1 PETRUS 1:13 - Susula Malalaok Hehelu Palak Ma Hehelu Beuk

¹³ Hu ndia de, ela leo bee na mahehele ao ma leona. Manea ma mamahena no dale katema tuak neu baba'e-papalak fo, neukose nanafek neu emi, nai lelek fo Yesus fali ma'in.

1 PETRUS 1:13 ပူးပေါင်းရင်းမြစ်များ

1RAJA-RAJA 18:46

Lelek ndia, Elia hapu be'i-balakaik neme Manetualain mai. Ana ki'duk ba'du manalun-na leo lain neu de ana pa'an neu tala'da na, boema nalaik nakahuluk neme Ahab nai eno manalu ndia, losa kota Yizreel-la lelesuinan-na.

2RAJA-RAJA 4:29

Elisa lipa leo Gehazi neu, boema nae, “Lai-lai! Ho'i-ma, au aitete'eng-nga, fo la'o tutik leo Inak ia uman muu. Boso mate'e, fo matea su'di see, fo o matongo moon nai enok. Metema, hataholi nate'a o soona, boso tu'u-tapa heni le'do-fai, soaneu balas nate'an-na. O losa tutika, tao au aitete'eng-nga neu ni'iana ndia aon lain.”

AYUB 38:3

Besak ia, o touk soona, masasale matak mo Au, fo mataa natatanek ia-la leona.

AYUB 40:7

Boema Manetualain nafa'da Ayub nae, “O touk soona, masasalematak moo Au leona, fo mataa la'iesak, Au natataneng ia-la.

KELUARAN 12:11

Nai lelek emi mi'a, emi muse pake-nggao memak, soaneu leo-la'o, pake ta'bueis ma ho'u aitete'ek. Emi muse mi'a lai-lai. Ndia nde feta Paskah soaneu fe ha'da-holomata neu Au, fo Manetualain.

YESAYA 11:5

Ana ho'i nakeketuk tunga ndoos ma matetuk, ma manalilinekak nai basa hata lala'en-na dalek.

YEREMIA 1:17

Yeremia, maheheleaom leona! Muu leona, fo manduku-malosak neus, basa hata fo Au paletan neu o. Boso bii-mamata'u neus, fo ela Au boso tao-ala o boetai bii-mamata'u seluk, metema o masasalematak moos.

MATEOS 20:4

Boema nafa'das nae, ‘Meu maue-male'di nai au osi angol dale. Au bae emi ngga'di ma sama leo ngga'di mandoo fai a no matetu-mandaak.’

LUKAS 12:35

“Manea fo masasale matak mo basa dede'ak lala'ena. Emi muse maheheleaom tataas esa ma emi banu ma manapilak nahele,

LUKAS 17:30

Mahani te heheo-hihilun leondiak, nai lelek Ana Hataholi ka nananatu'duk.

LUKAS 17:8

Tao leo bee o ta hetu! Nasafali na, neukose nafa'dan nae, ‘Sadia fe au nana'a-nininung mai. Mu pake bua-lo'a balisi fo manea au nai lelek au bei u'a inu. Basa ndia soona, besa ka o bole mu'a.’

ROMA 13:13

Ita muse tao tatao-nono'i nanakoa-kiok sama leo mandoofai hataholi a tao-no'in nai fai lele'do na; boso tao feta-dote lena neme dae too mai, do mafuk ala-lalu. Boso sosoa-piao, do matu'du ha'da-tatao ha'da tak. Boso mahote, do mape'da dalek neu hataholi.

ROMA 8:19

Basa daebafa ka lala'ena lahiik lanseli fai na losa leona, fo Manetualain natu'du ana nala nde see.

1 KORINTUS 1:7

de nalosa emi ta to'a ta baba'e-papalak esa boen, nai lelek emi bei mahani ita Lamatuan Yesus Kristus mamai na, fo basa hataholi la litan.

1 KORINTUS 13:13

Da'di soaneu hatematak ia, hapu dede'ak telu fo ita muse tao-no'i taheles fo nde: namahele ka, namahena ka, ma nasue-nalai ao ka. Neme dede'a ka teluk sila la, fo nanapaluu nanseli a nde, sue-lai hataholi fe'ek.

EFESUS 6:14

Ela leo bee na, emi manea tataas esa. Pake lilinekak neu Manetualai na, da'di neu kalikee, boema dale ndo sa, da'dileo, o ba'du besi ma.

KOLOSE 3:4

Ma nai lelek fo Ana natu'du seluk ao ina na soona, emi boeo nananitak, emi mandela-masa'a sama na leo Ndia boe!

2 TESALONIKA 1:7

Boema ba'eneu emi fo mana doidosok besak ia la ma ami boe neukose Manetualain tao namalola ita basa tala dale nala, nai faik fo Lamatuak Yesus no ata nusa so'dan mana koasa nala, leme nusa so'da ka mai, fo latu'du ao nala,

2 TIMOTIUS 4:5

Leomae leondiak boe, o muse makatatakak maa o ao ina ma, nai fai leo beek ndia boe. Makatatakak nai doidoso ka dalek, tao-no'i o bela ba'um sama leo hataholi mana tui-benga Hala Malole a, ma makalala'ok matalolole o bela ba'um sama leo Manetualain hataholi malalau-maoonon.

2 TIMOTIUS 4:8

De besak ia, Manetualain sadia basa au, bua palsen na so. Neu Fai Mate'e ka te, neukose Lamatuak fo Mana maketu-mala'di matetuk ndia, Ana fe bua palsen ndia neu au, nana au so'da nga malole no Manetualain. Ta ka'da au mesa nga sipo bua palsen ndia fa, tehu basa hataholi fo lahiik ma mana mahani Lamatua ka mamain ndia boeo.

IBRANI 10:35

Hu ka nde ndia, de boso ketu namahehena ma, nana metema emi mamahele mahele, soona hapu ngga'di matua ina soaneu ndia!

IBRANI 3:6

Tehu Kristus lilineka da'dileo Anak fo nde nataa Manetualain Uma na. Ma ita ia nde Manetualain Uma na, metema ita manggate tahele ma tamahele tahele soona ita hapu hata fo ita tamahena ka.

IBRANI 6:19

Ita namahenan ndia, sama leo naka fo nana pa'ak dema na seli nai oe dale, ma nalupa hoho'u matea, ma nee-nee-lino-linok, ba'eneu ita so'da na. Namahenak ndia, ana tola seli tema maloa manai Kama Malalao ka, nai Manetualain Uman manai nusa so'da ka.

IBRANI 9:28

Leondiak boe Kristus nanatunu-hotuk ka'da la'iesa, soaneu Ana loseheni hataholi ba'u sala-singon. Neukose Ana mai seluk nai kala'i dua na, tehu Ana ta mai naketu-nala'di dede'a sala-singok fa, te Ana mai soi-tefa hataholi mana mahani mamai na.

1 PETRUS 1:10

So'da molek ndia nde, basa nabi la palisak matalololenana, ma lafa'da ela baba'e-papalak fo Manetualain fen neu emi ndia.

1 PETRUS 3:15

Tehu nai emi dalem dale, ela leo bee na emi fe Kristus ha'da-holomata hehelik fo nandaa no nangatutuu na da'dileo Lamatua ka. Ma ela leo bee na emi mahehele aom tataas esa, soaneu emi fe natataak neu hataholi see fo natane, la'eneu emi namahehena ma.

1 PETRUS 4:7

Basa hata lala'e na sanga deka basan ia so, hu ndia de, ela leo bee na emi muse paleta ma ao ina mala ma manea, fo ela emi hapu loak soaneu hule-haladoi.

1 PETRUS 5:12

Au tolanoo salaning Silas fo mana lilinekak ndia, nde tulu-fali au de, au sulak fe emi susula keke'u anak ia. Au hii fe emi manggatek, ma au nau emi mamahele, hata fo au sulak ia, nde bee na hala ndoos la'eneu Manetualain susue-lalain. Fo ela leo bee na, emi ho'u mahehele neu susue-lalaik ndia.

1 PETRUS 5:8

Ela leo bee na, emi manea ma mahehele ao mala! Nanahu Nitu a nde bee na, emi musu noo ma. Nitu ndia sama leo meo asu a, fo ana la'ok neu mai ma nangao sanga nana'a na.

1 YOHANIS 3:3

Hataholi fo ana tao namahehena na neu ka'da Kristu sa, muse nanea ao ina na fo ela te'e-te'e malalaok ma balisi neme sala-singo ka mai, sama leo Kristus boeo malalaok.