1 KORINTUS 7:25 - Susula Malalaok Hehelu Palak Ma Hehelu Beuk

²⁵ Besak ia la'eneu hataholi fo ala beita saoana fa. La'eneu dede'ak ndia soona, au ta sipo paleta hata-hata neme Lamatua ka mai fa. Tehu da'dileo hataholi fo hu ka nde Lamatua ka baba'e-babatin de nandaa nananamahelek, au nau fe au nanoli-nafa'dang neu emi.

1 KORINTUS 7:25 ပူးပေါင်းရင်းမြစ်များ

MAZMUR 78:63

Ha'i na'aheni touana muli-solun-nala; ma hataholi ta sao anafe'oanan-nala fa.

1 KORINTUS 15:10

Tehu, hu ka nde Manetualain susue-lalain, de au da'di sama leo au fo besak ia. Ma ta palsuma, Manetualain fe do'o do ampon neu au fa. Nakalenak bai, au nde puselaipana lenaheni basa Lamatua ka hataholi nadedenu fe'e nala; Tehu tunga ndo na au ue-osang ta ndia fa; te ndia fo Manetualain manasue-lai au ma manatao-no'i sama-sama no au a, ue-osan ndia.

1 KORINTUS 4:2

Malalau-maoono leondia ka, bela-ba'u makasososa na nde ana muse lilineka neu tua na.

1 KORINTUS 7:10

Ba'eneu sila fo mana saoana basa kala, au fes paleta nde ia: (Tunga ndo na, au ta nde fe paleta ia fa, tehu Lamatua ka.) Inak esa ana saoana basa soona, ana boso nalai la'oela saotou na.

1 KORINTUS 7:12

Soaneu hataholi fe'e kala soona, au nanoli-nafa'dang nde ia: – ia au nanoli-nafa'da mesang ia, ta Lamatua ka – fa metema hataholi salanik esa, ana sao na inak esa, ta namahele neu Yesus fa, tehu saoinan ndia nakaheik leo sama-sama non soona, hataholi ndia ta bole elaheni fan.

1 KORINTUS 7:28

Tehu metema o saoana, soona sala-singok ta ndia fa. Leondiak boe, metema anafe'oanak esa saoana, soona ndia ta nanuu sosoak nae, nasala-nasingo fa. Ka'da sila fo masaoana kala nde, neukose latongo lo tototo'a-sosotak ba'u ka. Ma au hii o matapo'i meme toto'a-sosotak sila la mai.

1 KORINTUS 7:34

mate'e na, ana ta bubuluk tao bee ela bee a fa. Inak esa saotoun ta, do anafe'oanak esa, neukose ana dudu'a-dodoo dede'ak ba'u ka la'eneu Lamatua ka, nana ana hii fo ela ao paa samanen dadi Manetualain nuun. Tehu inak esa masaotouk soona, ana tao basa dudu'a-aafin neu dede'a daebafak ia la, nana ana hii tao namahoko saotou na dale na.

1 KORINTUS 7:40

Tehu neukose naua-nanale nanseli, metema ana ta sao seluk fa. Au hahapu mesang ndia, tehu au ame'da ae hata fo au kokolak ndia nde bee na no Manetualain Dula Dale na koasa na.

1 KORINTUS 7:6

Au kokolang ia, ta da'dileo paleta fa, tehu da'dileo nanoli-nafa'dak.

2 KORINTUS 11:17

Manamaik ia, neukose au afa'da au namatutua-namadedemang, tehu Lamatua ka ta nde nadenu au afa'da dede'ak ndia fa. Nai dede'ak ia dalek, te'e-te'e au kokolak sama leo hataholi nggoa ka.

2 KORINTUS 2:17

Ami ta sama leo hataholi makadotok, fo ala tao halak maneme Manetualain mai a, sama leo bua dangan. Ami dale tutu'u ma nde bee na neuisik, nana Manetualain nde ami. Ma Manetualain mesa kana nde nita ami manduku-malosak halak ndia da'dileo Kristus ata nala.