1 KORINTUS 2:10 - Susula Malalaok Hehelu Palak Ma Hehelu Beuk

¹⁰ Dede'ak ndia, Manetualain nafa'da basan neu ita, ninik Dula Dale na nakalala'o na. Manetualain Dula Dalen ndia nde bubuluk basa hata lala'ena, losa neu Manetualain dale tutu'un fo nananafuninisa ka boe.

1 KORINTUS 2:10 ပူးပေါင်းရင်းမြစ်များ

AYUB 12:22

Ana fe mangale'dok neu, mamana manamama'uk-kala; Ana tao nangale'do salaok nggeoina.

YESAYA 48:16

Mai deka mo Au, fo mamanene leon, neme makahulun-na mai, Au kokolak no le'do-le'dok; ma Au tao Au hala-kokolang, da'di nananitak tataas esa.” Besak ia Manetualain nadenu au, de Ana fe koasan-na neu au.

YESAYA 59:21

Au tao hehelu-balataak o emi ae: Au fe emi, Au koasang-nga, ma Au nanoling-nga, losa dodoon-na. Manolin neu emi anam-mala, fo ela sila boeo, hapu lanolin neu sila tititi-nonosin, mulai besak ia, losa dodoon-na.”

DANIAL 2:22

Ndia nde nafa'da bibila-babaak mademaina. Ndia bubuluk basa hata lala'en fo ana da'di nai makahatuk dale. Mandela-masa'an-na poti-nan.

AMOS 3:7

Manetualain Fo Mademaina, metema beita nafa'da dale tutu'un-na neu basa nabi la, fo atan-nala fa soona, Ana beita tao hata esa boen.

MATEOS 13:11

Boema Yesus nataa nae, “Nana Manetualain fe basa emi baba'e-babati malole, soaneu emi malelak bibila-babaak la'eneu tao leo beek fo Manetualain paleta, tehu sila soona ta.

MATEOS 16:17

Boema Yesus naen nae, “O maua-manale manseli Simon, fo Yona anan! Nana hataholi daebafak ta nde nafa'da dede'ak ndia neu o fa, tehu Au Amang manai nusa so'da ka.

LUKAS 10:21

Bei nai faik ndia boe, Yesus namahoko hu ka nde Manetualain Dula Dale na koasa nan. Yesus nae, “Ama, Manetualain fo mana koasa lalai ma daebafa ka! Au oke makasi neu O, hu ka nde basa sila la O bibila-babaas neme hataholi malela kala ma malelaina la, tehu O matu'dus neu hataholi manasakola ta kala. Ndia nde nandaa no Ama dale ma.

LUKAS 2:26

ma Manetualain Dula Dale na nafa'da basan nae, ana beita mate fa, metema beita nita Mane Mana Fe So'dak fo Manetualain helu ka.

YOHANIS 14:26

Tehu Manetualain Dula Dalen Fo Mana Tulu-Fali ndia, neukose Ama ka nadenun ana mai no Au na'de nga, fo Ndia nde, neukose nanoli emi basa hata lala'ena, boema Ana fe emi nafandendelek soaneu basa hata fo Au afa'dan neu emi so.

YOHANIS 16:13

Tehu metema Dula Dalek fo manamafa'da ndoos soaneu Manetualai na, ana mai soona, neukose Ana hela nole emi, fo emi malelak basa eno ndoos lala'ena. Neukose Ana ta nafa'da seluk aoina na nde ndia fa, tehu nafa'da hata fo namanenen, boema neukose nafa'da emi, hata fo neukose ana da'di nai fai makabuin.

1 KORINTUS 14:30

Tehu metema, leo uni ka halak maneme Manetualai na mai neu hataholi fe'ek esa fo nangatuuk nai nakabubuak ndia dalek, soona hataholi manakokola ka, muse ana hahae kokolak.

1 KORINTUS 2:11

Nana manabubuluk hataholi esa dale na, nde bee na hataholi ndia dula dale na mesa kana hetu? Leondiak boe, la'eneu Manetualain. Fo Mana bubuluk Manetualain dale na, ka'da Manetualain Dula Dalen ndia mesa kana!

GALATIA 1:12

Boema au ta sipo halak ndia neme hataholi daebafa ka mai fa, ma hataholi ta nanoli-nafa'da au boen. Te Yesus Kristus nde nafa'da Hala Malole ndia isi-liin neu au a.

EFESUS 3:3

Manetualain soi heni dale tutu'u nafuni na de nafa'dan neu au so. (La'eneu dede'ak ndia, au sulak basan nai lain no keke'uk de,

EFESUS 3:5

Makahulu na Lamatua ka beita nafa'da nita dede'a nafunik ndia neu hataholi fa, tehu besak ia, Manetualain Dula Dale na nafa'dan neu Lamatua ka hataholi nadedenu nala lo nabi nala so.

1 TIMOTIUS 4:1

Manetualain Dula Dale na nafa'da no mangale dok nae, nai fai-fai mana mai ka te, hataholi nggelok fali deak fo lalelesi Kristus. Neukose ala tunga dula dale manga lau kala nanoli nala,

1 PETRUS 1:12

Manetualain nafa'da nabi sila la nae, hata fo sila tao-no'in ndia, ta soaneu sila paluu na fa, tehu soaneu emi paluu ma; fo nde basa dede'ak fo besak ia emi mamanenen no mangale'dok neme manatui-benga Hala Malole la'eneu Yesus Kristu sa. Hataholi sila, ala tui-benga dede'ak sila la neu emi, ninik Manetualain Dula Dale na koasa na, fo Ana haituan neme nusa so'da ka mai. Lena-lenak ata nusa so'da kala boeo, ala lahiik bubuluk halak fo hataholi sila la tui-bengak ndia.

1 YOHANIS 2:20

Tehu Yesus Kristus fe Manetualain Dula Dale na neu emi so. Hu ndia de emi malelak nanoli ndo sa.

1 YOHANIS 2:27

Tehu la'eneu emi soona, Kristus fe basa Dula Dale na neu emi so. Boema metema Dula Dalek ndia bei nahele nai emi dalem dale soona, ta paluu hataholi nanoli emi so'on. Nana Dula Dalek ndia nanoli emi, la'eneu basa hata lala'ena; boema ta hapu masapepeko-masandandalik nai nanolin sila la dalek fa. Hu ndia de ela leo been-na, emi tunga Dula Dale ka nanolin sila la, ma ela leo been-na emi maso'da tataas esa mo Kristus.

NINITAK 1:1

Susulak ia isi na la'eneu hata fo Yesus Kristus nafa'dan la'eneu basa manda'dik fo neukose ala dadi. Manetualain nafa'da Kristus fo ela natu'dun Manetualain ata nala hata fo no lai-laik muse ana dadi. Kristus nadenu ata nusa so'da na neu leo Yohanis fo ata na fo nafa'dan manda'dik sila la.

NINITAK 2:24

Tehu emi hataholim nggelok nai Tiatira ta tunga nanoli mangalauk ndia ma ta lanoli Nitu a malela matuaina nala fa. Au afa'da ae, neukose Au ta fe seluk emi lelepa mabela so'on.