1 KORINTUS 9:16 - Susula Malalaok Hehelu Palak Ma Hehelu Beuk

¹⁶ Nana metema ndia ka'da dede'ak fo tui-benga Hala Malole maneme Manetualai na mai soona, au ta anuu hak amatutua-amadedema fa, nana Manetualain paleta basa au soaneu tao-no'in so. Susa-soe ba'eneu au, metema au ta tui-benga Hala Malole ndia fa!

1 KORINTUS 9:16 ပူးပေါင်းရင်းမြစ်များ

YESAYA 6:5

Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”

YEREMIA 1:17

Yeremia, maheheleaom leona! Muu leona, fo manduku-malosak neus, basa hata fo Au paletan neu o. Boso bii-mamata'u neus, fo ela Au boso tao-ala o boetai bii-mamata'u seluk, metema o masasalematak moos.

YEREMIA 20:7

Manetualain, O fufu'di-oodok au de au nanafufu'di-oodok. O be'im-ma ba'u lena heni au, ma au akatele. Basa hataholi hakinonoli au, au nananakamu-nakadau neme fafain-na losa nosa.

YEREMIA 20:9

Tehu au afa'da nai au daleng dale ae, “Nemena fo ka'da au asanggango heni Manetualain, au ta nau kokolak unik ndia na'den-na fa,” boema O hala-hehelum-ma nono'kabai ha'i-a pila lo'a-lo'a nai au dale bobongon anang-nga. Au akatatakak so'bak-kana, te sekona au ta akatatakak ala fa.

AMOS 3:8

Metema singa nangao soona, see kande ta bii fa? Metema Manetualain Fo Mademaina, kokolak soona, see kande bisa denge-denge fo ta tui-benga hala hehelun-na fa?

AMOS 7:15

Tehu Manetualain naloo au neme au tatao-nono'ing dalek mai, de nadenu au anduku-alosak hala hehelun-na neu hataholi Israel-la.

MATEOS 25:16

Touk ia la'o boema, malalau-maoono mana sipo doi isi lilopilas lifu kalima ka, lai-lai neu dangan besak ndia leona. Boema ana hapu bunak lifun lima seluk.

LUKAS 9:62

Boema Yesus nafa'da hataholi ndia nae, “Metema hataholi esa mulai nakau uk, boema ana lipa leo dea neu soona, hataholi ndia ta nandaa da'di lima-eik neme Manetualain hataholi kamahehele nala mai fa.”

HATAHOLI 4:20

Nana ami ta bisa hahae kokolak la'eneu hata fo ami mitan ma ami mamanene matam fa.”

HATAHOLI 9:15

Tehu Lamatua ka nafa'da Ananias nae, “Ka'da mu leona! Nana Au hele basa hataholi ndia soaneu nalalau-naoono Au, ma ana tui-benga Au neu leoina fe'ek fo ala beita masok agama Yahudi a fa, ma neu mane-mane kala, boema neu Au hataholi kamaheheleng Israel ngala boe.

HATAHOLI 9:6

Tehu besak ia fo'a leona, fo mu leo kota dale mu. Nai ndia, neukose o bubuluk hata fo o muse tao-no'in.”

ROMA 1:14

Nana au bela ba'ung ia, soaneu basa leoina lala'ena, nau mana malela ha'da kala, do malela ha'da ta kala, manasakola kala, do manasakola ta kala.

ROMA 15:17

Da'di, hu ka nde au da'di o Kristus Yesus, de au amahoko neu au ue-le'din ba'eneu Manetualain.

ROMA 4:2

Metema tatao-nono'in nde tao na Manetualain sipo kana da'dileo hataholi fo nandaa no Manetualain dale na soona, ana hapu ne'ek soaneu namatutua-namadedema ao na. Tehu ta namatutua-namadedema ao na nai Manetualain matan fa.

1 KORINTUS 4:15

Nana au nde dadi emi amam, leomae da'dileo hataholi salanik, fafa'ka ma emi hapu mesen lifun sanahulu so. Nai emi maso'dam fo da'di esa mo Kristu sa dale ka, au nde da'di emi amam, nana au uni fe emi Hala Malole la'eneu Kristus.

1 KORINTUS 9:12

Metema hataholi fe'e kala lanuu hak lamahena hapu neme emi mai, ade ami ta nde manuu hak lena seluk neme sila mai fa do? Tehu au beita nau pake hak ndia fa. Nasafali na, au nau anseli lu'a-lepa basa hata lala'ena, neme au tao hata esa napangge au fo boso tui-benga Hala Malole la'eneu Kristu sa.

1 KORINTUS 9:14

Leondiak boe, Lamatua ka naketu basa hataholi fo manatui-benga Hala Malole ndia, muse ana hapu maso'da na neme tutui-bebengan ndia mai.

2 KORINTUS 2:12

Nai lelek au losa Troas no dudu'ak soaneu tui-benga Hala Malole la'eneu Kristus te, Lamatua ka soi enok basa fe au fo aue-ale'di nai mamanak ndia so.

KOLOSE 4:17

Ma mafa'da Arkhipus fo, “Ana tao nakababasak ndia bela-ba'un, soaneu nalalau-naoono Lamatua ka.”

SEMUEL SUSULAK-KA ESAN-NA 12:23

La'eneu au soona, sa'di leo been-na, boso nalosak au asala-asingo neu Manetualain nanahu au ta hule-haladoi fe emi fa. Nasafalin-na, neukose au boeo, au anoli akandoo emi nanolik malole ma ndoos.