1 KORINTUS 15:17 - Susula Malalaok Hehelu Palak Ma Hehelu Beuk

¹⁷ Ma metema Kristus ta nanatao naso'da falik neme mamate sa mai fa soona, emi namahehele ma sosoa-ndandaan ta; dede'ak ndia sosoa na nae, emi bei maso'da nai ha'da-tatao masala-masingo ka dalek, ma emi ta manuu namahehenak makandondook fa.

1 KORINTUS 15:17 ပူးပေါင်းရင်းမြစ်များ

YESKIAL 33:10

Manetualain nafa'da au nae, “Hai hataholi daebafak fo, manasapu-manalalok-konei, mafa'da leoina Israel-la mae, ‘Emi mafa'da mae leo ia: Ami lu'a-lepa aom, ami la'olenam, ma ami sala-singom-mala, hu ndia de, ami makalulutuk. Tao leo beek fo, ami hapu maso'da mahele?’

HATAHOLI 5:31

Boema Manetualain fen nangatutuu madema ma koasa matuaina da'dileo Mauli-Malangan ma Mana Soi-Tefa, fo ela hataholi Israe la hapu loak soaneu ala tukatei-saledale leme sala-singo nala mai, fo ala hapu do'o do ampon.

ROMA 4:25

Yesus ndia nanafe henik soaneu nanataonisak nanahu ita sala-singo nala; boema Manetualain tao naso'da fali kana, soaneu Ana soi enok fe ita malole falik to Manetualain.

ROMA 5:10

Nai lelek fo ita musu to Manetualai na, Kristus mamate na nini mole-dame fe ita to Manetualain, nakalenak bai, besak ia ita to Manetualain da'di esa so, de tao leo beeo Ana fe ita so'dak tunga Kristus so'da na boe.

1 KORINTUS 15:14

Ma metema leo uni ka, Kristus ta nanatao naso'da falik neme mamate sa mai fa soona, palsuma la'iesa kana ami tui-benga hata-hata, ma palsuma la'iesa kana emi mamahehele boe, nana emi namahehelem ndia ta nanuu netes hata-hata fa.

1 KORINTUS 15:16

Nana metema hataholi manamate kala, ta nanatao naso'da falik neme mamate sa mai fa soona, Kristus boeo ta nanatao naso'da falik neme mamate sa mai fa.

1 KORINTUS 15:2

Metema emi ho'u mahehele hata fo au tui-bengak ndia soona, Hala Malole ndia soi-tefa na emi, ta'da fe'e metema emi mamahele ta no malelak fa.

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

1 PETRUS 1:3

Mai fo toke makasi neu Amak Manetualain, ma ita Lamatuan Yesus Kristus! Ana sue-lai na ita ba'una seli, hu ndia de, Ana fe ita so'da beuk ninik Ana tao naso'da falik Yesus Kristus neme mamate sa mai. Dede'ak ia, nini fe ita namahehena matea-mahelek.