1 KORINTUS 14:2 - Susula Malalaok Hehelu Palak Ma Hehelu Beuk

² Hataholi manakokolak nalelak dede'a matabeu ka, hataholi ndia ana ta kokolak soaneu hataholi daebafak fa; te ana kokolak soaneu Manetualain. Ta hapu hataholi fo nalelak hata fo ana kokola kana fa, nana Manetualain Dula Dale na nde tao nan ana kokolak dede'ak fo ka'da Manetualain mesa kana nde bubulu kana.

1 KORINTUS 14:2 ပူးပေါင်းရင်းမြစ်များ

KEJADIAN 11:7

Malole lenak, Ata kona teu, fo sese'do-babalik dede'an-nala, fo ela esa ta nalelak esa dede'an-na so'on.”

KEJADIAN 42:23

Yusuf nalak sila dede'an-na, tehu ala ta bubuluk fa, de ala kokolak loo Yusuf soona, ala pake hataholi manasalin dede'ak esa.

2RAJA-RAJA 18:26

Boema Elyakim, Sebna, ma Yoah lafa'da malanga solda'du manai lain ndia lae, “Tuan, kokolak mo ami, nenik ka'da dede'ak Aram, fo ami malelak-kana. Boso pake dede'a Ibrani, te neukose laun manai papala nanadamaak ndia lain, lalelak-kana.”

MAZMUR 78:2

Au nau kokolak dede'a lasik ma nakandandaak, ma au afa'da mangalele'do, neneuk tepo lelek makahulun-na,

MATEOS 13:11

Boema Yesus nataa nae, “Nana Manetualain fe basa emi baba'e-babati malole, soaneu emi malelak bibila-babaak la'eneu tao leo beek fo Manetualain paleta, tehu sila soona ta.

MARKUS 16:17

Fo ana da'di buti esa nae, sila lamahele soona neukose ala usiheni dula dale mangalau kala ninik Au na'de nga. Neukose ala kokolak lalelak dede'ak fo ala ta lalela kana fa.

MARKUS 4:11

Boema Yesus nafa'das nae, Manetualain fe basa emi baba'e-babati malole fo ela emi bubuluk bibila babaak la'eneu “Manetualain paleta tao leo beek. Tehu nanoli hataholi dea kala soona, Ana pake nakandandaak,

HATAHOLI 10:46

Nana lamanene hataholi sila la kokolak linik dede'a mata-mata kala, ma ala koa-kio Manetualain matua-mademan. Boema Petrus nae,

HATAHOLI 19:6

Nai lelek fo Paulus lalaa lima na neu hataholi sila la langan lain boema, Manetualain Dula Dale na koasa na hataholi sila la, de ala kokolak lalelak dede'a mata beuk, ma ala tui-benga Manetualain dede'a-kokolan.

HATAHOLI 22:9

Hataholi mana la'ok sama-sama lo au a, lita mangale'dok ndia boe, tehu ta lamanene halak mana kokolak no au ndia fa.

ROMA 16:25

Kokoa-kikiok neu Manetualain! Nanuu koasa fo natetea-nahehele emi namahehele ma, nandaa no Manetualain Hala Malolen fo au tui-bengan la'eneu Yesus Kristus. Au tui-benga halak ndia nandaa no hata fo Manetualain nafa'da ka: fo nde la'eneu Manetualain dale tutu'un fo teu netek eli la, hataholi a beita bubulu kana fa.

1 KORINTUS 12:10

Dula Dalek ndia ana fe koasa neu hataholi esa fo ana tao manda'di beuk, ma neu nggelok soona, ana fes baba'e-babatik fo lafa'da Manetualain dale tutu'u nala. Neu nggelok seluk bai soona, Dula Dalek ndia fes be'ibalakaik fo lafa'da lalelak baba'e-babati bee ka nde neme Manetualain Dula Dale na mai, ma bee ka nde ta. Ana fe nggelok be'ibalakaik fo ala kokolak linik dede'a matabeu mata-mata kala, ma ana fe nggelok be'ibalakaik fo lafa'da mangalele'do dede'ak sila la sosoa-ndandaan.

1 KORINTUS 12:28

Leondiak boe nai salani ka dalek, Manetualain naketu basa mamanak soaneu hataholi mata-mata kala; Makasososa na hataholi nadedenu kala; kadua, nabi la, katelu, mese nala, boema sila fo manatao manda'di beu kala, basa boema sila fo nanafe baba'e-babatik soaneu lakahahaik hataholi, do soaneu tulu-fali hataholi fe'ek, do soaneu nauli-nalanga, do soaneu kokolak linik dede'a matabeu mata-mata kala.

1 KORINTUS 13:1

Leomae au kokolak alelak hataholi daebafak mata-mata kala dede'a na, lena-lenak au kokolak alelak ata nusa so'da kala dede'a na boe, tehu metema au ta sue-lai hataholi fe'ek fa soona, au sama na leo tong lou ka fo lii na ba'u na seli.

1 KORINTUS 13:2

Leomae au tui-benga alelak Manetualain dede'a-kokolan ma au alelak basa dede'a nanabibila-babaa kala, ma au bubuluk basa hata lala'ena, boema au amahele anseli neu Manetualain, nalosa au adenu lete kala fo ala keko, tehu au ta sue-lai hataholi fe'ek fa soona, basa sila la sosoa-ndandaan ta.

1 KORINTUS 14:16

Nana metema emi moke makasi neu Manetualain, ninik emi dula dale ma mesa kana, ma hapu hataholi fe'ek fo ta nalelak dede'a matabeuk fo maneme Manetualain Dula Dale na mai ndia fa soona, hataholi ndia ta hapu nafa'da nae, “Amin”, neu o huhule-haladoi makasim ndia, nana ana ta bubuluk hata fo emi mafa'da ka fa.

1 KORINTUS 14:26

Da'di tolano-tolanoo ngala lemin! Basa sila la sosoa-ndandaan beek? Metema emi makabubua fo sene-do'ok neu Lamatua ka soona, nggelok lakamee, nggelok fe nanolik, nggelok tui-benga hata esa neme Manetualain mai, nggelok kokolak nai dede'a matabeu kala dalek, ma nggelok lafa'da mangalele'do sosoa-ndandaan. Tehu basa sila la muse tao-no'in soaneu lanoli ma soaneu sila basa-basas malole na.

1 KORINTUS 15:51

Taoafik neu dede'a bibila-babaak ia: Neukose ita basa-basa tala ta mate fa, tehu ita basa-basa tala neukose nanatao nasafalik.

1 KORINTUS 2:10

Dede'ak ndia, Manetualain nafa'da basan neu ita, ninik Dula Dale na nakalala'o na. Manetualain Dula Dalen ndia nde bubuluk basa hata lala'ena, losa neu Manetualain dale tutu'un fo nananafuninisa ka boe.

1 KORINTUS 2:7

Manatee tenok fo au kokolak ndia, nde manatee tenok fo maneme Manetualain mai a. Manatee tenok ndia, hataholi daebafa ka beita nalela kana fa, tehu Manetualain sadia basan soaneu ita mandela-masa'an nai lelek daebafak ia beita nananakadada'dik fa.

EFESUS 6:19

Ma hule-haladoi soaneu au boe, fo ela nai lelek fo au kokolak soona, Manetualain fe au dede'a-kokola ka, nandaa. Fo ela au apalani afa'da Hala Malole ndia, dede'a nafufuni nala.

ULANGAN 28:49

Neukose, Manetualain nadenu leoina esa, ana mai neme daebafak-ka pe'dan-na mai, fo ana la'ban emi, tehu emi ta malelak dede'an-na fa. Neukose, ala la'u leni emi, sama leo manupui kaka'ka, ana la'u neni manuana.

KOLOSE 2:2

Au tao basa sila la, fo ela sila dale nala latea-lahele ma lasue-lalai ao nalosa tututi-nanato nala latea-lahele. No enok ndia, sila lalelak te'e-te'e ma lamahele boema ala bubuluk Manetualain dede'a nafufuni na, fo nde Kristus.

1 TIMOTIUS 3:16

Ta hapu hataholi esa boen, hapu nalelesi nae, basa nanolik fo Manetualain natu'du kala nde bee na, tete'e ka: Natu'du ao ina na, sama leo hataholi daebafa ka. Manetualain Dula Dale na nafa'da nae, ndoos, boema basa ata nusa so'da kala litan. Tutui na, nanatui-bengak nai basa nggileo-bobongi kala tala'da, boema basa daebafa ka lamahelen, ma nanaso'uk leo nusa so'da ka neu.

1 TIMOTIUS 3:9

Muse ala ho'u lahele, hataholi salani ka namahehelen fo Manetualain nanoli kala, no dale matetuk.

NINITAK 10:7

Tehu metema ata nusa so'da kahitu puu pupuu na soona, neukose Manetualain nakalala'ok dale tutu'un nanabibila-babaa na, sama leo Ana tui-benga basan neu ata-ata nala, fo nde basa nabi la.