1 KORINTUS 14:12 - Susula Malalaok Hehelu Palak Ma Hehelu Beuk

¹² La'eneu emi soona, au bubuluk emi mahiik manseli hapu baba'e-babatik neme Manetualain Dula Dale na mai. Tehu paluu makasososak nanseli a nde, emi muse sanga enok, fo pake emi be'ibalakaim soaneu hela-nole hataholi kamahehele kala fo ala fo'a.

1 KORINTUS 14:12 ပူးပေါင်းရင်းမြစ်များ

ROMA 14:19

Hu ndia de, ita dale dudu'a na muse nai ka'da nai mole-dame a dalek tataas esa, ma esa nafofo'a esa namahehele na.

1 KORINTUS 12:31

Hu ndia de, ela leo bee na emi sanga enok te'e-te'e, fo ela emi hapu baba'e-babati matuaina. Tehu manamaik ia soona, neukose au atu'du emi, enok esa malole na seli.

1 KORINTUS 12:7

Soaneu ita basa-basa tala malole na, de Manetualain Dula Dale na tao-no'i mesa-mesa kana nai hataholi a esa-esak dalek.

1 KORINTUS 14:1

Ela leo bee na emi sanga enok fo sue-lai hataholi fe'ek. Ma sanga enok boe, soaneu sipo baba'e-babatik fo Manetualain Dula Dale na fe kala, fo paluu nanseli a nde, be'ibalakaik soaneu tui-benga Manetualain dale tutu'u na neu hataholi daebafa ka.

1 KORINTUS 14:13

Hu ndia de, hataholi manakokolak nalelak dede'a matabeu ka, muse ana dokodoe neu Manetualain fo ela Manetualain fen be'ibalakaik soaneu nafa'da mangalele'do hata fo ana kokolak ndia.

1 KORINTUS 14:26

Da'di tolano-tolanoo ngala lemin! Basa sila la sosoa-ndandaan beek? Metema emi makabubua fo sene-do'ok neu Lamatua ka soona, nggelok lakamee, nggelok fe nanolik, nggelok tui-benga hata esa neme Manetualain mai, nggelok kokolak nai dede'a matabeu kala dalek, ma nggelok lafa'da mangalele'do sosoa-ndandaan. Tehu basa sila la muse tao-no'in soaneu lanoli ma soaneu sila basa-basas malole na.

1 KORINTUS 14:5

Malole na seli, metema emi basa-basa mala hapu kokolak malelak dede'a matabeu mata-mata kala. Tehu malole ba'u ka nde metema emi hapu tui-benga Manetualain dale tutu'u na. Nana hataholi manatui-benga Manetualain dede'a-kokola na, hataholi ndia ba'ulena hataholi manakokolak nalelak dede'a matabeu mata-mata kala; dede'a na fe'ek bai, metema hataholi manakokolak nalelak dede'a matabeu mata-matak ndia, hapu nafa'da mangalele'do hata fo ana kokola kana ndia, fo ela basa hataholi kamahehele kala lalelak sosoa-ndandaan.

TITUS 2:14

Ana tunu-hotu basa ao ina na soaneu ita, ma Ana se'i-po'i ita teme mangalauk lala'ena mai, fo Ana tao ita da'di Ndia hataholi kamahehele malalao-malalafuk ma mana manggate tao tatao-nono'i malole.