1 KORINTUS 16:6 - Susula Malalaok Hehelu Palak Ma Hehelu Beuk

⁶ Bole da'di, neukose au leo dodoo faa o emi, fafa'kama nai fai delapena nitabunan ia dale na. Basa ndia soona, emi hapu tulu-fali au, fo au akandoo leo mamana fe'ek u.

1 KORINTUS 16:6 ပူးပေါင်းရင်းမြစ်များ

HATAHOLI 15:3

Hataholi salanik Antiokia la los losa kota deak boema, ala la'ok tunga Fenisia ma Samaria. Nai naa ala tuis, tao leo beek de hataholi ta Yahudi la fe so'da nala leo Manetualain neu. Halak ndia tao na hataholi kamahehelek manai sila la, lamahoko lanseli

HATAHOLI 17:15

Lo Paulus losa Atena boema, tolanook sila la fali leo Berea leu. Paulus helus fo leu soona, lafa'da Silas no Timotius fo no lai-laik, duas leu tunga Paulus nai Atena.

HATAHOLI 20:38

Ala susa lanseli, nana Paulus nafa'da nae, neukose ta lita Paulus so'on. Basa boema lafuli lo Paulus losa ofak lain.

HATAHOLI 21:5

Tehu fai na losa fo ami la'o meme ndia mai so, boema ami la'oelas de ami la'ok makandoo leona. Basa-basas lo saoana nala lafuli lo ami losa kota deak. Ami losa tasi su'u na boema, ami basa-basa mala senek de ami hule-haladoi.

HATAHOLI 27:12

Namo see-seek ndia metema oe faak soona, memak ta malole ba'eneu ofak manaseek lai ndia fa. Hu ndia de, ofa isi la ba'u na ala nau ofa ka la'oela namo see-seek ndia, nana ala nau sanga enok fo ala losa Feniks fo ala leo leme ndia nai oe faak ndia dale na. Feniks ia nde bee soona namo see-seek esa nai pulu Kreta, fo nasale leo muli konak ma muli kiik neu.

HATAHOLI 28:11

Ami leo bulak telu dale na neme pulu ndia, boema ami sa'e ofak esa neme Aleksandria mai, fo ofak ndia ana see nai pulu ndia neme oefaa ka mai ndia so. Ofak ndia ana pake ta'du esa na'de, “Nitu Lalais Takalapak Kastor ma Poluks.”

ROMA 15:24

Mahani te metema au la'ola'di emi kota ma nai au leleo-lala'ong leo Spanyol u soona, au amahena au hapu atongo o emi, fo amahoko dodooana fa o emi. Basa ndia soona, au amahena emi tulu-fali au nai au leleo-lala'ong leo Spanyol u.

1 KORINTUS 16:11

Boso nalosak hapu nggelok lakaloloe-lakadadae kana. Tulu-falin, fo ela ana la'ok nakandoo leleo-lala'on fo ana fali ma'in leo au mai no so'dak, nana au ahanin ana mai no tolanoo fe'e kala.

2 KORINTUS 1:16

Au dudu'a ae donge-dama emi nai au leleo-lala'ong leo Makedonia u, fo au tuli seluk emi nai au leleo-lala'o fafali ma'i nga dalek, fo ela emi tulu-fali au fo au akandoo leo Yudea u.

TITUS 3:12

Au adenu Artemas do Tikhikus le'i de, ala losa tutika sanga enok lai-lai leona, fo mai matongo moo au nai Nikopolis, nana au dodoo ae, oefaak ia dale na, au sanga u leo nai na.