1 KORINTUS 6:3 - Susula Malalaok Hehelu Palak Ma Hehelu Beuk

³ Ade emi ta bubuluk neukose ita nde taketu-tala'di ata nusa so'da kala fa do? Mu'da hata no dede'ak manai ita maso'da mandoo fain ia bai.

1 KORINTUS 6:3 ပူးပေါင်းရင်းမြစ်များ

MAZMUR 17:14

Soi-po'i au neme hataholi-hataholi, fo manamakaduduluk hata-heto nai daebafak-ka. Hukus nenik susa-soe fo O sadia basan soaneus so. Nemen-na fo, huku sila upu-anan-nala boe.

DANIAL 7:22

Basa boema, Ndia fo so'dan-na manaketu basa tak ndia Ana mai, boema Ana fe nakeketuk de Ana fe ndoos neu Manetualain Fo Mademaina anan-nala. Fain-na losa ala sipo koasa, soaneu ala paleta.

MATEOS 25:41

Basa ndia boema, neukose Manek ndia nafa'da hataholi manai boboa kii na nae, ‘La'o heok meme ia mai, hei hataholi mangalau kala lemin! Masok leo ha'i mana mate ta ka dalek meu, te mamanak ndia nanasadia basak soaneu nitu a no basa lima ein lala'ena!

LUKAS 21:34

Basa boema Yesus nae, “Manea ao ina mala leona, fo boso nalosak emi su'ba ka'da feta-dote, ma minu ala-lalu, do dudu'a-dodoo manseli neu emi so'da ma paluu na, nalosa emi ta mahehele aom, nai lelek fo faik ndia ana mai no kaiboik.

LUKAS 8:14

Bini-ngges fo manatu'da lai makatema dila-nggau ka tala'da, nakasasama na nde hataholi fo namanene halak ndia, tehu dale nala laba'e la'eneu so'da nala, boema ala hii laso'da nai masoda manadai lena ka dalek, ma no namhokok nai daebafak ia. Basa sila la lakahapi lalas de nalosa ta labuna-laboa boa latuk fa.

ROMA 6:16

Emi bubuluk basa, metema hataholi esa paleta emi tunga hataholi ndia dale hihii na soona, emi da'di ata neu hataholi ndia so, ta bubuluk emi da'di sala-singo ka atan fo no emi leo mamate sa dalek meu, do emi da'di ata fo tunga Manetualain, fo no enok ndia, emi malole falik mo Manetualain.

1 KORINTUS 6:15

Tolano-tolanoo kala bubuluk basa, emi ao paa ma nde bee na lima eik neme Kristus ao paa na mai. Da'di, ade au bole ho'i a Kristu sao paa na ei liman esa, boema au taon dadi hataholi manasosoa-piaok esa ei liman do? Ta leondiak makandondook fa!

1 KORINTUS 6:16

Do fafa'kama emi beita bubuluk metema hataholi esa sese'do-babalik no hataholi manasosoa-piaok esa soona, duas da'di hataholi esa ndia so! Nana nai Susula Malalaok dale nanasulak nae, “Duas dadi esa.”

1 KORINTUS 6:19

Emi muse bubuluk te emi ao paa ma nde bee na, Manetualain Dula Dale na mamana leleo na. Dula Dalek ndia, ana leo nai emi dalek. Fo Manetualain nde fe Dula Dalek ndia neu emi a. Emi aoina ma emi nuun ta ndia fa, te Manetualain nuun ndia.

1 KORINTUS 6:4

Boema metema dede'ak leo sila kala moli-da'di soona, ade emi minin leo hataholi fo ana ta ho'u paleta hata esa boen, nai hataholi salani ka dalek neu do?

2 TIMOTIUS 2:4

Solda'du esa, nakalala'ok bela ba'un soona, neukose ana ta paluu ndia tatao-nono'in so'on, nana ana nau ndia tatao-nono'in, nandaa no ndia malanga na dale na.

2 TIMOTIUS 4:10

te Demas la'oela au nana, ana sue daebafak ia. Neu leo Tesalonika neu so, ma Kreskes neu leo Galatia neu, boema Titus neu leo Dalmatia neu.

2 PETRUS 2:4

Ata nusa so'da masala-masingo kala boeo, Manetualain ta po'ilota kasa latapo'i leme huhuku ka mai fa. Ana tapas leo tasi ha'ik dale leu. Manetualain taos leo faka makahatuk dale leu fo, tahan naheles leme ndia, losa Fai Naketu-nala'di ka losa.

YUDAS 1:6

Tao leo bee o, emi boeo bubuluk la'eneu ata nusa so'dak fo mana la'o lena sila koasa na too-lanen, nalosa ala la'oela sila mamana leleo na soona, Manetualain lange ata nusa so'dak sila la ninik namosina mana ketu basa taa ka, nai mamana makahatuk dale, nai daebafa ka buin-na. Ata nusa so'dak sila, nanatahan nahelek, losa sila huhuku na nananaketuk, metema fai mate'e ka losa.