1 KORINTUS 7:36 - Susula Malalaok Hehelu Palak Ma Hehelu Beuk

³⁶ Metema hataholi esa name'da nana, ana tao tatao-nono'i ta kandaak soaneu tonanga na, fo metema ana ta nakatatakak na dale na de ana dodoo nana, ana muse sao anafe'oanak ndia soona, neme na fo ana tao su'di beek, fo ana dodoo nana, malole. Metema ala sao soona, ta nasala-nasingo fa.

1 KORINTUS 7:36 ပူးပေါင်းရင်းမြစ်များ

YEREMIA 29:6

Saoana fo ela emi hapu tititi-nonosik, ma emi anam-mala boeo ala saoana fo ela ala hapu tititi-nonosik boe. Emi dede'um-ma muse boetai lamaba'uk-ka, te ala ta bole lamaluma fa.

MATEOS 1:18

Yesus Kristus bobongi na tutui na leo iak. Yesus inan na'de Maria. Beita bongi Yesus fa te, Maria nahiik no Yusuf. Tehu duas beita lakabubua boen te, Maria nailu so. Yusuf ta bubuluk Maria ilun ndia, ana da'di neme Manetualain Dula Dale na koasa na mai fa.

MATEOS 5:40

Boema metema hataholi kalaak emi leo manakee-manafula la meu, fo nakaseti emi fe emi ba'du ma leondia neu soona, fe emi ba'du manalu ma neu boe.

1 KORINTUS 7:35

Au sulak basa dede'ak ia la, soaneu emi malole ma mesa kana, ta no dudu'ak kena-ka'i ia do kena-ka'i ndia fa. Fo au ahii ka nde ka'da, fo ela emi tao-no'i tatao-nono'i ndoos ma kandaa kala, ma fo ela emi hapu tao basa dudu'a-aafim neu Lamatua ka.

1 KORINTUS 7:37

Tehu metema hataholi esa, ana tao basa nakeketuk nai dalen dale soaneu ana ta sao tonangan ndia, ma nakeketun ndia ta no nakasetik fa, soona nakeketun ndia malole, sa'di ana tao-no'i nabe'in.

1 KORINTUS 7:9

Tehu metema emi ta makatatakak ma dale ma fa soona, malole lenak emi bole saoana. Nana malole lenak tolanoo ka saoana, neme emi nasa sao-anan lua ponu-ponu.

SEMUEL SUSULAK-KA ESAN-NA 2:33

Tehu, neukose Au fe hataholi esa nai o tititi-nonosin dale naso'da, fo nalalau-naoono Au da'di leo imam. Tehu, neukose ana da'di pokek ma naso'da no ketu namahehenan-na. Neukose o tititi-nonosin fe'ek-kala, nanataonisak.