1 KORINTUS 7:2 - Susula Malalaok Hehelu Palak Ma Hehelu Beuk

² Tehu fo ela ana boso hapu dudungu-papauk soaneu tao dede'ak fo ta kandaa kala, malole lenak tou kala esa-esak masaoinak ma ina kala esa-esak masaotouk.

1 KORINTUS 7:2 ပူးပေါင်းရင်းမြစ်များ

AMSAL 18:22

Hataholi manahapu saoinak-ka, ana hapu nanalak; saoinak-ka nde been-na, baba'e-babatik neme Manetualain mai.

AMSAL 19:14

Bisa hapu uma, ma hata-heto neme ina-amak mai, tehu saoinak fo, manatee-tenok-ka nde been-na, baba'e-babatik neme Manetualain mai.

MALEAKHI 2:14

Emi matane mae, tao le'e de, Ana ta nau sipo fan? Hu kande Manetualain bubuluk, emi ta lilineka neu inak fo emi ka'bing moon, nai lelek emi muli-solum-ma. Emi tia-laim inak ndia, nai emi so'dam-ma dalek, tehu emi malelesin, leomae emi helu basa, soaneu lilineka mahele moon, nai Manetualain matan so.

MATEOS 5:32

Tehu besak ia, Au afa'da neu emi: metema touk esa ana elaheni saoinana, te see ko na inak ndia ta leo-la'o nasala fa, soona touk ndia nde tao na saoina na ana hohonge, metema inak ndia ana sao seluk. Ma touk see sao na ina maela saok ndia soona, touk ndia boeo ana hohonge ndia boe.”

1 KORINTUS 6:18

Madook aoina ma neme tatao-nono'i sosoa-piao ka mai. Nana hataholi tao basa sala-singo fe'e kala ndia, ana da'di nai hataholi ao paa na deak. Tehu hataholi fo ana tao tatao-nono'i sosoa-piao ka soona, ndia sosoa na nae, ana tao sala-singok soaneu ao paa na mesa kana.

1 KORINTUS 7:1

Besak ia au sanga kokolak la'eneu dede'ak fo emi sesei kana nai emi susulam dale. Metema touk esa ana ta saoana fa soona, ndia malole boe.

1 KORINTUS 7:3

Saotou ka muse tao natetu bela-ba'un, da'dileo soatouk soaneu saoina na, ma saoina ka muse tao natetu bela-ba'un soaneu saotou na; esa-esak muse tao natetu bela-ba'un soaneu esa.

1 KORINTUS 7:9

Tehu metema emi ta makatatakak ma dale ma fa soona, malole lenak emi bole saoana. Nana malole lenak tolanoo ka saoana, neme emi nasa sao-anan lua ponu-ponu.

EFESUS 5:28

Leondiak boe, saotou ka muse sue-lai saoina na sama leo ana sue-lai ndia ao paa na. Hataholi mana sue-lai saoina na, sosoa na nae, ana sue-lai ao ina na. (

EFESUS 5:33

Tehu lalanek nananafa'dak ndia boeo, nanauu tututi-nanatok no emi boe: Ela leo bee na, saotou kala esa-esak sue-lai saoina na, sama leo ana sue-lai ao ina na, ma ela leo bee na, saoina kala esa-esak sanga enok fo fe ha'da-holomata neu saotou na.

1 TESALONIKA 4:4

Tou kala esa-esak, muse bubuluk, naso'da tao leo beek no saoina na, fo ana tao namahoko Manetualain dale na, ma hataholi daebafa ka dale na boe.

1 TIMOTIUS 4:3

Lanoli hataholi a fo ala boso saoana, ma laluli nana'a-nininuk nggelok. Te se'kona nana'a-nininuk sila la, Manetualain nakadada'di kasa soaneu hataholi kamahehele kala ma hataholi mana malelak Manetualain nanoli ndo na, fo la'a-linu soona, ala hule-haladoi, loke makasi neu Manetualain

HAKIM-HAKIM 21:22

Metema, aman do tolanoo toun-na mai, fo nakasetin soona, emi bisa mafa'da mae, ‘Ami dokodoe, nemen-na fo loo ami. Ami ta matona malas nai natee-natatik dale fa. Ma hu kande, emi ta fes leo ami mai fa, de emi ta la'olena hehelu-balataak ndia fa, da'di salak ta.’ ”