1 KORINTUS 9:20 - Susula Malalaok Hehelu Palak Ma Hehelu Beuk

²⁰ La'eneu hataholi Yahudi a, au tao da'dileo hataholi Yahudi, fo ela au bisa sengi hataholi Yahudi a soaneu Kristus. La'eneu hataholi fo naso'da tunga Musa hoholo-lalane na, au tao nono'ka bai au nanapa'ak neu hoholo-lalanek ndia, leomae tunga ndo na au ta nanapa'ak neu fan. Au tao ndia fo ela au bisa helas da'di Kristus ana manatungan.

1 KORINTUS 9:20 ပူးပေါင်းရင်းမြစ်များ

HATAHOLI 16:3

Paulus nau fo ela Timotius tunga no ndia; hu ndia de ana sunat Timotius. Ana tao tataos ndia nana hataholi Yahudi manai nusak ndia, basa-basas bubuluk, Timotius aman hataholi Yunani.

HATAHOLI 18:18

Basa ndia boema, Paulus bei leo nala doo ka neme Korintus. Basa boema nate'a hataholi kamahehelek manai sila la de no Priskila ma Akwila sa'e ofak leo Siria leu. Ala losa Kengkrea boema Paulus nggeuheni langa doo na. Paulus namaa langa doo na nana naheluk basa no Lamatua ka nae, ndia sanga tao hata esa soaneu Lamatua ka.

ROMA 11:14

Au amahena, au uni nape'da dalek fe au leoina ngala, fo no enok ndia, au hapu soi tefa ala sila nggelok.

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.

GALATIA 2:19

Tehu au mate basa soaneu agama hoholo-lalanen so hoholo-lalanek ndia nde tao nakamaten ana fo ela au hapu aso'da soaneu Manetualain. Au nanalona-nggangek sama-sama no Kristus so.

GALATIA 4:21

Tolano-tolanook fo ala nau laso'da nai agama hoholo-lalanen koasa na dae, so'ba mamanene su'dik au dei! Au sanga afa'da emi, hata fo tunga ndo na, nanasulak nai Musa Susula Hoholo-Lalanen dale.

GALATIA 4:5

No enok ndia, Ana se'i po'i hataholi fo laso'da nai agama hoholo-lalanen koasa na dae; fo daenga ita da'di Manetualai nana nala.

GALATIA 5:18

Tehu metema Manetualain Dula Dale na hela-nole emi soona, agama hoholo-lalanen ta koasa emi fa.