1 KORINTUS 9:18 - Susula Malalaok Hehelu Palak Ma Hehelu Beuk

¹⁸ Metema leondiak soona, au ngga'di nga beek? Au ngga'di nga nde au hapu tui-benga Hala Malole ndia ninik au ta tao ambela hataholi esa boen, fo hani pake au, nana au ta akaseti au hak ka da'dileo manatui-benga Hala Malole ndia fa.

1 KORINTUS 9:18 ပူးပေါင်းရင်းမြစ်များ

YOHANIS 4:36

Hataholi manaketu-kolu ka ana mulai sipo ngga'di na so. Boema ana tao nakabubua basa buna-boan lala'ena, soaneu so'da matetu ka, ma manaketu basa ta ka. Fo hataholi manasele-nggali ka no hataholi manaketu-kolu ka, lamahoko sama-sama.

HATAHOLI 18:3

de ana leo no duas, de naue-nale'di sama-sama nos, nana tutunga-sasanga nala sama no Paulus, fo nde duas mana tao kema sama leo Paulus boe.

ROMA 14:15

Tehu metema emi mi'a hata esa, fo nini dale he'dik fe emi tolanoom fo kamahehelek esa soona, emi tatao-nono'im ndia ta tunga susue-lalai ka so'on; Metema Kristus mate soaneu hataholi esa, soona boso po'ilotak hataholi ndia namahehele na nalutun, nanahu hata fo emi mi'ak ndia.

1 KORINTUS 10:33

Maso'da sama leo au leona. Au sanga enok, fo au tao amahoko basa hataholi lala'ena dale na, nai basa hata lala'ena dalek, ta no dudu'ak soaneu aoina ka paluu na mesa kana. Au dale tutu'u nga nde bee na ka'da, fo ela sila nanasoi-tefak.

1 KORINTUS 3:8

Duas nde bee na bekededemak. Neukose ala sipo ngga'di, tunga esa-esak sosota-mamangun.

1 KORINTUS 7:31

ma hataholi fo ana su'ba ka'da dede'a daebafa ka, ela leo bee na naso'da nono'ka bai dede'ak sila la ta tao lan langa na naleo fa. Nana ta doo ka so'on te, neukose daebafa ka no heheo-hihilun besak ia ala sapu-lalo!

1 KORINTUS 8:9

Tehu masanene'dak! Fo boso hu ka nde emi mi'a su'di bee ka – de emi tao ma hataholi fe'ek fo namahehele na beita natea-nahele fa ndia – da'di nasala-nasingo.

1 KORINTUS 9:12

Metema hataholi fe'e kala lanuu hak lamahena hapu neme emi mai, ade ami ta nde manuu hak lena seluk neme sila mai fa do? Tehu au beita nau pake hak ndia fa. Nasafali na, au nau anseli lu'a-lepa basa hata lala'ena, neme au tao hata esa napangge au fo boso tui-benga Hala Malole la'eneu Kristu sa.

1 KORINTUS 9:15

Tehu au beita pake ita hak sila la esa boen. Ma au sulak susulak ia, ta no dudu'ak fo ela besak ia emi tao matetu dede'ak sila la soaneu au leona. Malole lenak au mate, neme au amopo dede'ak fo au amatutua-amadedemak ndia.

1 KORINTUS 9:17

Leo uni'ka au akalala'ok tatao-nono'ik ndia ninik au hihii-nanau mesa nga soona, au bole amahena hapu ngga'di. Tehu au tui-benga Hala Malole ndia hu ka nde au nanapaletak. Manetualain nde paleta au fo au tao dede'ak ndia.

2 KORINTUS 4:5

Halak fo ami manduku-malosa kana ndia, ta nde halak la'eneu ami fa, tehu la'eneu Yesus Kristus nae Ndia nde bee na Lamatuak ma ami nde bee na o ata mala, nanahu ndia.

1 TESALONIKA 2:6

Ami ta sanga enok fo, ami hapu kokoa-kikiok neme emi mai do neme hataholi fe'ek mai boe. Leomae da'dileo Kristus hataholi nadedenun de, ami manuu hak hapu ha'da-holomata neme emi mai.