1 KORINTUS 2:9 - Susula Malalaok Hehelu Palak Ma Hehelu Beuk

⁹ Nasafali na, dede'ak ndia nandaa no hata fo nanasulak nai Susula Malalaok dale nae, “Hata fo hataholi daebafa ka beita nitan do namanene fan, ma ana beita moli da'di nai hataholi daebafa ka dudu'a-aafi na dalek, ndia nde Manetualain sadian soaneu hataholi fo manasue-lai nana.”

1 KORINTUS 2:9 ပူးပေါင်းရင်းမြစ်များ

MAZMUR 31:19

Sule ketu basa masapepeko-masandandalik-kala bafan-na, nana noo koao-ndaeaok ala hakinonoli hataholi manatao tunga ndoon-na.

YESAYA 64:4

Beita hapu, hataholi namanene hai, ma beita hapu, hataholi nita hai, nae fe'ek neme O mai, hapu manetualain fe'ek fo, ana tao-no'i ba'eneu hataholi fo, namahena neun.

YESAYA 65:17

Manetualain nafa'da nae, “Neukose Au tao lalai beuk, ma daebafa beuk. Manada'di makahuluk-kala, neukose nananafandele henik, de ta nafandelen so'on.

MATEOS 20:23

Boema Yesus nae, “Memak neukose emi minu neme Au nggala nga mai. Tehu soaneu see ka nde nangatuuk nai Au boboa kii nga, ma Au boboa kona nga ndia, Au ta anuu hak, aketu dede'ak ndia fa. Mamanak sila la, soaneu hataholi fo, Au Amang naketu basan so.”

MATEOS 25:34

Basa ndia soona, Manek ndia nafa'da basa hataholi manai boboa kona na nae, ‘Mai leon emi fo Au Amang ba'e-pala kala lemin! Masok leo nusak fo nanasadiak soaneu emi, ndek daebafa ka da'di makasososa na.

YOHANIS 3:16

Hu ka nde Manetualain sue-lai hataholi daebafa ka, de Ana fe Ana Mane Kisa na mai, fo ba'eneu see fo namahele neun soona, ana ta mate fa, te ana hapu so'da matetu ka, ma manaketu basa ta ka.

ROMA 8:28

Ita bubuluk basa, Manetualain ito-ato basa dede'ak lala'ena, de nalosa nini buna-boa malole soaneu hataholi manasue-lai nana, ma hataholi fo nandaa no dale tutu'u na.

IBRANI 11:16

Tehu nananitak, sila lahiik nusak esa fo malole na lena, fo nde nusak manai nusa so'da ka. Hu ndia de Manetualain ta mae, metema loken lae, sila Manetualai na. Lena-lenak Manetualain sadia basa kota esa soaneu sila so.

YAKOBIS 1:12

Maua-manalek ba'eneu hataholi fo nakatatakak na dale na, nai lelek fo ana la'oladi sosoba-susu'di ka. Nana metema, nala sosoba-susu'dik ndia deak soona, neukose ana sipo nggadi na, fo nde maso'dak fo Manetualain helu basan neu hataholi mana sue-lai nana.

YAKOBIS 2:5

Mafandendelek tolano-tolanoo susue-lalai ngala lemein! Manetualain hele basa hataholi nuu taa-hata tak manai daebafak ia la, ala da'di hataholi kamasu'ik nai namahehele ka dalek. Neukose hataholi sila la, nde da'di Manetualain hataholi kamahehelen, sama leo Manetualain helu basan neu hataholi mana sue-lai nana.

1 PETRUS 1:12

Manetualain nafa'da nabi sila la nae, hata fo sila tao-no'in ndia, ta soaneu sila paluu na fa, tehu soaneu emi paluu ma; fo nde basa dede'ak fo besak ia emi mamanenen no mangale'dok neme manatui-benga Hala Malole la'eneu Yesus Kristu sa. Hataholi sila, ala tui-benga dede'ak sila la neu emi, ninik Manetualain Dula Dale na koasa na, fo Ana haituan neme nusa so'da ka mai. Lena-lenak ata nusa so'da kala boeo, ala lahiik bubuluk halak fo hataholi sila la tui-bengak ndia.

1 YOHANIS 4:19

Ita tasue-talai ao nana, Manetualain sue-lai nakahuluk ita so.