1 KORINTUS 9:17 - Susula Malalaok Hehelu Palak Ma Hehelu Beuk

¹⁷ Leo uni'ka au akalala'ok tatao-nono'ik ndia ninik au hihii-nanau mesa nga soona, au bole amahena hapu ngga'di. Tehu au tui-benga Hala Malole ndia hu ka nde au nanapaletak. Manetualain nde paleta au fo au tao dede'ak ndia.

1 KORINTUS 9:17 ပူးပေါင်းရင်းမြစ်များ

1 TAWARIKH 28:9

Boema Dauk nafa'da Salomo nae, “Anang-ngonei, ela leo been-na Manetualain fo o amam sene-do'ok-ka, o sipok-kana da'di leo o Manetualaim. O muse mamahele neun no dalek-katematuak ma dale ndoos. Nana Ana bubuluk basa ita dudu'a-aafin ma ita dale hihiin-na. Metema o sangan soona, neukose o hapun, tehu metema o la'oelan soona, neukose Ana ta sipok o losa dodoon-na fa.

1 TAWARIKH 29:14

Te'e-te'e au ma au laung-nala ta hapu fe O hata esa boen, nanahu basa hata lala'en-na nde been-na O baba'e-babatim ma hata fo ami fek ia nde been-na O nuum boe.

1 TAWARIKH 29:9

Laun-na fe no dalek-katematuak neu Manetualain, de ala lamahoko nanahu sila fe basa ba'uk-ka so. Dauk boeo namahoko nanseli.

NEHEMIA 11:2

Nai hataholi sila dalek, hapu nggelok no dale hihii-nanau mesan-nala, lahiik leo lahele nai Yerusalem, de laun-na koa-kio hataholi sila.

YESAYA 6:8

Boema, au amanene Manetualain halan-na, nafa'da nae, “Neukose, Au adenu see? Neukose, see nde da'di ita maneni halan-na?” Boema au ataa ae, “Au nde ia. De madenu au leona!”

YEREMIA 20:9

Tehu au afa'da nai au daleng dale ae, “Nemena fo ka'da au asanggango heni Manetualain, au ta nau kokolak unik ndia na'den-na fa,” boema O hala-hehelum-ma nono'kabai ha'i-a pila lo'a-lo'a nai au dale bobongon anang-nga. Au akatatakak so'bak-kana, te sekona au ta akatatakak ala fa.

YESKIAL 3:14

Manetualain koasa matuainan-na, ana mai leo au mai, de lelek Manetualain Duladalen-na so'u-na au de noo au, boema au ame'da daleng-nga makahe'duk, ma namahana.

YUNUS 1:3

Tehu Yunus neu leo eno fe'ek neu, fo dook-ka neme Manetualain mai. Neu leo Yopa neu, de ana hapu ofak esa sanga neu leo Spanyol neu. Ana asa basa susula pas boema, ana sa'e leo ofak lain neu, de neu leo Spanyol neu fo dook-ka neme Manetualain mai.

MALEAKHI 1:10

Manetualain Fo Manakoasa, nafa'da nae, “Malole lenak, Au Umang-nga lelesun-na nanakenak, nana sosoa-ndandaan ta la'iesak-kana, emi mapila ha'i nai Au mei tunu-hotung lain. Au ta hii emi, ma Au ta nau sipok emi tutunu-hohotum fa.

MATEOS 10:41

Hataholi mana sipok nabi da'dileo nabi, soona neukose ana sipo ngga'di sama leo nabi. Ma see sipok hataholi malole esa, da'dileo hataholi malole soona, neukose ana sipo ngga'di sama leo hataholi malole.

MATEOS 24:25

Da'di mafandendelek! Te dede'ak sila la ala beita da'di fa, te Au afa'da akahuluk emi so.

LUKAS 12:42

Lamatua ka nataa nae, “See ka nde malalau-maoono mana lilinekak ma manatee tenok ndia, de nalosa tua na so'un da'di malangan neu malalau-maoono fe'e kala, fo daenga ana fes la'a-linu la'e fai na?

YOHANIS 4:36

Hataholi manaketu-kolu ka ana mulai sipo ngga'di na so. Boema ana tao nakabubua basa buna-boan lala'ena, soaneu so'da matetu ka, ma manaketu basa ta ka. Fo hataholi manasele-nggali ka no hataholi manaketu-kolu ka, lamahoko sama-sama.

1 KORINTUS 3:14

Metema hataholi napadedeik uma neu fanderen ndia lain soona, nakatatakak fo ha'i ta na'a fan de neukose hataholi ndia ana sipo ngga'di na.

1 KORINTUS 3:8

Duas nde bee na bekededemak. Neukose ala sipo ngga'di, tunga esa-esak sosota-mamangun.

1 KORINTUS 4:1

Bole tafa'da tae, ami ia Kristus malalau-maoonon fo ami nde mataa tui-benga Manetualain dale tutu'un fo daebafa ka beita bubulu kana ndia fa.

1 KORINTUS 9:16

Nana metema ndia ka'da dede'ak fo tui-benga Hala Malole maneme Manetualai na mai soona, au ta anuu hak amatutua-amadedema fa, nana Manetualain paleta basa au soaneu tao-no'in so. Susa-soe ba'eneu au, metema au ta tui-benga Hala Malole ndia fa!

1 KORINTUS 9:18

Metema leondiak soona, au ngga'di nga beek? Au ngga'di nga nde au hapu tui-benga Hala Malole ndia ninik au ta tao ambela hataholi esa boen, fo hani pake au, nana au ta akaseti au hak ka da'dileo manatui-benga Hala Malole ndia fa.

2 KORINTUS 8:12

Metema te'e-te'e emi nau fe soona, neukose Manetualain sipok emi fefeem ndia, tunga hata fo emi manuun, te ta tunga hata fo emi ta manuu fan.

GALATIA 2:7

Dede'a nasafali na, hataholi fo lafa'da lae, hataholi nananita-nalelak sila la, ala manaku lae, Manetualain paleta basa au fo, au tui-benga Hala Malole ndia neu hataholi ta Yahudi la, sama leo Ana paleta Petrus fo, neu tui-benga Hala Malole ndia neu hataholi Yahudi la boe.

KOLOSE 1:25

Manetualain hele au da'di malalau-maoono neu salani nala, fo emi paluu ma. Au muse tui-benga la'i esak Manetualain Halan ndia lala'e na. Au tui-benga;

1 TESALONIKA 2:4

Ta! Ami ta kokolak soaneu tao mamahoko hataholi dalen fa te, soaneu tao mamahoko Manetualain dale na, fo mana so'ba ami dale'ma. Nana Manetualain nafa'da nae, ami mandaa tui-benga Hala Malole ndia.

FILEMON 1:14

Tehu au ta nau tao leondiak, metema o beita makaheik fa. Au nau, metema o makaheik no dale katema tuak. Au ta nau laka-akaseti o fa.