1 KORINTUS 13:12 - Susula Malalaok Hehelu Palak Ma Hehelu Beuk

¹² Hata fo ita titan nai besak ia nde bee na, sama na leo salaok fo keluha'buk nai titinok dale. Tehu mahani te, neukose ita titan no mangale'ok tutik. Besak ia au beita bubuluk basa hata lala'ena fa, tehu mahani te, neukose au bubuluk la'iesa kasa, sama leo Manetualain bubuluk basa au aoina nga lala'ena.

1 KORINTUS 13:12 ပူးပေါင်းရင်းမြစ်များ

KEJADIAN 32:30

Basa boema, Yakob nae, “Au atongo o Manetualain, matak no matak so, te au bei aso'da.” Hu ndia de, ana foi mamanak ndia na'de, Pniel.

AYUB 19:26

Leomae, au loung-nga bisu-bisu mesan, de ka'dis, tehu nai lelek au bei aso'da nai daebafak-ka, neukose au mete Manetualain.

AYUB 36:26

Manetualain te'e-te'e, mandela-masa'ak, de ita ta hapu dodoo tala fan, do leke-tala, teun-na dede'un-na fa boe.

KELUARAN 33:11

Manetualain kokolak no Musa matak no matak, sama leo hataholi-a kokolak no nonon-na. Basa ndia soona, Musa fali leo mamana ofu neu. Tehu Yosua, Nun anan-na, hataholi muli-soluk esa, fo Musa manatulu-falin-na, nahele neme Lalaa Temak ndia dalek.

YESKIAL 17:2

“Hai hataholi daebafak fo, manasapu-manalalok-konei, tui fe hataholi Israel-la, nakandandaak esa ia.

BILANGAN 12:8

Ma Au kokolak on, matak no matak, no mangale'dok, te ta no neneuk fa. Nakalenak, nita Au mata-panang so boe! Tao le'e de, emi mapalani la'ban Musa, fo Au atang ndia?”

MATEOS 18:10

“I'akouk! Fo boso makamumulu-makamamaek hataholi esa boen neme hataholi kadi'ianak ia la mai. Nanahu mafandendelek te, sila ata nusa so'da nala lahele tataas esa lai Au Amang manai nusa so'da ka matan. [

MATEOS 5:8

Maua-manalek neu hataholi fo dale na malalaok; nanahu neukose lalelak Manetualain.

ROMA 8:18

Tunga au hahapu nga soona, besak ia ita hapu doidoso kala, metema takasasama kana no mandela-masa'ak fo ita hapu ka soona, ta sama makandondook fa.

1 KORINTUS 13:11

Nai lelek fo au bei ana nga, au kokolak sama leo ni'iana, au dale nameme'da nga sama leo ni'iana, ma au dudu'a-dodoo sama leo ni'iana. Besak ia au touinak so, hu ndia de au ha'da-tatao ni'iana nga, au tu'u-tapahenis so.

1 KORINTUS 8:3

Tehu hataholi fo te'e-te'e ana sue-lai Manetualai na, Manetualain nalelak hataholi ndia.

2 KORINTUS 3:18

Besak ia ita basa-basa tala mata-panan ta nanapotik ninik tema bibia ni'is so'on, nalosa ita hapu tangale'do Lamatuak Yesus mandela-masa'an. Nanahu mandela-masa'ak ndia da'di neme Dula Dale ka mai ma Dula Dalek ndia nde bee na Lamatua ka nde ndia, soona ita boetai tandela-tasa'a, nanahu ita nanatao nasafalik nakandondoo henin da'di sama leo Ndia. Boema ita boetai tandela-tasa'a takandoo. Mandela-masa'ak ndia neme Dula Dale ka mai, ma Dula Dalek ndia nde bee na Manetualain.

2 KORINTUS 5:7

Nana ami maso'da tunga ka'da ami mamahele neu Kristus. Ami ta tunga hata fo nananita ka fa,

FILIPI 3:12

Au ta afa'da ae, au hapu buna-boan, do au matetu-mandaak so. Tehu au sanga enok akandoo, fo au hapu bua palsen fo Kristus Yesus sadia ka. Nana, hu ka nde dede'ak ndia de, Ana loso na falik au, de Ana tao au da'di Ndia nuun so.

YAKOBIS 1:23

Hataholi fo namanene Manetualain dede'a-kokolan, tehu ana ta tao tunga fan soona, hataholi ndia sama leo hataholi fo, ana titino mata-panan nai titinok dale.

1 YOHANIS 3:2

Tolano susue-lalai ngala lemin! Besak ia, Manetualai nanan ita so, tehu ita heo-hilun beita nandaa fa. Tehu ita bubuluk basan, metema Kristus mai soona, neukose ita da'di sama leo Kristus, nana ita titan nai heo-hilu isi-isi na dalek.

NINITAK 22:4

ma lita mata panan. Na'de na nanasulak nai dedei nala.