1 KORINTUS 15:34 - Susula Malalaok Hehelu Palak Ma Hehelu Beuk

³⁴ Besak ia, mame'dak leona, fo boso boe tao sala-singok bai. Ndandaa na emi muse bii-mae, nana nai emi dalek, hapu nggelok beita lalelak Manetualain fa.

1 KORINTUS 15:34 ပူးပေါင်းရင်းမြစ်များ

MAZMUR 119:11

Au pe'da O nanolim-ma, nai au daleng dale, fo ela au boso asala-asingo neu O.

MAZMUR 4:4

Bubuluk leona, te Manetualain hele basa, ba'eneu aoinan-na, hataholi esa fo, Ana sue-lain so. Manetualain namanene metema, au aloo bou-bou neun.

YEREMIA 9:3

ma laheheleaon tataas esa, fo lasapepeko-lasandandali. Ndoos-sa ta koasan-nai nusak-ka lala'en-na fa, nakalenak puta-paik feo nusak-ka. Manetualain nafa'da nae, “Au anang-ngala, ta hahae tao tatao-nono'i mangalauk fa, Ala ta manaku Au, da'di leo sila Manetualain fa.”

YOEL 1:5

Hai basa manamafuk-kala lemin, fo'a leona! Hai maninuk-kala lemin, kii leona! Nana angol beuk-ka ala loso-lan neme o bafam-ma mai so.

YUNUS 1:6

Nai lelek ofak ndia manaho'u ulin-na kona leo ofak-ka teioen dale neu boema, nita Yunus nai ndia, te ana bei sungu. Boema nae, “Hapu nai bee, o bisa sungu nai ani sangu leo ia-ka! Wei, fo'a! Fo hule-haladoi neu o lamatua daebafam-ma, fo moke tutulu-fafalik. See bubuluk, fafa'kama dalen-na tu'da neu ita, fo ita ta mopo-mate fa.”

MATEOS 22:29

Boema Yesus nataa nae, “Emi sala manseli, nanahu emi ta malelak Susula Malalao ka isi liin, ma Manetualain koasa na fa.

YOHANIS 5:14

Basa ndia boema, Yesus natongo no hataholi ndia neme Manetualain Uman dale, boema nafa'dan nae, “Besak ia o hai so. De boso boe tao sala-singok seluk bai, fo ela o boso boe hapu he'di mangalauk, lenaheni ia bai.”

YOHANIS 8:11

Boema ina ka nae, “Ta, Ama,” Boema Yesus nafa'dan nae, “Naa, malole so, Au boeo ta huku o boen. Besak ia, fali mu'u ma leona, fo boso boe tao sala-singok seluk bai.”]

HATAHOLI 26:8

Tao le'e de tolano-tolanook Yahudi la ta nau lamahele Manetualain tao naso'da falik hataholi mana mate kala fa?

ROMA 1:28

Tunga hataholi daebafa ka dale nameme'da na soona, ana ta paluu nalelak Manetualain fa. Hu ndia de, Manetualain po'ilotak dudu'a-aafi nala nalutus, fo ela ala tao-no'i tatao-nono'ik fo tunga ndo na, ala ta bole tao-no'i fan.

ROMA 13:11

Fe'ek neme ndia mai, emi bubuluk mae, faik ia nde bee na faik soaneu emi fo'a meme emi susungu ma dalek mai. Nana fai na losa soaneu ita nanasoi-tefa ka, besak ia ana deka neme lelek fo besa ka ita mulai tamahele a.

1 KORINTUS 4:14

Au sulak fe emi susulak ia fo au ta akamamaek emi ia fa, te suekande au anoli-afa'da emi, sama leo au ana bonging.

1 KORINTUS 6:5

Mamaek nanseli! Tao leo bee o nai emi dalek hapu hataholi esa manatee teno na dai soaneu naketu-nala'di nale'a-napilik nai tolano-tolanook fo hataholi Salanik mesa-mesan.

1 KORINTUS 8:7

Leomae leondiak boe, ta basa hataholi la lalelak dede'ak ndia fa. Sila fo makahulu na ala sene-do'ok neu sosongo-tatango ka, besak ia bei lame'da lae, nana'ak fo nanafe basak neu sosongo-tatango ka nde bee na nana'a sosongo-tatangok. Soona metema la'a nana'ak ndia soona, lame'da lae sila lasala-lasingo. Dede'ak ndia ana da'di hu ka nde namahehele nala beita latea-lahele fa.

EFESUS 5:14

Nana basa hata fo nananitak no mangale'dok, nde bee na mangale'dok. Hu ndia de, nananafa'dak nae, “Fo'a leona, hei o fo mana sungu ka, ma fo'a falik meme mamate sa mai! Neukose Kristus nandela-nasa'a na o.”

1 TESALONIKA 4:5

Boso tunga ka'da emi dale hihii ma, fo makaseti saoina ma tunga ka'da emi nasa sasaok mana masuu ma, nana hataholi fo ta nalalelak Manetualai na, tatao-nono'in leondiak.