1 KORINTUS 4:19 - Susula Malalaok Hehelu Palak Ma Hehelu Beuk

¹⁹ Tehu metema Lamatua ka fe au fai loak soona, neukose ta doo ka so'on te, au ne'i so. Mahani te, neu faik ndia soona, neukose au ita hata fo hataholi manakoao-ndaeaok sila la tao-no'in; ta ka'da hala kokola nala mesa kana fa.

1 KORINTUS 4:19 ပူးပေါင်းရင်းမြစ်များ

HATAHOLI 18:21

Leomae leondiak boe, nai lelek fo ana sanga la'o boema nafa'das nae, “Metema Manetualain po'i soona, neukose au fali seluk leo ia mai.” Ana kokolak basa nae leondia boema, ana sa'e ofak de ana la'oela Efesus.

HATAHOLI 19:21

Basa manda'dik sila la late'e boema, Paulus ho'i nakeketuk fo neu leo Makedonia ma Akhaya neu, fo basa soona, nakandoo leo Yerusalem neu. Paulus nae, “Au u leo naa u fo basa soona, au muse u leo Roma u boe.”

HATAHOLI 20:2

Neu donge-dama nggolo-nggolok manai Makedonia la, de ana fes nanoli-nafa'da ba'u neu hataholi kamahehelek neu Yesus manai naa la, fo latea-lahele dale nala. Basa boema, neu leo Yunani neu.

ROMA 15:32

No enok ndia, metema Manetualain nau soona, au ne'i leo emi no dale namahokok. Ma neukose au dale nga namahoko nai emi tala'da.

1 KORINTUS 11:34

Metema hapu nggelok lamala'a soona, muse na'a nakahuluk nai uma. Metema emi taoafik neu dede'ak ia soona, emi natotongom nai emi mamaso-kasasi ma, neukose ta nini huhukuk neme Manetualain neu emi aoina ma fa. La'eneu dede'a fe'e kala, neukose au afa'da mangalele'dos neu emi, metema au ne'i.

1 KORINTUS 14:5

Malole na seli, metema emi basa-basa mala hapu kokolak malelak dede'a matabeu mata-mata kala. Tehu malole ba'u ka nde metema emi hapu tui-benga Manetualain dale tutu'u na. Nana hataholi manatui-benga Manetualain dede'a-kokola na, hataholi ndia ba'ulena hataholi manakokolak nalelak dede'a matabeu mata-mata kala; dede'a na fe'ek bai, metema hataholi manakokolak nalelak dede'a matabeu mata-matak ndia, hapu nafa'da mangalele'do hata fo ana kokola kana ndia, fo ela basa hataholi kamahehele kala lalelak sosoa-ndandaan.

1 KORINTUS 16:5

Neukose au donge-dama emi, nai lelek au tuli tunga Makedonia, nana au tutu'u basan, au sanga singa tunga naa.

1 KORINTUS 16:7

Au ta nau donge-dama emi, singa ka'da leondiak mesa kana fa. Metema Lamatua ka po'i soona, au hii leo o emi dodoo ana faa.

1 KORINTUS 2:6

Leomae leondiak boe, nai hataholi fo so'da samane na natea-nahele soona, memak au kokolak la'eneu manatee teno ka. Tehu manatee tenok ia, manatee teno daebafak ta ndia fa, do mana koasa lelek besak ia la manatee tenon fo koasa na neukose manasapu-manalalok.

1 KORINTUS 4:18

Hataholi de'ubee lai emi dalek, ala dadi hataholi manakoao-ndaeaok so, nana laedaenga neukose au ta ne'i donge-dama emi so'on.

1 KORINTUS 4:6

Tolano-tolanoo ngala lemin! Soaneu emi paluu ma, de au fua basa sila la neu Apolos ma neu au aoinang lain. Dede'ak ia tetee-tutu'dan nae, fo ela neme ami nana'dam ndia mai de, emi hapu manoli dede'ak esa nde ia sosoa-ndandaan nae le'e. Dede'ak ndia nae, “Ho'u mahehele neu nakanenete nanatao basa kala”. No enok ndia, nai emi dalek ta hapu esa namatutua-namadedema esa boen, ma nakamumulu-nakamamaek hataholi fe'ek fa.

2 KORINTUS 1:23

Manetualain sakasii au, nana Ana bubuluk au dale nga, au ta da'di u leo Korintus u fa nana, au ta nau tao akahehe'dik emi dale ma fa.

2 KORINTUS 10:9

Au ta nau emi mame'da mae au bei akabibiik emi ninik au susula ngala fa.

IBRANI 6:3

Metema Manetualain bei fe loak soona, mai leona fo teu leo nanoli mana maik ia!

YAKOBIS 4:15

Tunga ndo na, emi muse mafa'da mae leo ia, “Metema Lamatua ka nau ami bei maso'da soona, ami tao ia, tao naa.”