1 KORINTUS 8:1 - Susula Malalaok Hehelu Palak Ma Hehelu Beuk

¹ Besak ia la'eneu nana'a-nininuk fo ala fen neu sosongo-tatango ka. Memak la'en sama leo hataholi la hala na lae, “Ita basa-basa tala malelak so.” Tehu malela ka ana tao na hataholi a dadi manakoao-ndaeaok, ma susue-lalai ka nakatutuluk hataholi a tao malole.

1 KORINTUS 8:1 ပူးပေါင်းရင်းမြစ်များ

YESAYA 47:10

O mame'da, o dalem-ma tesa-tama nai o tatao-nono'i mangalaum-ma dalek, o dodoo mae, o tatao-nono'im, nanataoafi tak. O manatee-tenom-ma, ma o malelam-ma, ana taon-na o, matofa-matalak, o maedaenga, ta hapu hata, fo sama leo o fa.

YESAYA 5:21

Soe ba'eneu emi fo, mafa'da mae, emi manatee-tenok ma malelak nanseli!

BILANGAN 25:2

Inak sila-la, lelekos fo leu leo mamana sosongok tatangok-kala leu, fo ala fe ha'da-hoholomata neu sila lamatua daebafak-na. Hataholi Israel-la boeo, la'a nana'ak sosongok tatangok sila la, ma ala sene-do'ok neu hataholi Moab-pala lamatua daebafak-na.

HATAHOLI 15:10

Na, tao le'e de besak ia emi nau la'ban Manetualain ninik emi fe hataholi mana tunga Lamatuak sila la, lulu'a-lelepa mabelaina ndia, te se'ko na ita bei ba'ikai nala, ma ita boeo, ta takalala'ok tabe'i fas?

HATAHOLI 15:29

boso mi'a nana'ak fo ala fen neu sosongo-tatangok; boso mi'a paa daa, boso mi'a bana nanafule nisak paa na, ma madook ao ma neme sosoa-piao ka mai. Metema emi madook ao ma neme basa dede'ak sila la mai soona, emi tao-no'i tatao-nono'im malole ndia so. Ba'u ka'da ndia. So'da-molek ba'eneu emi!”

HATAHOLI 21:25

Tehu la'eneu hataholi ta Yahudi kamahehele basa kala soona, ami haitua fes susula nakeketu ka nae, ta bole la'a nana'ak fo ala fen neu sosongo-tatangok, ta bole la'a paa daa, ta bole la'a bana nanafule nisak paa na; ma ala ta bole sosoa-piao fa.”

ROMA 11:25

Tolano-tolanoo ngala lemin! Au amahena emi boso mafa'da mae, emi malelak basa hata lala'ena so. Nana Manetualain nahiik dede'ak esa, tehu hataholi a beita bubulu kana fa. Hu ndia de, au nau emi bubulu kana; dede'a ka nde ia: Hataholi Yahudi nggelok langa batu, tehu ala ho'u lahele sila ha'da paliin ndia, losa ka'da hataholi ta Yahudi manamaik leo Manetualai na, dede'u nala lamadai.

ROMA 12:16

Maso'da nai mole-dame a dalek. Boso koao-ndaeao, te tao aoina ma sama no hataholi ta nananita-nalela kala. Boso mafa'da mae emi hataholi malela kala, te se'kona ta leondiak fa.

ROMA 14:10

Da'si, tolano-tolanoo ngala lemin! Sosoak hata, fe salak neu emi tolanoom fo namahehelek esa? Ma sosoak hata, emi mafa'da mae hataholi ndia nai daeanak? Ita basa-basa tala neukose tasasalematak to Manetualain soaneu nananaketu-nala'dik.

ROMA 14:14

Nanahu au da'di esa o Lamatuak Yesus so, de au amahele ta hapu hata esa boen fo manggenggeok so'on; tehu dede'ak ndia ana da'di manggenggeok soaneu hataholi esa, metema hataholi ndia nafa'da nae, hata ndia manggenggeok.

ROMA 14:19

Hu ndia de, ita dale dudu'a na muse nai ka'da nai mole-dame a dalek tataas esa, ma esa nafofo'a esa namahehele na.

ROMA 14:22

Neme na fo hata fo emi mamahelen ndia, emi taon nai ka'da Manetualain mata na soaneu emi mesa ma. Hataholi fo ana ta ne'ek soaneu name'da nasala neu hata fo nafa'da nae ndoos ndia, soona hataholi naua-nanale.

ROMA 14:3

Hataholi fo mana'a su'di bee ka ndia, boso fe salak neu hataholi mana'a ka'da nana'a mata kisa ka; ma hataholi mana'a ka'da nana'a mata kisa ka, boso fe salak neu hataholi mana'a basa hata lala'ena, nana Manetualain sipok hataholi ndia so.

ROMA 15:14

Tolano-tolanoo ngala lemin! Au amahele, emi bei manuu dede'a malole ba'u ka. Emi boeo malelak basa-basan lala'ena, ma emi esa naoli esa boe.

1 KORINTUS 1:5

Nana emi da'di Kristus nuun so, boema emi so'da ma namasu'i nai basa dede'ak lala'ena dalek, ma emi malela ma nai basa hata lala'ena dalek dema na seli, ma emi manoli malelak ndia.

1 KORINTUS 10:15

Au kokolak o emi, sama leo au kokolak hataholi manatee teno kala. Ela leo bee na, emi tai-dodoo aom au hala-kokolang ia.

1 KORINTUS 10:28

Tehu metema hapu hataholi nafa'da emi nae, “Nana'a-nininuk ia la ala fe basan neu sosongo-tatango ka so,” soona boso mi'a nana'ak ndia, nana emi manea hataholi ndia paluu na, ma hu ka nde dale bobongo ana ka nakababale na.

1 KORINTUS 14:20

Tolano-tolanoo ngala lemin! Boso dudu'a-dodoo sama leo ni'iana. Nai dede'a mangalau ka dalek soona, ela leo bee na emi mahele sama leo ni'iana. Tehu nai dudu'a-aafi ka dalek soona, ela leo bee na emi da'di hataholi fo touinak so.

1 KORINTUS 15:34

Besak ia, mame'dak leona, fo boso boe tao sala-singok bai. Ndandaa na emi muse bii-mae, nana nai emi dalek, hapu nggelok beita lalelak Manetualain fa.

1 KORINTUS 4:10

Hu ka nde Kristus, de ami dadi hataholi nggoak, ma emi dadi hataholi Salani malelak! Ami tapandoes ma emi balakaik! Lakamuu-lakadau ami, ma ala koa-kio emi!

1 KORINTUS 4:18

Hataholi de'ubee lai emi dalek, ala dadi hataholi manakoao-ndaeaok so, nana laedaenga neukose au ta ne'i donge-dama emi so'on.

1 KORINTUS 4:6

Tolano-tolanoo ngala lemin! Soaneu emi paluu ma, de au fua basa sila la neu Apolos ma neu au aoinang lain. Dede'ak ia tetee-tutu'dan nae, fo ela neme ami nana'dam ndia mai de, emi hapu manoli dede'ak esa nde ia sosoa-ndandaan nae le'e. Dede'ak ndia nae, “Ho'u mahehele neu nakanenete nanatao basa kala”. No enok ndia, nai emi dalek ta hapu esa namatutua-namadedema esa boen, ma nakamumulu-nakamamaek hataholi fe'ek fa.

1 KORINTUS 5:2

Leomae leondiak boe, emi bei koao-ndaeao bai. Tunga ndo na, emi dale ma muse he'di sa, fo kaluaheni hataholi manatao tatao-nono'ik leondia ka neme emi dalek mai.

1 KORINTUS 5:6

Ta nandaa emi koao-ndaeao fa. Fafa'kama emi malelak basa dede'a lasi ka nae, “Laluteik faa anak tao na ha'de sopu nanakame ka basa-basan sa'e!”

1 KORINTUS 8:2

Hataholi fo naedaenga malela na ba'u ka ndia, tunga ndo na hataholi ndia beita nalelak dede'a mademaina la fa.

1 KORINTUS 8:4

La'eneu na'a nana'ak fo nanafe basak neu sosongo-tatango ka, ita bubuluk tae, tunga ndo na sosongo-tatangok ta. Boema ita boeo bubuluk basa, Manetualain ka'da esa; ta hapu fe'ek so'on.

1 KORINTUS 8:7

Leomae leondiak boe, ta basa hataholi la lalelak dede'ak ndia fa. Sila fo makahulu na ala sene-do'ok neu sosongo-tatango ka, besak ia bei lame'da lae, nana'ak fo nanafe basak neu sosongo-tatango ka nde bee na nana'a sosongo-tatangok. Soona metema la'a nana'ak ndia soona, lame'da lae sila lasala-lasingo. Dede'ak ndia ana da'di hu ka nde namahehele nala beita latea-lahele fa.

EFESUS 4:16

No hehela-nonolen de, aok ndia lima-ein nanape'da fua matalololek, ma latuti-lanato ao leme esa-esak bu'u molen mai. Ma metema lima eik sila, tao-no'i tunga matetu na soona, basa aok ndia lala'ena, neukose namatua fo ana da'di touinak fo balakaik, tunga susue-lalai ka.

KOLOSE 2:18

Boso po'ilotak hataholi fo ta'ko nakaloloe ao na do namahele ata nusa so'da kala, tao nakatutu'dak emi. Te hataholi ndia, ana koao ninik dudu'a-aafi daebafa na boema namatutua-namadedema ao na ninik ninita nala,

NINITAK 2:14

Leomae leondiak boe, fo Au ta hiin nai emi dalek fa nde: Hapu hataholi nggelok nai emi dalek, ala tunga hata fo Bileam nanoli ka. Bileam nanoli Balak eno na tao leo beek fo tu'u hataholi Israe la leo sala-singo ka dalek leu, fo nde ninik ana fufu'di-oo'dos fo la'a nana'ak fo ala fe basan neu sosongo-tatango ka ma ala tao tatao-nono'i manasosoa-piao kala.

NINITAK 2:20

Tehu Au akamu-akadau hata esa nai emi dalek fo nde: Emi tao dalek neu Izebel, inak fo ana manaku aoina na Manetualain hataholi nadedenun ndia. Ana tipu-dai na Au atang ba'u ka so, ma anolis fo ala hohonge ma la'a nana'ak fo nanafe basak neu sosongo-tatango ka.