1 KORINTUS 4:2 - Susula Malalaok Hehelu Palak Ma Hehelu Beuk

² Malalau-maoono leondia ka, bela-ba'u makasososa na nde ana muse lilineka neu tua na.

1 KORINTUS 4:2 ပူးပေါင်းရင်းမြစ်များ

2RAJA-RAJA 12:15

Basa manamanea bela-ba'uk sila-la, dalen-nala ndoos, de ta paluu lafa'da doik-kala maso-kaluan fa.

2RAJA-RAJA 22:7

Basa hataholi manamanea bela-ba'uk sila-la, ala tao tunga ka'da ndoon-na, da'di ta paluu mokes, fo lafa'da doik-kala dede'un-na fa.”

AMSAL 13:17

Hataholi dinitiu-a hataholi nadedenun-na, no hataholi-a leo soe dale neu tehu hataholi nadedenuk fo nananamahelek-ka, neni buna-boak.

BILANGAN 12:7

Tehu, soaneu Au atang Musa soona, ta leondiak fa. Nai Au anang-ngala dalek, ndia nde manalilinekak.

MATEOS 25:21

Boema tua na nae, ‘Malole, o malalau-maoono malole ma mana lilinekak. Hu ka nde o hapu nananamahelek nai dede'a kome'do ana la dalek, de neukose au fe namahehelek ba'u ka neu o. Masok leo dalek ia mai, fo mamahoko sama-sama mo au!’

MATEOS 25:23

Boema tua na nae, ‘Malole, o malalau-maoono malole ma mana lilinekak. Hu ka nde o hapu nananamahelek nai dede'a kome'do ana la dalek, de neukose au fe namahehelek neu o. Masok leo dalek ia mai, fo mamahoko sama-sama mo au!’

LUKAS 12:42

Lamatua ka nataa nae, “See ka nde malalau-maoono mana lilinekak ma manatee tenok ndia, de nalosa tua na so'un da'di malangan neu malalau-maoono fe'e kala, fo daenga ana fes la'a-linu la'e fai na?

1 KORINTUS 4:1

Bole tafa'da tae, ami ia Kristus malalau-maoonon fo ami nde mataa tui-benga Manetualain dale tutu'un fo daebafa ka beita bubulu kana ndia fa.

1 KORINTUS 4:17

Hu ka nde dede'ak ndia de, au adenu Timotius ne'i. Da'dileo Kristus ana manatungan, Timotius ia sama leo au ana bongi susue-lalaing. Ndia hataholi esa hapu nananamahelek. Mahani te, neukose ana fe emi nasanene'dak la'eneu eno-dala maso'dak fo au tungan, nai lelek fo au amahele basa Kristus, fo nde eno-dala maso'dak fo au anolin neu salani kala esa-esak, ma su'di nai bee a mesan boe.

1 KORINTUS 4:3

Ba'eneu au soona, ta da'di natatanek hata fo emi do su'di see a boe, dudu'a-dodoo la'eneu au aoina nga. Lena-lenak hata fo au dudu'a-dodoon la'eneu au aoina nga boeo, ta hata-hata fa.

1 KORINTUS 7:25

Besak ia la'eneu hataholi fo ala beita saoana fa. La'eneu dede'ak ndia soona, au ta sipo paleta hata-hata neme Lamatua ka mai fa. Tehu da'dileo hataholi fo hu ka nde Lamatua ka baba'e-babatin de nandaa nananamahelek, au nau fe au nanoli-nafa'dang neu emi.

2 KORINTUS 2:17

Ami ta sama leo hataholi makadotok, fo ala tao halak maneme Manetualain mai a, sama leo bua dangan. Ami dale tutu'u ma nde bee na neuisik, nana Manetualain nde ami. Ma Manetualain mesa kana nde nita ami manduku-malosak halak ndia da'dileo Kristus ata nala.

2 KORINTUS 4:2

Ami ta pake eno-dala makahatuk fo nini bibii-mamaek fa. Ami ta nau maue-male'di no tipu-daik do puputa-papaik Manetualain dede'a-kokolan fa. Ami malalau-maoono Manetualain no dale neuisik tunga hihii-nanaun. Hu ndia de, ami mamahena basa hataholi la tai-dodoo ami no malole, nandaa no dale bobongoana nala.

KOLOSE 1:7

Epafras fo ami tolano susue-lalaim ndia nde tui-benga dede'ak ndia neu emi a. Epafras ia, Kristus malalau-maoono mana lilinekan, fo nalalau-naoono soaneu ita paluu na.

KOLOSE 4:17

Ma mafa'da Arkhipus fo, “Ana tao nakababasak ndia bela-ba'un, soaneu nalalau-naoono Lamatua ka.”

KOLOSE 4:7

Tikhikus, fo ita tolano susue na, neukose nafa'da emi basa hata lala'ena la'eneu au. Ana lilineka nai tatao-nono'i ka dalek sama-sama no au, soaneu Lamatua ka.