1 KORINTUS 4:10 - Susula Malalaok Hehelu Palak Ma Hehelu Beuk

¹⁰ Hu ka nde Kristus, de ami dadi hataholi nggoak, ma emi dadi hataholi Salani malelak! Ami tapandoes ma emi balakaik! Lakamuu-lakadau ami, ma ala koa-kio emi!

1 KORINTUS 4:10 ပူးပေါင်းရင်းမြစ်များ

2RAJA-RAJA 9:11

Yehu fali ne'un leo nonoon-nala neu, boema latanen lae, “Hapu halak-ka leo beek? Tao le'e de, hataholi kamulus ndia, ana mai leo o mai?” Yehu nataa nae, “Ah emi bubuluk so.”

AMSAL 11:12

Makamumulu-makamamaek hataholi fe'ek nde been-na, tatao-nono'i nggoak; hataholi dudu'a-aafi malole-a, neukose ana kokolak hata esa boen.

YESAYA 53:3

Ita takadadaek-kana, ma ta deka to fan, hataholi fo henuk no doidosok-ka, ma biasa ana lu'a-lepa he'di-laus. Hataholi esa boen, ta nau mete fan, ma ita boeo, ta nau taoafik neu fan.

HOSEA 9:7

Fai huhukuk ka losa so, faik soaneu sipo babalak neu basa tatao-nono'ik lala'en-na. Neukose Israel name'dan. Emi mafa'da mae, “Nabi ia nggoak! Namulu so!” Emi mafa'da mae leondia, nanahu emi ta mahiik au nanseli fa, ma emi sala-singom ba'un-na seli.

MATEOS 24:9

Basa soona, neukose ala ho'u la emi fo ala fe heni emi soaneu ala fepa li'u emi, ma ala taolisa emi. Neukose basa daebafa ka lakamuu-lakadau emi nanahu Au ana mana tungang emi.

MATEOS 5:11

Maua-manalek neu emi, metema hataholi nakamumulu-nakamamaek emi, ala fepa-li'u emi, ma lakasasa'ek dede'a pepekok neu emi, nanahu Au.

LUKAS 10:16

Boema Yesus nafa'da ana manatunga nala nae, “Metema see namanene emi soona, namanene Au. See tipa emi soona, ana tipa Au. Boema hataholi manatipa Au a, ana tipa Ndia, fo manamadenu Au a boe.”

LUKAS 18:9

Yesus boeo tui nakandandaak ia neu hataholi fo ana mete hataholi fe'ek nai daeanak, tehu namahele aoina na mesa kana nde malole.

LUKAS 6:22

Maua-manalek neu emi, metema nananakamuu-nakadauk, nanatipahenik, nananakamumulu-nakamamaek, ma nanakala pepekok, hu ka nde Ana Hataholi ka!

HATAHOLI 17:18

Nakabua Epikuro sa mese nala lo nakabua Stoa mese nala boeo, lase'i lo Paulus. Sila hataholin nggelok lae, “Hataholi ia bubuluk beek? Malela nala ka'da faanak mesan, tehu bafa na soona, loa na seli!” Sila hataholin nggelok soona lae, “Me'dan te ana tui-benga leoina fe'e kala nitu lalai nala nde ndia.” Ala kokolak lae leondia nana Paulus kokolak la'eneu Yesus, ma la'eneu hataholi a ana mate, tehu naso'da falik.

HATAHOLI 17:32

Lelek fo hataholi sila la lamanene Paulus kokolak nae, hataholi mana mate kala laso'da falik, boema sila nggelok hika Paulus. Nggelok bai soona lae, “Ami hii mamanene tolanoo ka kokolak seluk dede'ak ndia.”

HATAHOLI 26:24

Paulus bei kokolak dede'a nasala'e oa na te Festus nasapala ma nae, “O mamulu ia so Paulus! O malela makadotoina ma, nde tao na o mamulu a!”

HATAHOLI 9:16

Ma Au atu'dun basa doidosok fo muse ana la'ola'din, nanahu Au.”

1 KORINTUS 1:21

Nana leomae hataholi daebafa ka malela na leo beek boeo, ana ta hapu nalelak Manetualain ninik ndia malelan ndia fa. Te lena-lenak, hu ka nde Manetualain manatee teno na de, Ana nau soi tefa na hataholi fo lamahele neun, tunga halak fo ami tui-bengan fo daebafa ka nafa'da nae, kokola bafa louk basa sila la.

1 KORINTUS 1:23

Tehu ita ia ka'da tui-benga Kristus, fo manamatek nai ai nggangek lai na. Tutuik ndia, ana tao na hataholi Yahudi la lamanasa, ma hataholi ta Yahudi la lafa'da lae, tutui bafa louk basa sila la.

1 KORINTUS 1:25

Nana hata fo nananitak nggoak nai Manetualai na, ndia nde bee na manatee tenok fo lenaheni hataholi daebafa ka manatee teno na, ma hata fo nananitak tapandoes nai Manetualai na, ndia nde bee na balakai na lenaheni hataholi daebafa ka balakai na.

1 KORINTUS 10:12

See dodoo nana napadeik natetu soona, ela leo bee na nanea matalolole; fo boso nalosak ana tu'da.

1 KORINTUS 2:14

Hataholi fo Manetualain Dula Dale na beita nai dalen dale fa, ana ta sipok hata fo Dula Dalek ndia nafa'da ka fa. Nana ba'eneu hataholi ndia, dede'a nggoak basa sila la. Hataholi sila la ta lalela kana fa, nana dede'ak sila la hataholi a bubulu kana ninik ka'da dede'a samane ka.

1 KORINTUS 2:3

Nai lelek fo au sama-sama o emi soona, au tapandoes ma dele ngge'be-ngge'be no bibii ka.

1 KORINTUS 3:18

Boso hataholi esa boen ke'dindiu seluk aoina na. Metema hapu hataholi nai emi dalek, name'da aoina na manatee tenok tunga uuku-dodou daebafak ia soona, hataholi ndia muse ana da'di hataholi nggoak, fo ela te'e-te'e ana dadi hataholi manatee tenok.

1 KORINTUS 3:2

Makahulu na, au fe emi ka'da nana'a ni'iana beuana, te ta hataholi taouina ka nana'a na fa; nana emi balakai ma beita dai soaneu ndia fa. Besak ia boeo, emi balakai ma beita dai soaneu ndia fa,

1 KORINTUS 4:8

Memak emi ta paluu seluk hata-hata so'on! Emi mamasu'i so. Emi da'di manek so! Te ami ta. Malole na seli, metema emi te'e-te'e dadi manek so, fo ela ami hapu paleta sama-sama mo emi.

2 KORINTUS 10:10

Hapu hataholi nai emi dalek nafa'da nae, “Paulus susulan sila la balakaik ma maheohak, tehu metema Paulus nai ita tala'daheon soona, ha'da-paliin mangana'uanak ma hala-kokolan sosoa-ndandaan ta!”

2 KORINTUS 11:19

No namahokok, emi ta haelai mamanasa hataholi nggoa ka, nanahu emi mame'da emi aoina ma hataholi malelak!

2 KORINTUS 11:29

Metema hapu nggelok tapandoe soona, au boeo ame'da tapandoe. Metema hapu nggelok tu'da leo sala-singo ka dalek leu soona, au dale nga nakalulutuk.

2 KORINTUS 13:9

Ami mamahoko, metema ami tapandoe ma emi balakaik. Nakalenak ami hule-haladoi boe, fo ela emi da'di matetu-mandaak.

2 KORINTUS 4:12

Dede'ak ia sosoa na nae, nai ami aoinam dale, mamate sa ana bei nakalala'ok ndia tatao-nono'in no mahelek, tehu ami mamahoko nana maso'da ka bei tao-no'i no mahelek nai emi aoinam dale.

2 KORINTUS 6:8

Ami nanafe ha'da-holomata, tehu nananakamumulu-nakamamaek boe; nanakoa-kiok, ma nanafepa-li'uk boe. Leomae ami tao tunga ndo na, ami nanakalaak mana masapepeko-masandandalik.

1 TESALONIKA 4:8

Hataholi see ka nde, ana ta sipok nanolik ia la fa soona, ana ta tipa hataholi daebafak ndia fa te, ana tipa Manetualain fo mana fe emi Dula Dale malalao na, nde ndia.

1 PETRUS 4:14

Emi maua-manale, metema emi nananakamumulu-nakamamaek, nanahu Kristu sana mana tungan emi. Dede'ak ndia sosoa na nae, Dula Dale mamalaok fo nde Manetualain Dula dale na, nai emi dalem dale.