1 KORINTUS 7:15 - Susula Malalaok Hehelu Palak Ma Hehelu Beuk

¹⁵ Tehu metema hataholi kamahehele tak ndia, ana elaheni saoinan do saotoun fo hataholi namahehelek esa soona, boso kena ka'in. Nai dede'ak ia dalek, tolanoo kaduak fo namahehelek esa, nau inak do touk boe sila ao loak so, nana Manetualain nau fo ela emi maso'da no mole-dame.

1 KORINTUS 7:15 ပူးပေါင်းရင်းမြစ်များ

MATEOS 12:50

Hataholi mana tao tunga Au Amang manai nusa so'da ka hihii-nanau na, hataholi ndia nde da'di Au tolanoo toung, Au tolanoo inang, ma Au ina nga.”

LUKAS 9:39

Metema dula dale mangalauk ndia sapu nan soona, ana nggasi kaiboik ma ao na hela-holoduku nalosa bafa na nafufu'de. Dula dalek ndia tao nan doidoso nakandoo ma ana ta nau kalua fa!

ROMA 12:18

Sanga enok tao leo bee fo maso'da mole-dame mo basa hataholi lala'ena.

ROMA 14:19

Hu ndia de, ita dale dudu'a na muse nai ka'da nai mole-dame a dalek tataas esa, ma esa nafofo'a esa namahehele na.

1 KORINTUS 14:33

Hu ka nde ita Manetualain nde bee na, Manetualain fo Ana hii ka'da mole-dame, te Ana ta hii tasi'bu a fa. Sama leo ana da'di nai basa Manetualain hataholi kamahehele nala,

2 KORINTUS 13:11

Mate'e na tolano-tolanoo kala ela leo bee na emi mamahoko, ma sanga enok leona fo da'di matetu-mandaak. Sipo ma basa au nanoli-nafa'dang lala'ena. Ela leo bee na emi dalek esa ma maso'da no mole-dame. Manetualain fo Mana Sue-lai Matuaina, ma manini mole-dame ndia, neukose no emi.

GALATIA 5:22

Dede'a nasafali na nae, metema Manetualain Dula Dale na hela-nole hataholi soona, buna-boan nde: ala lasue-lalai ao, ala lamahoko-setelee, ala lanuu dale mana tesa-tamak, ala ta haelai lamanasa, ma ha'da-tataon malole, ala malole lo hataholi fe'ek, ala lilineka,

ULANGAN 24:2

Basa boema, inak ndia sao seluk tou fe'ek.

IBRANI 12:14

Sanga enok soaneu maso'da mole-dame mo basa hataholi lala'ena. Sanga enok boe, soaneu maso'da no malalao-malalafuk, ka'da soaneu Lamatua ka. Nana ta hapu hataholi esa boen, fo hapu nita Lamatua ka, metema ana ta naso'da sama leondiak fa.

YAKOBIS 2:15

Leo uni ka touk esa do inak esa, paluu bua papakek do nana'a-nininuk.