maso'dak, tehu hahae ta kala; ala doki-dulak las lalupa hataholi daebafak, manupuia, bana ei hak, ma bana manalo'do-lae ka.

IBRANI 4:12

Manetualain hala-kokolan nde bee na, hala-kokolak fo maso'dak, ma mabe'i-balakaik; tane na lenaheni tafaina tane kadua ka. Hala kokolak ndia, ana tola losa leo samane ka ma dula dale ka dae too na; ana tola losa leo bu'u-bu'u kala, ma dodole dui ka dae too na, nalosa ana bubuluk besa-besa no hataholi daebafa ka dale-aafin, ma dale tutu'u na.

YAKOBIS 1:18

No dale hihii mesa na de, Ana tao ita da'di Ndia anan, tunga hala-kokola ndo na. Ana tao leondiak, fo ela ita hapu mamana matua-madema lena heni basa hata maso'dak fo nakadada'di kasa.

1 PETRUS 1:25

tehu Lamatua ka dede'a-kokolan, nahele losa dodoo na.” Halak ndia nde Hala Malole, fo nanatui-benga basak neu emi so.

1 PETRUS 1:3

Mai fo toke makasi neu Amak Manetualain, ma ita Lamatuan Yesus Kristus! Ana sue-lai na ita ba'una seli, hu ndia de, Ana fe ita so'da beuk ninik Ana tao naso'da falik Yesus Kristus neme mamate sa mai. Dede'ak ia, nini fe ita namahehena matea-mahelek.

1 YOHANIS 3:9

Metema Manetualai nanan see soona, hataholi ndia ta bole tao sala-singok nakandondoo henin fa, nana Manetualain ha'da-tataon nai hataholi ndia dalen dale. Boema hu ka nde hataholi ndia aman nde Manetualain, de ana boso boe tao sala-singok nakandondoo henin bai.

1 YOHANIS 5:18

Ita bubuluk boeo, basa Manetualai nana nala lala'ena, boso tao sala-singok lakandondoo henin, hu ka nde lamahena Manetualain nasulu-nahapas de Hataholi Mangalauk ndia ta taos le'e esa boen.