1 KORINTUS 13:13 - Susula Malalaok Hehelu Palak Ma Hehelu Beuk

¹³ Da'di soaneu hatematak ia, hapu dede'ak telu fo ita muse tao-no'i taheles fo nde: namahele ka, namahena ka, ma nasue-nalai ao ka. Neme dede'a ka teluk sila la, fo nanapaluu nanseli a nde, sue-lai hataholi fe'ek.

1 KORINTUS 13:13 ပူးပေါင်းရင်းမြစ်များ

MAZMUR 146:5

Maua-manalek ba'eneu hataholi fo, nasalai dean-na neu Amak fo, ndia Manetualain-na, ma neu Yakob Manetualain, da'di leo ndia manatulu-manafalin.

MAZMUR 42:11

Au daleng-nga nakalulutuk, nanahu musu-a hakinonolin-na. Ala latane lakandoo lae, “O Manetualaim-ma, nai bee?”

MAZMUR 43:5

Tao le'e de, au daleng-nga he'dis-sa, ma ta tesa-tama fa? Au amahena neu Manetualain, boema neukose au oke makasi seluk neun, neu au Manetualaing-nga ma au manasoi-manatefang-nga.

LUKAS 10:27

Hataholi ndia nataa nae, “ ‘Sue-lai o Lamatuam Manetualain, ninik o dale katematua ma, ninik basa o samane ma la'iesa kana, ninik basa o be'i-balakaim, ma ninik basa o dudu'a-aafim lala'ena,’ ma ‘Sue-lai o nonoo hataholi ma, sama na leo o sue-lai o aoina ma.’ ”

LUKAS 22:32

Tehu Au hule-haladoi basa soaneu o so Simon, fo ela o namahe le ma boso kou-mosa. Ma metema o fali leo Au mai soona, o muse matetea-mahehele o tolanoo mala.”

ROMA 15:13

Manetualain nde bee na emi mamana namahehena ma. Ela leo bee na Ana tao nahenu emi dale ma ninik basa namahokok ma so'da-molek lala'ena, nanahu emi mamahelen, fo ela no Manetualain Dula Dale na koasa na, emi boetai mamahena neu Manetualain.

1 KORINTUS 14:1

Ela leo bee na emi sanga enok fo sue-lai hataholi fe'ek. Ma sanga enok boe, soaneu sipo baba'e-babatik fo Manetualain Dula Dale na fe kala, fo paluu nanseli a nde, be'ibalakaik soaneu tui-benga Manetualain dale tutu'u na neu hataholi daebafa ka.

1 KORINTUS 16:14

Basa hata fo emi tao-no'i nana, tao-no'in no susue-lalaik.

1 KORINTUS 3:14

Metema hataholi napadedeik uma neu fanderen ndia lain soona, nakatatakak fo ha'i ta na'a fan de neukose hataholi ndia ana sipo ngga'di na.

1 KORINTUS 8:1

Besak ia la'eneu nana'a-nininuk fo ala fen neu sosongo-tatango ka. Memak la'en sama leo hataholi la hala na lae, “Ita basa-basa tala malelak so.” Tehu malela ka ana tao na hataholi a dadi manakoao-ndaeaok, ma susue-lalai ka nakatutuluk hataholi a tao malole.

1 KORINTUS 8:3

Tehu hataholi fo te'e-te'e ana sue-lai Manetualai na, Manetualain nalelak hataholi ndia.

2 KORINTUS 5:10

Nana tao leo bee o, ita basa-basa tala nanakalaak leo Kristus kandela kekee-fufulan mata na teu, fo neukose ita esa-esak hapu babala na, nandaa no tatao-nono'in nai daebafak ia, nau tatao-nono'i malalole do tatao-nono'i mangalauk boe.

2 KORINTUS 5:15

Kristus mate soaneu hataholi lala'ena, fo ela hataholi maso'da ka ana boso naso'da soaneu aoina na mesa kana, tehu soaneu Kristus fo Ana mate de naso'da falik hu ka nde hataholi sila la paluu na.

GALATIA 5:6

Hu ka nde, metema ita da'di esa too Kristus soona, tunga do ta tunga suna ta fa o, ta hata-hata fa. Fo paluu nanseli a, nde ka'da tamahele Kristus, fo dede'ak ndia, nananitak nai ita susue-lalain neu hataholi fe'e ka.

FILIPI 1:9

Au huhule-haladoi nga nde ia, soaneu emi: ela leo bee na, emi boetai sue-lai Manetualain, ma emi nonoo hataholi ma, ma emi malela ma tama nakandoo nai dede'a ndo sa, ma dudu'a-aafi manatee teno ka dalek.

KOLOSE 1:27

Manetualain nau nafa'da salani nala nae, hala nafunin ndia, malole na seli soaneu hataholi daebafa ka lala'e na. Hala nafunik ndia nde: Kristus nai emi dalem dale. Dede'ak ndia sosoa na nae, tao leo bee o, emi mamahoko sama-sama mo Manetualain nai mamana mandela-masa'a na dalek.

KOLOSE 1:5

Emi mamahele ma emi sue-lai, nanahu emi mamahena Manetualain sadia fe emi hata esa nai nusa so'da ka. Emi mamanene basa dede'ak ndia, ndek ala tui-benga Hala Malole ndo sa neu emi a.

KOLOSE 3:14

Tehu nanapaluuk nanseli a, nde: Emi muse masue-malai ao, nana susue-lalaik ndia nde pa'a nakabubua emi basa-basa mala, nalosa emi da'di matetu-mandaak.

1 TESALONIKA 5:8

Tehu ita nde bee na, hataholi fo naso'da nai mangale'do ka dalek, nai fai lele'do na; hu ndia de, ita dudu'a-aafin boeo, muse mangale'dok. Ita muse tamahele tahele Lamatua ka, ma sue-lai hataholi fe'ek, boema tamahena no namahehelek tae, neukose Manetualain soi-tefa na ita. Ndia nde tee-tafa fo nasulu-nahapa ita, nai lelek ita laban makahatu ka.

1 TIMOTIUS 1:5

Au nanoli-nafa'dang ndia, tetee-tutu'dan nde, ela leo bee na, hataholi a dale na balisi ma dale nakababale na malalaok, boema namahele te'e-te'e neu Lamatua ka, fo no enok ndia, ala hapu lasue-lalai ao.

2 TIMOTIUS 1:7

Nana Manetualain fe ita Dula Dale ka, ana ta tao na ita da'di hataholi mana bii-mamata'uk fa. Te Manetualain Dula Dalen ndia nde, tao na ita tatea-tahele, ana tao na ita dale na henuk no susue-lalai ka, ma ita takatatakak ta ita ao ina na.

IBRANI 10:35

Hu ka nde ndia, de boso ketu namahehena ma, nana metema emi mamahele mahele, soona hapu ngga'di matua ina soaneu ndia!

IBRANI 10:39

Ita ia, ta nde hataholi kamahehelek fo mana fali deak, ma mana la'ok sala enok fa. Nasafali na ita nde bee na, hataholi kamahehelek fo tamahele neu Manetualain, ma nanasoi-tefak.

IBRANI 6:11

Ami hii manseli fo ela emi esa-esak manggate makandoo losa mate'e na, nalosa emi sipo hata fo emi mamahenak ndia.

IBRANI 6:19

Ita namahenan ndia, sama leo naka fo nana pa'ak dema na seli nai oe dale, ma nalupa hoho'u matea, ma nee-nee-lino-linok, ba'eneu ita so'da na. Namahenak ndia, ana tola seli tema maloa manai Kama Malalao ka, nai Manetualain Uman manai nusa so'da ka.

1 PETRUS 1:21

Tunga Yesus Kristus, de emi mamahele Manetualain nde tao naso'da fali kana neme mamate sa mai, boema namatutua-namadedeman. Da'di, emi mamahele, ma emi tao emi namahehena ma, neu ka'da Manetualain mesa kana.

1 YOHANIS 2:10

Hataholi mana sue-lai tolano na, hataholi ndia naso'da nai mangale'dok dale, de hataholi ndia ta tao na hataholi fe'ek, tu'da leo sala-singok dale neu fa.

1 YOHANIS 2:14

Ana ngala lemin! Au sulak fe emi susulak ia, nana emi malelak Amak Manetualain so. Ama ngala lemin! Au sulak fe emi susulak ia, nana emi malelak Hala Kokolak fo ana da'di neme makasososan eli mai a so. Ana muli-solu ngala lemin! Au sulak fe emi susulak ia, nana emi mabe'i-balakaik. Manetualain dede'a-kokolan nai emi dalem dale, de emi sengi Hataholi Mangalau ka so.

1 YOHANIS 2:24

Hu ndia de, lelek emi mulai mamahele boema emi mamanene makasososa hala ka, ela leo been-na emi manea matalololen nai emi dalem dale. Nana metema emi taoafik matalolole halak ndia soona, neukose emi maso'da tatas esa moo Ana ka ma Ama ka.

1 YOHANIS 3:3

Hataholi fo ana tao namahehena na neu ka'da Kristu sa, muse nanea ao ina na fo ela te'e-te'e malalaok ma balisi neme sala-singo ka mai, sama leo Kristus boeo malalaok.

1 YOHANIS 3:9

Metema Manetualai nanan see soona, hataholi ndia ta bole tao sala-singok nakandondoo henin fa, nana Manetualain ha'da-tataon nai hataholi ndia dalen dale. Boema hu ka nde hataholi ndia aman nde Manetualain, de ana boso boe tao sala-singok nakandondoo henin bai.