1 KORINTUS 7:14 - Susula Malalaok Hehelu Palak Ma Hehelu Beuk

¹⁴ Nana tou kamahehele ta ka, nandaa soaneu ana da'di Manetualain hataholi kamahehele nala ei liman, nana ana sao na inak fo mana da'di Manetualain nuun so. Leondiak boe, saoina kamahehele ta ka, nandaa soaneu ana da'di Manetualain hataholi kamahehele nala ei liman, nana ana sao na touk fo mana da'di Manetualain nuun so. Metema ta leondiak fa soona, tao leo bee o, ana nala sama leo ni'iana dinitiu, te se'kona ni'iana sila la, landaa dadi Manetualain hataholi kamahehele nala ei liman boe.

1 KORINTUS 7:14 ပူးပေါင်းရင်းမြစ်များ

YESAYA 52:1

Fo'a leon, hai Yerusalem, fo'a leona! Matetea-mahehele o dalem-ma! Pake o papake matua-mademan! Hai Yerusalem, kota fo malalao-malalafuk, hataholi manggenggeok-ka, ana ta masok tunga o lelesuinam-ma so'on.

HATAHOLI 10:23

Boema Petrus nokes leo uma dale leu fo ala sungu lon le'odaek ndia. Balahaa de Petrus fo'a boema ala la'o leona. Hataholi kamahehelek de'ubee lai Yope boeo, ala tunga boe.

ROMA 11:16

Metema loti bibia makasososa ka ala fen leo Manetualain neu soona, dede'ak ndia sosoa na nae, ala fe la'iesak loti ndia leo Manetualain neu boe. Ma metema Manetualain nanuu ai a oka na soona, dede'ak ndia sosoa na nae, Manetualain nanuu la'iesak ai ndia ndana nala boe.

1 KORINTUS 7:13

Ma metema ina salanik esa, ana sao na touk esa, ta namahele neu Kristus fa, tehu saotoun ndia nakaheik leo sama-sama non soona, saoinak ndia ta bole elaheni saotoun ndia fa.

1 TIMOTIUS 4:5

Nana Manetualain dede'a-kokolan ma huhule-haladoi ka, tao nalalao basa hata lala'ena.

TITUS 1:15

Basa hata lala'ena nde bee na, malalao-malalafuk ba'eneu hataholi malalao-malalafu ka. Tehu ba'eneu hataholi fo dudu'a-aafi manggenggeo kala, ma kamahehele ta kala soona, ta hapu hata malalao-malalafuk esa boen, nana dudu'a-aafin ma dale nala manggenggeok so!