1 PETRUS 1:17 - Susula Malalaok Hehelu Palak Ma Hehelu Beuk

¹⁷ Emi maloo Manetualain ndia mae Amak, nai lelek fo emi hule-haladoi neun. Na, Manetualain ndia nde naketu-nala'di hataholi daebafa ka, nandaa no esa-esak tatao-nono'in, nana Manetualain ta metematak fa. Hu ndia de, nai lelek fo emi bei maso'da nai daebafak ia, ela leo bee na, emi mamatutua-mamadedema Manetualain, nai emi maso'da ma dalek.

1 PETRUS 1:17 ပူးပေါင်းရင်းမြစ်များ

KEJADIAN 47:9

Yakob nataa nae, “Atam-ma naso'da teuk natun esa teluhulu, da'dileo manamaleu-malaak. Atam-ma so'dan ndia henuk no toto'a-tataak ma keke'uanak, metema nakasasamak-kana no atam-ma bei-ba'i kain teun-nala da'dileo manamaleu-malaak.”

1 TAWARIKH 29:15

O bubuluk ou Manetualain, mae sama leo basa ami bei-ba'i kaim-mala, ami boeo nai ami so'dam ia dalek da'di leo hataholi manamai ma hataholi nusa dea. Ami so'dam-ma sama leo salaok fo manasapu-lalok-ka, ma ami ta hapu matapo'i meme mamates-sa mai fa.

2TAWARIKH 19:7

Emi muse bii-mamata'u neu Manetualain, ma tao hata esa no besa-besa, nana ita Manetualain namanasa hataholi manatao peko-pakik-ka, boso mete matak do sipo hataholi fo ana solo o dalem-ma nenik doik.”

AYUB 34:19

Ana ta nok manek-kala, do Ana bibinga-baba'e hataholi kamasu'ik-ka, neme hataholi matasi'da-matasaek-ka mai. Nanahu, sila basa-basas nde been-na, Ndia lima tataan mesa-mesan.

MAZMUR 39:12

O fepa-li'u hataholi esa nenik huhukuk nanahu salan-na, ma O tao makalulutuk lole-napun sama-na leo andae-a; Tete'ek-ka, hataholi daebafak-ka sama leo ka'da ani hahaek-ka.

MAZMUR 89:26

Neukose Au tao amaloa nusan-na, neme Tasi Tala'dak losa Lee Efrat-ta.

AMSAL 14:16

Hataholi dale malole-a, nanea tataas esa, ma nadook aoinan-na neme tatao-nono'i mangalauk-ka mai, tehu hataholi nggoak-ka kalua nasa-melun, fo besak-ka dalen-na tesa-tama.

AMSAL 28:14

Fe ha'da-holomata tataas esa neu Manetualain, soona neukose o maua-manale. Metema, o la'ban-nana soona, o hapu soe.

YEREMIA 3:19

Manetualain nafa'da nae, “Israel, Au hii sipok o da'di leo Au anang, ma Au fe o, nusak fo nandaa no o dalem-ma, nusak fo malole nanseli, nai basa daebafak-ka lala'en-na. Au hii o maloo Au mae ama, ma o ta malai meme Au mai so'on.

ZEFANYA 3:9

Tehu basa boema, Au tao asafali leoina sila-la dalen-nala, nalosa ala sene-do'ok ka'da neu Au mesang-nga, te ta neu lamatua daebafa fe'ek-kala fa. Neukose, basa leoina sila-la, ala tunga Au.

MATEOS 16:27

Ta doo ka so'on te Ana Hataholi ka sama-sama no ata nusa so'da nala, neukose ala mai no Ama ka koasa na. Nai lelek ndia, neukose Ana balas hataholi a esa-esak, nandaa no tatao-nono'in.

MATEOS 22:16

Boema ladenu sila ana mana tunga nala lo hataholi de'u bee leme Herodes nakabubua na fo leu leo Yesus leu. Boema hataholi sila la lafa'da Yesus lae, “Ama Mesen, ami bubuluk Ama mana tao ndoos. Ama nanoli no mangale'dok la'eneu Manetualain hihii-nanaun neu hataholi daebafa ka, ma Ama tunga hataholi daebafa ka hahapu na fa. Nanahu Ama ta mete matak fa.

MATEOS 6:9

Hu ndia de, metema emi hule-haladoi soona mae leo ia, ‘Ou, Ami amam manai nusa so'da ka: O nde Manetualain fo Kisak Ela leo bee na. Lakaluku-lakatele ma ala fe ha'da-holomata neu O.

ROMA 11:20

Memak dede'ak ndia la'en Tehu sila nanatapahenik nanahu ta lamhele fa. Boema Manetualain sipok emi nanahu, emi mamahele. Da'di emi boso no dede'ak ndia de emi koao ndaeao; nasafali na emi muse bii mamata'u.

2 KORINTUS 1:2

ami mamahena, ela leo bee na ita Aman Manetualain ma Lamatuak Yesus Kristus fe baba'e-papalak ma so'da-molek neu emi.

2 KORINTUS 5:6

Hu ndia de ami dale ma natea-nahele tataas esa. Ami bubuluk basan, nai lelek fo ami bei leo nai ao paak fo bisa maten ia, ami doo ka neme uma fo neukose ami leo sama-sama mo Lamatua ka.

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

2 KORINTUS 7:11

Soba emi taoafik hata fo hapu nini buna-boak neme dale he'dik fo enok esa no Manetualain hihii-nanaun! Buna-boan nde ia, emi sanga enok te'e-te'e soaneu tao mamaneu kelupua ka! Emi makamu sala-singo ka, emi bii-mamata'u, emi mahiik, emi manggate, emi nau huku mana tao masala kala! Nai basa dede'ak ia la dalek, emi matu'du basa mae emi salam ta.

GALATIA 2:6

Tehu leomae leondiak boe, hataholi fo lafa'da lae, nananita-nalelak sila la ta loke lakaseti dede'a beuk neme au a mai fa ba'eneu au soona, nananita-nelelak do ta boeo ta hata-hata fa, nana Manetualain ta metematak fa.

EFESUS 1:17

Au dokodoe, fo ela Manetualain, Amak fo mandela-masa'ak, ma ita Lamatuan Manetualain, fo nde Yesus Kristus, Ana fe Dula dale na neu emi. Neukose Dula Dalek ndia, Ana tao na emi da'di hataholi manatee tenok ma neukose natu'du Manetualain neu emi, fo daenga emi malela kana.

EFESUS 3:14

Hu ka nde ndia de, au senek nai Ama ka matan.

EFESUS 6:9

Tolanok fo mana da'di malanga nala lemin! Ela leo bee na emi heheo-hihilum leondiak, soaneu emi ata mala. Boso tao makatoto'a kasa ninik huhukuk. Nana mafandendelek te, emi moo emi atam sila la, sama-sama manuu malangan ka'da esa, fo nde Lamatuak manai nusa so'da ka. Ana ta metematak fa.

ULANGAN 10:17

Emi Manetualaim-ma, nai basa lamatua daebafak lala'en-na lain, ma koasan-na, lena heni basa koasa lala'en-na. Ndia nde Manetualain fo, matua-madema ma manakoasa, de muse tungan. Ana ta metematak fa, ma Ana ta nau hataholi solo dalen-na nenik hata esa boen.

FILIPI 2:12

Hu ndia, tolano susue-lalai ngala lemin, sama na leo emi tunga mahele au, nai lelek fo au be'i o emi a, lena-lenak besak ia, nai lelek ita komododoon, ela leo bee na emi tunga mahele au. Manetualain soi-tefa nala emi so, hu ndia de sanga enok makandoo fo ela emi so'da ma, natetu-nandaa. Tao-no'i basa dede'ak sila la no ha'da-holomata, ma tunga neu Manetualain,

KOLOSE 3:25

Ma see tao salak soona, ana lu'a-lepa aon salak ndia; nanahu Lamatua ka ta metematak fa.

IBRANI 12:28

Hu ndia de ela leo bee na, ita toke makasi neu Manetualain, nanahu Ana fe ita nusak esa ta nanggengo fa. Ela leo bee na, ita toke makasi ma sene-do'ok neu Manetualain no ha'da-holomata ma bibii-namata'uk, tunga enok fo mesa kana nahii kana.

IBRANI 4:1

Naa, Manetualain hala-hehelu na bei paken, de neukose ita nanafe mamana hahae aok fo Ana helu ka. Da'di ela leo bee na ita tanea, fo ela boso hapu hataholi esa boen nai emi dalek, ana ta hapu masok leo mamana hahae aok fo nanahelu basak ndia dalek neu fa.

1 PETRUS 2:11

Tolanoo susue-lalai ngala lemin! Emi ia, hataholi mana mai, ma mana sepo-danga nai daebafak ia. Hu ndia de, au oke anseli, fo ela emi boso tunga nasa-melu daebafa ka, fo matati soaneu la'ban samane ka tataas esa.

1 PETRUS 3:15

Tehu nai emi dalem dale, ela leo bee na emi fe Kristus ha'da-holomata hehelik fo nandaa no nangatutuu na da'dileo Lamatua ka. Ma ela leo bee na emi mahehele aom tataas esa, soaneu emi fe natataak neu hataholi see fo natane, la'eneu emi namahehena ma.