1 KORINTUS 13:4 - Susula Malalaok Hehelu Palak Ma Hehelu Beuk

⁴ Hataholi manasue-lai hataholi fe'e ka, ana ta haelai namanasa fa, ma dale malole. Ana ta namanasa hataholi metema hataholi nakalenalena fan, ta manatui dede'a sosoa-ndandaa tak, ta manakoao-ndaeaok fa.

1 KORINTUS 13:4 ပူးပေါင်းရင်းမြစ်များ

KEJADIAN 30:1

Tehu Rahel beita bongi anak boen. Hu ndia de, nape'da dalek no ka'an-na, boema nafa'da Yakob nae, “Fe au bongi anak, te metema ta soona, neukose mate au.”

KEJADIAN 37:11

Yusuf ka'an-nala lape'da dalek neun, tehu aman dodoo nahele me'is ndia.

NEHEMIA 9:17

Ala ta tunga fa, lafandele heni O dale malolem lala'en-na, ma lafandele heni basa O tatao-nono'i manada'di beum-mala. No koao-ndaeaok, ala hele mauli-malangan esa, fo nos leo Masir leu fo da'di ata seluk. Tehu O Manetualain fo nau fe do'o do ampon, hahae naluk, dale malole ma manasue laik. O susue-lalaim, tete'ek-ka ba'un-na seli; O ta la'o ela fas.

MAZMUR 10:5

Hataholi mangalauk-ka, ana hapu buna-boak, nai basa ue-le'din-na dalek; ana ta nalelak, do nalak Manetualain hoholo-lalanen fa ma nakadadaek basa musu noon-nala lala'en-na.

AMSAL 10:12

Nape'da dalek-ka neninin-na, nale'a-napilik; susue-lalaik-ka fe do'o do ampon neu basa salak-kala.

AMSAL 13:10

Namatutua-namadedema aok-ka, ka'da neni nale'a-napilik-ka; tehu hataholi manatee-tenok-ka, ana nau sipo nanolik.

AMSAL 17:14

Mulai nale'a-napilik-ka nde been-na, sama leo soi heni oe enon-na; hu ndia de, nale'a-napilik-ka beita mulai fa te, heok leona.

AMSAL 17:9

Metema o hii hataholi sue-lai o soona, fe do'o do ampon neu salak, fo ala tao-no'in, nafofo'a salak-ka, ka'da tao naketu tia-lai malole-a.

AMSAL 19:22

Ha'da-paliik fo, nananamahenak neme hataholi esa mai-a, nde lilinekan-na. Malole lenak nuu-taa hata-taak, neme da'di hataholi masapepeko-masandandalik.

AMSAL 31:20

Ana ta mali hataholi manato'a-taak-ka fa; dalen-na malole, neu hataholi manapaluu tutulu-fafalik.

AMSAL 31:26

Ana kokolak no dale mangana'uk; dede'a kokolan manatee-tenok.

PENGKHOTBAH 10:4

Metema manakoasa namanasa o soona, boso moke hahae ue-le'dis. Leomae o salam-ma ba'un-na seli boe, metema o dalem-ma tesa-tama ma ta haelai mamanasa fa soona, o hapu ampon.

MATEOS 27:18

Pilatus nae leondia nana ana bubuluk basa, mana koasa Yahudi la lo Yesus leondia neu nana, lape'da dalek lon.

HATAHOLI 7:9

Boema ita amakai nala lape'da dalek lo Yusuf, nalosa lase'ohenin de ana da'di ata neme Masir. Tehu Manetualain no kana,

ROMA 1:29

Basa tatao-nono'i mangalauk, ma sala-singok lala'ena, henu dale nala; dale nala henuk no tenepeta ka, kaboo-kabali ka, ma nakamu-nakadau ka; kanisa ka, natutu-nafepa ka, tipu-dai ka, ma nape'da dale ka. Ala hii ka'da kokolak hataholi,

ROMA 13:13

Ita muse tao tatao-nono'i nanakoa-kiok sama leo mandoofai hataholi a tao-no'in nai fai lele'do na; boso tao feta-dote lena neme dae too mai, do mafuk ala-lalu. Boso sosoa-piao, do matu'du ha'da-tatao ha'da tak. Boso mahote, do mape'da dalek neu hataholi.

1 KORINTUS 3:3

nana emi bei maso'da tunga emi ha'da-tatao daebafa ma. Nana metema emi bei mape'da dalek ma esa nahote no esa soona, ade ndia ta natu'du nae, emi bei maso'da tunga ha'da-tatao hataholi daebafa ka, sama leo hataholi fo ta nalelak Manetualai na fa do?

1 KORINTUS 4:18

Hataholi de'ubee lai emi dalek, ala dadi hataholi manakoao-ndaeaok so, nana laedaenga neukose au ta ne'i donge-dama emi so'on.

1 KORINTUS 4:6

Tolano-tolanoo ngala lemin! Soaneu emi paluu ma, de au fua basa sila la neu Apolos ma neu au aoinang lain. Dede'ak ia tetee-tutu'dan nae, fo ela neme ami nana'dam ndia mai de, emi hapu manoli dede'ak esa nde ia sosoa-ndandaan nae le'e. Dede'ak ndia nae, “Ho'u mahehele neu nakanenete nanatao basa kala”. No enok ndia, nai emi dalek ta hapu esa namatutua-namadedema esa boen, ma nakamumulu-nakamamaek hataholi fe'ek fa.

1 KORINTUS 5:2

Leomae leondiak boe, emi bei koao-ndaeao bai. Tunga ndo na, emi dale ma muse he'di sa, fo kaluaheni hataholi manatao tatao-nono'ik leondia ka neme emi dalek mai.

1 KORINTUS 8:1

Besak ia la'eneu nana'a-nininuk fo ala fen neu sosongo-tatango ka. Memak la'en sama leo hataholi la hala na lae, “Ita basa-basa tala malelak so.” Tehu malela ka ana tao na hataholi a dadi manakoao-ndaeaok, ma susue-lalai ka nakatutuluk hataholi a tao malole.

2 KORINTUS 12:20

Au bibii ka'da mahani te nai lelek au ne'i donge-dama emi te, au hapu a emi ta sama leo hata fo au amahena ka, ma emi boeo hapu ma au ta sama leo hata fo mamahena ka. Boso nalosak neukose hapu nggelok lahote, lape'da dalek, dale nala lamahana beloo, paluu ka'da aoina na mesa kana, esa nakamumulu-nakamamaek esa, esa dudungu-papau esa, koao-ndaeaok, ma tao tasibu.

2 KORINTUS 6:6

No dale malalaok, manatee tenok, ta haelai mamanasa, ma dale malole, ami matu'du mae, ami nde bee na Manetualain atan. Boeo no namahena neu Manetualain Dula Dale na tutulu-fafalin, ma no susue-lalaik fo matetu ka.

GALATIA 5:26

Ita ta bole da'di hataholi mana koao-ndaeaok, ma ta bole esa tao nakahehe'dik esa dale na, boema ta bole esa nape'da dalek no esa fa.

EFESUS 4:2

Ela leo bee na, makaloe-makadae ao mala tataas esa, dale mangana'uk, ma boso haelai mamanasa. Matu'du emi susue-lalaim, ninik esa tulu-fali esa.

EFESUS 4:32

Dede'a nasafali na, ela leo bee na, emi dale ma malole, masue-malai ao, ma esa fe do'o do ampon neu esa, sama leo Manetualain boeo, Ana fe do'o do ampon neu emi, tunga Kristus.

FILIPI 1:15

Memak tete'e ka nai sila dalek, hapu hataholi nggelok ala nau tui benga Kristus, nana nape'da dale ka, ma nale'a napili ka, tehu hataholi nggelok soona, ala nau tui benga Kristus no dale balisi.

KOLOSE 1:11

Ela leo bee na Manetualain koasa matua-madema na, ana tao natea-nahele emi, nalosa emi lu'a-lepa mabe'i doi doso ka, nai basa dede'ak lala'e na dalek, no namahokok ma dudu'a naluk,

KOLOSE 2:18

Boso po'ilotak hataholi fo ta'ko nakaloloe ao na do namahele ata nusa so'da kala, tao nakatutu'dak emi. Te hataholi ndia, ana koao ninik dudu'a-aafi daebafa na boema namatutua-namadedema ao na ninik ninita nala,

KOLOSE 3:12

Tolanoo ka nde bee na. Manetualain hataholi kamahehelen Manetualain Ana sue-lai emi, boema Ana hele emi da'di Ndia nuu hehelein. Hu ndia de, emi muse matu'du susue-lalaik, emi dale ma muse malole, emi manuu dale nakaloloe-nakadae aok, dale mangana'uk, ma makatatakak doidosok.

1 TESALONIKA 5:14

Tolano-tolanoo ngala lemin! Ami moke boe, fo daenga manoli-mafa'da hataholi mana pela-bale kala; matetea-mahehele hataholi mana bii-mamata'u kala; tulu-fali hataholi mana paluu tutulu-fafalik, ma boso haelai mamanasa hataholi.

1 TIMOTIUS 6:4

hataholi mana koaok ndia, boema ta nalelak hata esa boen! Mangalau na nde, ala hii ka'da latuik ma lale'a dede'a manda'di taa kala, fo ninini na nde, nape'da dale ka, nasi'da-naba'e ka, nakamumulu-nakamamae ka, dale ba'ihana ka,

2 TIMOTIUS 2:25

Hataholi ndia, muse nanoli hataholi mana lena-la'ba kala no mangana'uk; fo ela leo bee na, Manetualain fe hataholi sila la, fai loak soaneu ala tuka tei-sale dale leme sala-singo nala mai, fo lalelak nanoli ndo sa.

2 TIMOTIUS 3:10

Tehu o soona, o tunga au nanoli-nafa'dang, au ha'da-tataong, au so'da nga tetee-tutu'dan so. O mita matam, tao leo beek de, au amahele te'e-te'e neu Yesus Kristus, ma au sue-lai nonoo hataholi ka so. O boeo bubuluk basa, au ta hae lai amanasa ma au nakatataka nga so.

2 TIMOTIUS 4:2

ela leo bee na, o tao mamaloa halak fo maneme Manetualai na mai a, ma boso hahae sanga enok, fo ela hataholi la lamanenen, nana hataholi nggelok nau lamanene ma nggelok ta nau lamanene fa. Ela leo bee na mafa'das fo lamahele, mafa'da sala nala, matetea-maheheles. Boso manoli hataholi no nasak.

TITUS 3:3

Nana makahulu na ita bei nggoa kala, ita beitatofa-tatalak, ma ita ta tunga paleta fa. Ita beitaso'da nai nasa melu ka dalek, ma ita beitape'da hihii-nanau mata-mata kala nai ita dalen dale; ita beitape'da dudu'a-aafi mangalauk nai ita dalen dale, ita ta nau hataholi lenak ita boema esa bei nakamuu-nakadau esa.

YAKOBIS 4:5

Boso maedaenga, Susula Malalao ka ta hapu ne'ek soaneu nafa'da nae, “Manetualain pe'da-fua Dula Dalek fo hihii-nanaun balakai na seli ndia, nai ita dalen dale.”

1 PETRUS 2:1

Hu ndia de, tu'u-tapaheni basa emi dudu'a-aafi mangalaum lala'ena; fo boso masapepeko-masandandali, boso dea-dalek, boso mape'da dalek, ma boso makamumulu-makamamaek hataholi fe'ek.

1 PETRUS 3:8

Dede'a keke'u na nae: ela leo bee na emi teik esa-dalek esa ma dudu'a-aafik esa. Ela leo bee na emi masue-malai ao, sama leo tolanoo ka, boema esa tao malole neu esa, ma esa nakaloe-nakadae ao na neu esa.

1 PETRUS 4:8

Lenak neme basa sila lala'ena, ela leo bee na emi masue-malai ao te'e-te'e, nanahu no nasue-nalai ao ka, fo besa ka emi esa fe do'o do ampon neu esa.

2 PETRUS 1:7

Nai emi maso'dam fo tunga Manetualain hihii-nanau na dalek, muse tama selu kana no, emi susue-lalaim neu emi tolanoom fo, namahehelek esa boe. Basa soona, emi susue-lalaim neu emi tolanoom fo namahehelek esa, ela leo bee na, emi tama selu kana ninik, sue-lai basa hataholi lala'e na.

1 YOHANIS 4:11

Tolano susue-lalai ngala lemin! Metema Manetualain sue-lai ita tao leondiak soona, ita boeo muse tasue-talai ao.