1 KORINTUS 9:27 - Susula Malalaok Hehelu Palak Ma Hehelu Beuk

²⁷ Au sanga eno besa-besa soaneu tao balakai au ao paa nga, ma au sanga enok soaneu koasa alan. Au tao leondiak nana au ta nau lelek au fufu'di hataholi fe'e kala tunga nai nakasusu'dik ndia dalek, te au soona nanatipahenik.

1 KORINTUS 9:27 ပူးပေါင်းရင်းမြစ်များ

MAZMUR 50:16

Tehu soaneu hataholi mangalauk-ka, Manetualain nafa'da nae, “O ta manuu haak kokolak Au hoholo-lalaneng fa, ma kokolak la'eneu Au hehelu-balataang fa.

KELUARAN 37:22

Basa banu eik ndia lala'en-na no pakon ma napan-nala, nanataok neme lilopilas isik nanatutuk biak esa.

YEREMIA 6:30

Neukose sila na'den-na, nanafoik na'de, lilofulak nanatu'u-tapa henik, nana Au, fo Manetualain, tu'u-tapa henis so.”

LUKAS 18:5

tehu hu ka nde inafalu ia ka'da tao tasibu au nakandoo, de malaole lenak au asala'e dede'a na. Te metema ta soona, neukose ana mai nakandondoo henin fo ana tao susa au.’ ”

LUKAS 9:25

Nanalak hata ba'eneu hataholi esa, metema nanuu basa daebafak ia lala'ena, tehu ana tao nalutu ma namopo so'da na?

ROMA 8:13

Nana metema emi maso'da tunga hataholi daebafa ka ha'da-paliin soona, neukose mate basa-basa mala, tehu metema emi maso'da tunga Manetualain Dula Dale na koasa na soona, neukose emi tao makamate emi tatao-nono'i masala-masingo mala tataas esa, fo emi hapu maso'da ka.

1 KORINTUS 8:13

Hu ndia de, metema nana'a ka tao na au tolanoo kamaheheleng esa nasala-nasingo soona, neukose au ta u'a paa makandondook so'on. Nana boso nalosak, au tolanoong fo namahehelek esa ndia nasala-nasingo hu ka nde au.

1 KORINTUS 9:25

Hataholi fo bei nai nanoli ka dalek, nakatatakak aoina na nai basa dede'ak lala'ena dalek. Ana tao leondiak, nana ana hii ala bokolii bunga sesengi ka neu botolii na, fo nde bunga manamale lai-lai ka. Tehu ita ia soona, takatatakak aoina tala neme basa dede'ak lala'ena mai, nana ita hii nanabokoliik ninik bunga fo neukose ana ta male lai-lai fa.

2 KORINTUS 11:27

Au puselaipana ma tunga sanga hihii leo mate: nasi'a ta sungu fa, ta u'a inu fa, la'i ba'u ka au mate o la'a sa, makalini nanahu au bua-lo'a papakeng ta, ma mamana leleong ta.

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

2 TIMOTIUS 2:22

Madook ao ina ma neme, hihii-nanau muli-solu kala mai. Sanga enok fo maso'da tunga Manetualain hihii-nanaun, lilineka mahele neu Manetualain nanoli nala, sue-lai nonoo hataholi ka, boema manuu dale mole-dame. Maso'da tao leondiak, sama-sama moo hataholi fo laloo loke tutulu-fafalik neme Lamatua ka mai, no dale matetu-mandaak.

1 PETRUS 2:11

Tolanoo susue-lalai ngala lemin! Emi ia, hataholi mana mai, ma mana sepo-danga nai daebafak ia. Hu ndia de, au oke anseli, fo ela emi boso tunga nasa-melu daebafa ka, fo matati soaneu la'ban samane ka tataas esa.

2 PETRUS 2:15

Hu ka nde ala ta nau tunga eno ndo sa fa de, ala la'ok sala. Ala la'ok tunga enok fo makahulu na, Bileam fo Beor ana na, eno-dalan. Bileam ia, nahiik nanseli, ana hapu doik neme tatao-nono'i mangalau na mai.