1 KORINTUS 13:5 - Susula Malalaok Hehelu Palak Ma Hehelu Beuk

⁵ Ana ta namatutua-namadedema ao na, ta laka-nakaseti hataholi fe'ek fo tunga hihii-nanaun fa, ta namanasa lai-lai, ma ta nape'da dalek boen.

1 KORINTUS 13:5 ပူးပေါင်းရင်းမြစ်များ

2 SEMUEL 10:3

Lelek ala losa Amon boema, nusak ndia, mauli-malangan-nala lafa'da Hanun lae, “Ama Manek boso dodoo-dudu'a mae Dauk nadenu hataholi sila-la ala mai, hu ka nde ana nau fe ha'da-holomata neu Ama Manek aman! Te nadenu hataholi sila-la, ala mai leo ia mai, fo ala da'di manamakuk soaneu ala palisak lutu-lutuk nusak ia, fo ela bisa nangatuu-nan.”

AYUB 21:27

Memak, au bubuluk hata fo emi dudu'a-dodoon, ma emi tutu'u basa eno mangalauk lala'en-na.

AMSAL 14:17

Hataholi fo ana hii namanasa, ana ho'i nakeketu nggoak; tehu hataholi manatee-tenok-ka, ana ta haelai namanasa fa.

YESAYA 3:5

Neukose hataholi-la, esa tuni-ndeni esa. Hataholi muli-soluk-kala ta nau lamanene lasik-kala, ma ni'iana-la ta nau lamanene hataholi matua-la fa.

YEREMIA 11:19

Au sama leo bi'i lopo-a fo ta pake dudu'a-dodok so'on, te nenin leo mamana dodo'dok-ka neu. Au ta bubuluk fa te, au nde da'di sila dudu'a-aafi mangalaun-na isin-na. Sila lafa'da lae, “Mai fo ata lo'o heni ai ia, beidai ana bei nabuna-naboa ia; Ita tao tamate-tamopon fo ela hataholi lasanggango heni na'den-na.”

BILANGAN 12:3

Musa nde been-na, hataholi esa, dale nakaloe nakadae aok nanseli, lena heni basa hataholi manai daebafak ia lala'en-na.

BILANGAN 16:15

Musa namanasa nanseli, de nafa'da Manetualain nae, “Manetualain, Boso sipok sila tutunu-hohotun. Beita la'iesa boen, fo au tao akatutu'dak sila hataholin esa boen; lena-lenak, beita la'iesa boen, fo au ho'i-a sila keledein esa boen.”

BILANGAN 32:6

Boema Musa nataa nae, “Masa bole, emi nau leo maele meme ia, te se'kona hataholi, fo emi leoina esa, leu latee-latati?

MATEOS 5:22

Tehu besak ia, Au afa'da neu emi te, ba'eneu see fo namanasa hataholi fe'ek soona, neukose ana hapu huhukuk nai Mana Maketu Mala'di Agama Matua matan. Ma ba'eneu see naseo hataholi nae, ‘Nggoak’ soona, hataholi ndia nandaa tapan leo tasi ha'ik dale neu.

MATEOS 9:4

Yesus bubuluk mesen sila la dale nala, de nafa'das nae, “Te tao le'e de emi mape'da dudu'a-aafi mangalauk leondia ka?

MARKUS 3:5

Yesus mete leo boboa-kaisun neu no nasak, tehu Ana dale he'di boe, nanahu ala langabatu lanseli. Boema nafa'da hataholi lima mate seselik ndia nae, “Lok o lima ma.” Hataholi ndia lok lima na boema, lima na hai.

LUKAS 7:39

Lelek hataholi Farisi fo mana ka'i Yesu sa nita dede'ak ndia, boema ana dodoo nai dalen dale nae, “Leo uni ka hataholi ia nabi soona, tao leo bee o Ana bubuluk, see inak fo mana koila'e nana, ma nae inak ndia naso'da nai sala-singo ka dalek!”

1 KORINTUS 10:24

Hataholi esa boen boso tunga sanga soaneu ka'da ndia paluu na mesa kana. Hataholi a muse ana tunga sanga soaneu hataholi fe'ek paluu na boe.

1 KORINTUS 10:33

Maso'da sama leo au leona. Au sanga enok, fo au tao amahoko basa hataholi lala'ena dale na, nai basa hata lala'ena dalek, ta no dudu'ak soaneu aoina ka paluu na mesa kana. Au dale tutu'u nga nde bee na ka'da, fo ela sila nanasoi-tefak.

1 KORINTUS 11:18

Makasososa na au amanene lae, nai emi natotongo ma dalek, hapu bubua-bubua kala laseikosalak. De tunga au dale dodoo nga, hala tutuik sila la, ba'u na tete'e ka.

1 KORINTUS 12:25

No enok ndia, aok ndia ta nanababa'ek ma nanatao kofe'ek fa; tehu ao ka lima-ein fo manakofe'ek sila la esa tulu-fali esa. Lima ei kala esa muse taoafik neu esa.

1 KORINTUS 7:36

Metema hataholi esa name'da nana, ana tao tatao-nono'i ta kandaak soaneu tonanga na, fo metema ana ta nakatatakak na dale na de ana dodoo nana, ana muse sao anafe'oanak ndia soona, neme na fo ana tao su'di beek, fo ana dodoo nana, malole. Metema ala sao soona, ta nasala-nasingo fa.

2 KORINTUS 5:19

Ami tui-benga mae, no Kristus hehela-nonolen de Manetualain tao na hataholi daebafa ka malole falik lon. Manetualain tao dede'ak ndia ta no ana leke sala-salak fo hataholi daebafa ka taon neu aoina na. Boema Manetualain fe ami be'ibalakaik soaneu tui-benga halak ndia.

GALATIA 5:13

Tolanoo kala nananalo basak, soaneu da'di hataholi ao loak so. Tehu emi boso pake emi ao loam ndia, fo tao makandoo su'di bee ka, fo emi mahiik tao-no'in. Dede'a nasafali na, emi muse masue-malai ao, ma esa nalalau-naoono esa.

FILIPI 2:21

Te basa fe'ek sila la soona, ala ito-ato ka'da sila paluu nala, te ala ta ito-ato Yesus Kristus paluu na fa.

FILIPI 4:8

Mate'e na, tolanoo kala tao mahenu dudu'a-aafi mala ninik dede'a kabelik, fo nandaa nanakoa-kiok, fo nde dede'a ndoos, ha'da-holomata, tunga ka'da ndo na, matetuk, manini suse-lalaik ma malole.

2 TESALONIKA 3:7

Emi nde bubuluk mae, emi muse maso'da sama leo ami. Nai lelek fo ami bei nai emi tala'da, ami ta pela-bale fa.

2 TIMOTIUS 2:10

Hu ndia de au akatatakak, fo au lu'a-lepa basa sila la, soaneu Manetualain hele basa hataholi la paluu na, fo ela hataholi sila la boeo, hapu so'dak fo Manetualain fen tunga Kristus Yesus, ma no matua-mademan fo mana ketu basa ta ka.

2 TIMOTIUS 4:16

Nai lelek fo au uni au dede'a nasala'e makasososa nga, hataholi esa ta no au boen; te basa-basas la'oela au mesa-mesa nga; ela leo bee na, Manetualain ta fe hataholi sila la, salak nai dede'ak ia dalek fa!

YAKOBIS 1:19

Tolano-tolanoo ngala lemin! Taoafik matalolole dede'a ka nde ia: Hataholi a, muse namanene no lai-laik, tehu kokolak koe-koe, ma boso hae lai mamanasa.