1 KORINTUS 5:1 - Susula Malalaok Hehelu Palak Ma Hehelu Beuk

¹ Tunga ndo na, au sipo basa halak lae, nai emi dalek sosoa-piao ka su'diselin, de nalosa emi nggelok hohonge seluk inapala na. Hataholi fo ta nalelak Lamatua ka fa boeo, ana ta tao leondiak fa!

1 KORINTUS 5:1 ပူးပေါင်းရင်းမြစ်များ

KEJADIAN 35:22

Lelek ala bei lai mamanak ndia, Ruben sungu no Bilha, fo ama sao makahatun-na. Yakob namanene dede'ak ndia boema, namanasa nanseli. Yakob ana toun sanahulu dua.

KEJADIAN 37:2

ma Yakob teidale-bobongin tutuin-na nde ia: Nai lelek Yusuf, fo Yakob anan-na teun sanahulu hitu boema, ana mete-nakanae bi'ihii bi'ilopo bubuan-na la sama-sama no ka'an-nala, fo nde Bilha ma Zilpa fo aman sao makahatun duas anan-nala. Ana nafa'da aman, tatao-nono'i mangalauk fo ka'an-nala tao-no'in.

KEJADIAN 49:4

Mu'dak la'iesak-kana, o mako'ba sama leo oe-a, nalosa o ta nde makasososak-ka fa; nana o sungu moo au sao makahatung-nga, o tao manggenggeo o amam pepe'un-na.

2 SEMUEL 16:22

Da'di, ala tao fe Absalom lalaa temak nai uma manek-ka ta'dak lain. Boema, basa hataholi-la lita, Absalom neu leo lalaa temak ndia dalek neu, fo ana sungu no aman sao makahatun-nala.

2 SEMUEL 20:3

Lelek Dauk losa uma manen-na, nai Yerusalem boema, naloo-na ana la'o ela sao makahatu ka sanahulun-na fo lanea uma manek-ka, de ana fes leo lai uma esa dalek, fo manamanea-la laneas. Dauk nakabobois, tehu ana ta sungu nos so'on. Da'di, inak sila-la pasi fe'e lahele, sama leo inafalu losa mate.

1 TAWARIKH 5:1

Ruben nde been-na Yakob ana ulun-na. Tehu, hu kande Ruben tao nanggenggeo aman sao makahatun esa na'den-na boema, Yakob ho'i-na ndia haak fo da'di leo ana uluk-ka, de ana fen leo Yusuf neu. Leomae leondiak boeo, mabe'i-balakaik manai Yakob tititi-nonosin dalek-ka, ta nde Yusuf tititi-nonosin fa, te nde leo Yehuda dei. Nakalenak manada'di manek makasososak neu basa hataholi Israel-la nde been-na neme leo Yehuda ndia mai.

YEREMIA 2:33

Emi te'e-te'e sanga malelak eno keke'dik soaneu sanga susue tou-ta'ek, ma ina anafe'ok-ka! Ina manasosoa-piaok fo mate basa mamaen-na boeo, ana bei hapu nanoli neme emi mai!

YESKIAL 16:47

Ade, o dalem-ma tesa-tama, tunga sila ei tata'bun-na, ma o na'da sila tatao-nono'in nanamaluak ndia de, dai so do? Beik! Ta dook-ka so'on te, nalutu o lena heni sila bai.

YESKIAL 22:10

Hapu nggelok fufu'di-oodok ma ana sungu no ina palan-na, inak fo ana hapu he'di bulak,

IMAMAT 18:8

Boso makadadaek o amam, nenik sungu moo saoina fe'en esa.

IMAMAT 20:11

Touk esa, ana sungu no aman saon esa soona, ana la'olena aman hak-ka. Muse hukunisan no inak ndia. Sila mate, hu kande sila salan-na.

AMOS 2:7

Ala tuni-ndeni hataholi tapandoes fo be'i-balakain ta, ma ala usiheni hataholi nuu-taa hata-taak-ka. Ama no anan-na sungu loo ata inak esa, de ala tao langgenggeo Au na'de malalao-malalafung-nga.

HATAHOLI 15:20

Tehu ita muse sulak fes susulak ma tanoli-tafa'das, fo daenga boso la'a nana'a sosongo-tatango manggenggeok sila la, do la'a bana nanafule nisak paa na, do la'a paa daa. Boema, fo ela ladook ao nala leme sosoa-piao ka mai.

HATAHOLI 15:29

boso mi'a nana'ak fo ala fen neu sosongo-tatangok; boso mi'a paa daa, boso mi'a bana nanafule nisak paa na, ma madook ao ma neme sosoa-piao ka mai. Metema emi madook ao ma neme basa dede'ak sila la mai soona, emi tao-no'i tatao-nono'im malole ndia so. Ba'u ka'da ndia. So'da-molek ba'eneu emi!”

1 KORINTUS 1:11

Nana Kloe uma isi nala lafa'da au lae, hapu nale'a-napili ka nai emi dalek.

1 KORINTUS 5:11

Au dudu'a nga nde ia ae, emi boso leo mapalasa mo hataholi fo ana manaku nae, ndia hataholi Salanik, tehu hataholi ndia manasosoa-piaok, do manatene petak, do mana songo-tangok, do ana hii ka'da tao nanggenggeo hataholi fe'ek na'den, do manamafuk, do nakodaa. Mangatuuk mi'a mo hataholi sila la boeo, bosok!

1 KORINTUS 6:13

Hapu nggelok boeo lafa'da lae, nana'a-nininuk nde bee na soaneu tei ka, ma tei ka nanasadiak soaneu nana'a-nininu ka. Tehu neukose Manetualain tao namopo duas. Hataholi daebafa ka ta bole pake ao paa na soaneu sosoa-piao ka, te paken ka'da soaneu nalalau-naoono Lamatua ka. Soona neukose Lamatua ka nakaboboi ao paak ndia.

1 KORINTUS 6:18

Madook aoina ma neme tatao-nono'i sosoa-piao ka mai. Nana hataholi tao basa sala-singo fe'e kala ndia, ana da'di nai hataholi ao paa na deak. Tehu hataholi fo ana tao tatao-nono'i sosoa-piao ka soona, ndia sosoa na nae, ana tao sala-singok soaneu ao paa na mesa kana.

1 KORINTUS 6:9

Ade emi bubuluk hataholi ta manatunga Manetualain hihii-nanau na, neukose ala ta da'di lima eik neme Manetualain hataholi kamahehele nala mai fa do? Boso fe hataholi ke'dindiu na emi! Hataholi manatao-no'i sosoa-piao kala, manasongo-tango kala, manahohonge kala, touk fo nase'o ao paa na neu ina kala fo ana hapu doik, touk manatao tatao-nono'ik fo manini mamaek soaneu nonoo tou na ma saoina na,

2 KORINTUS 12:21

Au bibii ka'da boso nalosak mahani te nai lelek au ne'i, te Manetualain nakadadaek au nai emi matam fo au kii-makaleleu nana sila ba'u ka nai emi dalek, makahulu na lasala-lasingo, ta lasafali dale nala, ma ala ta hahae tao sila tatao-nono'i manasosoa-piao na, manggenggeok ma ta kandaa ka fa.

2 KORINTUS 2:5

Makanaema hapu hataholi tao nakahehe'dik emi dale ma soona, ana ta tao dede'ak ndia neu au fa, te neu emi basa-basa mala, do nai dae neu emi nggelok. Au ta kokolak dede'a lenak neu dede'ak ndia fa.

2 KORINTUS 7:12

Da'di leomae au sulak basa susulak ndia so, tehu au sula kana ta hu ka nde hataholi sala tak ndia fa. Boeo ta hu ka nde hataholi fo ana doidoso hu ka nde salak ndia fa. Au sulak susulak ia fo ela nai Manetualain matan, emi mame'da aom, emi taoafik neu ami ba'una seli.

GALATIA 5:19

Hataholi daebafa ka hihii-nanaun ma ha'da-tataon, nananitak nai tatao-nono'in fo nde, sosoa-piao ka, manggenggeo ka, ma ta kandaa ka dalek;

EFESUS 5:3

Emi nde bee na, Manetualain hataholi kamahehelen. Hu ndia de, tatao-nono'i sosoa-piao ka, ma matetu-mandaa ta ka, do tene peta ka, ta nandaa emi tao-no'i fas. Boso nalosak hataholi fe'e kala hapu ne'ek soaneu lafa'da lae, emi tao-no'i tatao-nono'ik leo sila kala.

ULANGAN 22:30

Hataholi esa boen, ta bole nakamumulu-nakamamaek aman, nenik ana sungu no aman saoina makahatun esa.”

ULANGAN 27:20

‘Nanasoo-supak ba'eneu hataholi fo, ana nakamumulu-nakamamaek aman, nanahu ana sungu no aman saoian esa.’ Hataholi Israel-la lataa lae, ‘Tete'ek-ka!’ ‘Amin!’

KOLOSE 3:5

Hu ndia de, tao makamate emi hihii-nanau daebafam fo ana tao nakalulutuk emi maso'da ma fo nde, sosoa-piao ka, dede'a ta kandaa kala fa, nasa sasao ana masuu ka, hihii-nanau mangalau ka, ma tene peta ka, nana tene peta ka sama no sosongo-tatango ka.

1 TESALONIKA 4:7

Manetualain ta nalo ita fo taso'da nai sosoa-piao ka dalek fa te, sue ka nde ita taso'da no malole, fo tao tamahoko dale na.

NINITAK 2:21

Au fe basan fai loak soaneu ana tukatei-saledale neme sala-singo nala mai so, tehu ana ta nau hahae tao-no'i dede'a sosoa-piaok sila la fa.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

SEMUEL SUSULAK-KA ESAN-NA 2:24

Boso boe tao seluk leondiak bai, anang-ngala lemin. Manetualain anan-nala kokolak beek la'eneu emi ndia, te'e-te'e ta malole makandondook fa.