1 KORINTUS 2:14 - Susula Malalaok Hehelu Palak Ma Hehelu Beuk

¹⁴ Hataholi fo Manetualain Dula Dale na beita nai dalen dale fa, ana ta sipok hata fo Dula Dalek ndia nafa'da ka fa. Nana ba'eneu hataholi ndia, dede'a nggoak basa sila la. Hataholi sila la ta lalela kana fa, nana dede'ak sila la hataholi a bubulu kana ninik ka'da dede'a samane ka.

1 KORINTUS 2:14 ပူးပေါင်းရင်းမြစ်များ

AMSAL 14:6

Hataholi manakoao-ndaeaok-ka, neukose ta da'di manatee-tenok fa, tehu hataholi dodole da'uk-ka, mu'dak la'iesak-kana, ana hapu malelak.

MATEOS 16:23

Boema Yesus lipa leo dea neu de nafa'da Petrus nae, “La'o meme ia mai mana dudungu-papau ko nei. O mapalani mapanggengge Au ou! O dudu'a-aafim ndia dudu'a-aafi hataholi; daebafak te Manetualain dudu'a-aafin ta ndia fa!”

YOHANIS 10:20

Sila ba'u ka lafa'da lae, “Nitu nai dalen dale! De namulu ndia! Sosoak hata, emi mamanene Hataholi ndia?”

YOHANIS 12:37

Leomae Yesus tao basa manda'di beuk ba'u ka nai sila matan so, tehu ala ta nau lamahele fan.

YOHANIS 14:17

Mana Tulu-Fali fe'ek ndia, nde Manetualain Dula Dale na, fo neukose nafa'da ndos la'eneu Manetualain. Daebafa ka ta sipo kana fa, nana ta litan do lalela kana fa. Tehu emi malela kana, nana Ana leo nakabubua no emi, boema Ana da'di esa no emi.

YOHANIS 14:26

Tehu Manetualain Dula Dalen Fo Mana Tulu-Fali ndia, neukose Ama ka nadenun ana mai no Au na'de nga, fo Ndia nde, neukose nanoli emi basa hata lala'ena, boema Ana fe emi nafandendelek soaneu basa hata fo Au afa'dan neu emi so.

YOHANIS 15:26

Neukose Au adenu Mana Tulu-Fali ka neme Ama ka mai, soaneu emi. Ndia nde Dula Dalek fo neukose nafa'da ndos la'eneu Manetualain. Metema Ana mai soona, neukose Ana fe sakasii la'eneu Au.

YOHANIS 5:44

Emi hapu mamahele tao leo beek, metema emi nau emi nonoo hataholi ma, koa-kio emi, te emi ta nau sanga enok fo sanga kokoa-kikiok neme Manetualain fo kisak ndia mai fa?

YOHANIS 8:43

Hu bek de, emi ta malelak Au nanoli-nafa'dang fa? Hu ka nde emi ta makataka mamanene Au nanoli-nafa'dang fa.

HATAHOLI 16:14

Inak esa nai inak sila la dalek nde bee soona, ina mana mase'o tema pila balanggeo kabelik, na'de Lidia, fo neme Tiatira mai. Ana sue-lai Manetualain, de Lamatua ka nakababale dale na, fo ela ana sipok hata fo Paulus nanolin nana.

HATAHOLI 17:18

Nakabua Epikuro sa mese nala lo nakabua Stoa mese nala boeo, lase'i lo Paulus. Sila hataholin nggelok lae, “Hataholi ia bubuluk beek? Malela nala ka'da faanak mesan, tehu bafa na soona, loa na seli!” Sila hataholin nggelok soona lae, “Me'dan te ana tui-benga leoina fe'e kala nitu lalai nala nde ndia.” Ala kokolak lae leondia nana Paulus kokolak la'eneu Yesus, ma la'eneu hataholi a ana mate, tehu naso'da falik.

HATAHOLI 17:32

Lelek fo hataholi sila la lamanene Paulus kokolak nae, hataholi mana mate kala laso'da falik, boema sila nggelok hika Paulus. Nggelok bai soona lae, “Ami hii mamanene tolanoo ka kokolak seluk dede'ak ndia.”

HATAHOLI 18:15

Tehu dede'ak ia ka'da dede'a nale'a-napilik la'eneu hala-kokolak la'eneu na'de kala, ma la'eneu emi hoholo-lalanem. Da'di emi palisak aom dede'ak ia. Te au ta nau palisak dede'a matak leoia ka fa!”

HATAHOLI 25:19

Ka'da sila esa-esak hahapun la'eneu sila agama na, ma la'eneu hataholi esa na'de Yesus. Hataholi ndia maten so, tehu Paulus nahele ka'da hataholi ndia bei naso'da.

1 KORINTUS 1:18

Nana ba'eneu hataholi fo ana la'ok nasale leo mamate-momopo ka neu a, halak la'eneu Kristus mamaten nai ai nggangek lai na, nalupa tutui masapepekok basa sila la. Tehu ba'eneu ita fo Manetualain soi tefa basa ka, tutui-bebengak ndia, nalupa eno-dalak soaneu Manetualain natu'du koasa na.

1 KORINTUS 1:21

Nana leomae hataholi daebafa ka malela na leo beek boeo, ana ta hapu nalelak Manetualain ninik ndia malelan ndia fa. Te lena-lenak, hu ka nde Manetualain manatee teno na de, Ana nau soi tefa na hataholi fo lamahele neun, tunga halak fo ami tui-bengan fo daebafa ka nafa'da nae, kokola bafa louk basa sila la.

1 KORINTUS 1:23

Tehu ita ia ka'da tui-benga Kristus, fo manamatek nai ai nggangek lai na. Tutuik ndia, ana tao na hataholi Yahudi la lamanasa, ma hataholi ta Yahudi la lafa'da lae, tutui bafa louk basa sila la.

1 KORINTUS 1:25

Nana hata fo nananitak nggoak nai Manetualai na, ndia nde bee na manatee tenok fo lenaheni hataholi daebafa ka manatee teno na, ma hata fo nananitak tapandoes nai Manetualai na, ndia nde bee na balakai na lenaheni hataholi daebafa ka balakai na.

1 KORINTUS 15:44

Nai lelek latoi-latono nana, ao paak ndia ao paak neme daebafa ka mai; tehu nai lelek fo naso'da falik soona, ao paak ndia ao paak fo nanafek neme Manetualain Dula Dale na mai. Hapu ao paak fo neme daebafa ka mai, ma hapu ao paak fo neme Manetualain mai.

1 KORINTUS 15:46

Fo manamai makahulu ka nde bee na ao paa ka, te ta dula dale ka fa. Dula dale ka mai nakabuik.

1 KORINTUS 2:12

Ma dula dale daebafak ndia, ta nanafek neu ita fa, te Dula Dalek fo maneme Manetualain mai a dei, fo ela ita bubuluk hata fo Manetualain ba'e-pala basan neu ita.

1 KORINTUS 3:1

Tolano-tolanoo ngala lemin! Tunga ndo na, au ta kokolak o tolanoo ka sama leo au kokolak o hataholi fo Manetualain Dula Dale na dalen dale. Au kokolak o emi, ka'da sama leo au kokolak o hataholi fo bei naso'da tunga hihii-nanau daebafa ka; ma sama leo au kokolak o hataholi fo bei ni'iana beuana nai namahehelek neu Kristu sa dalek.

YAKOBIS 3:15

Manatee teno matak leondia ka, ana ta mai neme nusa so'da ka mai fa te, ana mai neme daebafa ka, neme nasa melu ka, ma neme nitu a mai!

1 YOHANIS 2:20

Tehu Yesus Kristus fe Manetualain Dula Dale na neu emi so. Hu ndia de emi malelak nanoli ndo sa.

1 YOHANIS 2:27

Tehu la'eneu emi soona, Kristus fe basa Dula Dale na neu emi so. Boema metema Dula Dalek ndia bei nahele nai emi dalem dale soona, ta paluu hataholi nanoli emi so'on. Nana Dula Dalek ndia nanoli emi, la'eneu basa hata lala'ena; boema ta hapu masapepeko-masandandalik nai nanolin sila la dalek fa. Hu ndia de ela leo been-na, emi tunga Dula Dale ka nanolin sila la, ma ela leo been-na emi maso'da tataas esa mo Kristus.

1 YOHANIS 5:20

Ita bubuluk basa, Manetualain Ana na mai, de ana fe ita malelak fo daenga ita talelak Manetualain fo ndo sa. Fo ela ita taso'da to Manetualain fo ndo sa, ma taso'da to Anan fo Yesus Kristus. Ndia nde Manetualain fo ndo sa, ma Ndia nde so'da matetu ka mana ketu basa ta ka.

YUDAS 1:19

Hataholi sila nde lini nasi'da-naba'e ka. Nana Manetualain Dula Dale na, ta koasa hataholi sila la fa, te hihi-nanau daebafa ka nde, koasa hataholi sila la.