1 KORINTUS 9:4 - Susula Malalaok Hehelu Palak Ma Hehelu Beuk

⁴ Ade au ta anuu hak, sipo nana'a-nininuk hu ka nde au ue-osang fa do?

1 KORINTUS 9:4 ပူးပေါင်းရင်းမြစ်များ

IMAMAT 22:7

Le'do tenak sona, besaka ana lea-hai, de basa ndia soona, ana bole na'a neme tunu-hotu malalao-malalafuk ndia mai, nanahu nana'ak ndia nde da'di ndia nana'an-na.

MATEOS 10:10

Boso mini alukosu doik boe, do bua papakek biak dua nai emi leleo-lala'o ma dalek, do tabueis, do ai tete'ek boe. Nanahu hataholi mana maue-male'di kala, nandaa nanafe ngga'di.

LUKAS 10:7

Leo mahele meme ka'da uma esa. Ka'da sipo hata fo ala sadia fe emi nai ndia, nana hataholi manamaue-male'di ka, nanuu hak sipo ngga'di na. Boso lali-lali neme uma esa leo uma esa meu.

HATAHOLI 20:33

Beita la'iesa boen fo au oke doik, do bua papakek, neme hataholi esa mai boen.

1 KORINTUS 9:3

Metema hataholi sanga au sala nga soona, neukose au ataa ae leo ia:

GALATIA 6:6

Hataholi mana sipo Kristus nanoli na, ela leo bee na, ana tulu-fali ndia mese na, ninik hata malole beek fo ndia nanuun.

1 TESALONIKA 2:6

Ami ta sanga enok fo, ami hapu kokoa-kikiok neme emi mai do neme hataholi fe'ek mai boe. Leomae da'dileo Kristus hataholi nadedenun de, ami manuu hak hapu ha'da-holomata neme emi mai.

1 TESALONIKA 2:9

Lele'do le'odaen, ami puse laipana sanga ami so'da ma. Nana ami ta nau da'di lelepa mabela esa soaneu su'di see a boen, nai lelek fo ami tao maloloa Hala Malole la'eneu Manetualain neu emi a fa. Ami ule po'dem ndia, tao leo bee o, emi bei mafandendele kana.