1 KORINTUS 2:11 - Susula Malalaok Hehelu Palak Ma Hehelu Beuk

¹¹ Nana manabubuluk hataholi esa dale na, nde bee na hataholi ndia dula dale na mesa kana hetu? Leondiak boe, la'eneu Manetualain. Fo Mana bubuluk Manetualain dale na, ka'da Manetualain Dula Dalen ndia mesa kana!

1 KORINTUS 2:11 ပူးပေါင်းရင်းမြစ်များ

AYUB 15:8

Ade, o mamanene Manetualain tao dale tutu'un-na do? Ade, ka'da o mesam-ma nde, manuu hataholi daebafak-ka manatee-tenon-na do?

AMSAL 14:10

Namahokok ma dale he'dik-ka, nanape'dak nai dalek-ka dalek; de hataholi fe'ek, ta hapu name'da nita fan.

AMSAL 20:27

Hataholi daebafak-ka dale bobongoanan-na, nalupa mangale'dok neme Manetualain mai, fo nasalaa-na, basa dalen-na lala'en-na,

AMSAL 20:5

Hataholi-a dale bobongoanan-na, sama leo oedolu madema; tehu, hataholi dudu'a manadaik-ka, ta bisa hela oen-na fa.

YEREMIA 17:9

Hataholi daebafak-ka dalen-na ta hapu neuk mala fan, malelahik lena basa hata-hata lala'en-na ma he'di-laun matuina nanseli.

1 KORINTUS 12:8

Dula Dalek ndia fe be'ibalakaik neu hataholi esa fo ana kokolak ninik heohak. Neu fe'e kala soona, Dula Dalek fo sama ndia, ana fen be'ibalakaik fo lafa'da mangalele'do see Manetualain ndia.

1 KORINTUS 2:10

Dede'ak ndia, Manetualain nafa'da basan neu ita, ninik Dula Dale na nakalala'o na. Manetualain Dula Dalen ndia nde bubuluk basa hata lala'ena, losa neu Manetualain dale tutu'un fo nananafuninisa ka boe.