1 KORINTUS 12:3 - Susula Malalaok Hehelu Palak Ma Hehelu Beuk

³ Emi muse bubuluk te, hataholi fo Manetualain Dula Dale na hela-nolen soona, ta bole kokolak nae, “Yesus nanasoo-supak!” Leondiak boe, ta hapu hataholi esa boen nafa'da nae, “Yesus nde Lamatua ka,” metema Manetualain Dula Dale na ta hela-nole hataholi ndia fa.

1 KORINTUS 12:3 ပူးပေါင်းရင်းမြစ်များ

MAZMUR 109:20

Manetualain, maketu hataholi manakalaak au-a, huhukun-na leona, ma hataholi manakokolak mangalauk la'eneu au-a.

MATEOS 22:43

Boema Yesus natanes nae “Metema leondiak,” soona, “hu beek de Manetualain Dula Dale na nakababale Dauk dale na fo noke Mane Mana Fe So'da ka soona nae, ‘Lamatuak’? Nanahu Dauk nafa'da nae,

MARKUS 9:39

Tehu Yesus nae, “Boso kena-ka'in, nana ta hapu hataholi esa boen, hapu tao manda'di beuk ninik ana pake Au nade nga soona, hataholi ndia nakadadaek Au.

YOHANIS 13:13

Emi malo Au mae, Mesen ma Lamatuak. Memak tete'e ka leondiak.

YOHANIS 13:14

Makanaema Au da'di emi Lamatua ma, ma emi Mese ma, fo Ana safe emi ei ma soona, emi boeo esa muse safe esa ei na.

YOHANIS 15:26

Neukose Au adenu Mana Tulu-Fali ka neme Ama ka mai, soaneu emi. Ndia nde Dula Dalek fo neukose nafa'da ndos la'eneu Manetualain. Metema Ana mai soona, neukose Ana fe sakasii la'eneu Au.

HATAHOLI 8:37

Boema Felipus nae, “Metema Tuan namahele no dale katematuak soona, bole salani Tuan leona.” Boema pegawi matua-madema Etiopia ndia nae, “Au amahele Yesus Kristus nde bee na Manetualain Anan.”

ROMA 10:9

Nana metema emi manaku minik emi bafa ma mae, “Yesus ndia Lamatuak”, ma emi mamahele nai emi dalem dale mae, Manetualain tao naso'da falik Yesus neme mamate sa mai soona, neukose emi maso'da.

ROMA 9:3

nanahu au tolanoong fo leoina esa lo au. Nana hu ka nde sila de, au nau Manetualain soo-supa au ma nanabingaba'ek neme Kristus mai.

1 KORINTUS 16:22

Hataholi fo ana ta sue-lai Lamatua ka, neme na fo nanasoo-supak! Maranata! – Ami Lamatua ma mai leona.

1 KORINTUS 8:6

Tehu ba'eneu ita soona, Manetualain ka'da esa. Ndia nde Amak, fo mana makadada'dik basa hata lala'ena. Fo ita taso'da soaneu Ndia. Ma Lamatuak ka'da esa boe, fo nde Yesus Kristus. Tunga Ndia de, Manetualain nakadada'dik basa hata lala'ena, ma hu ka nde Ndia boe, de ita taso'da.

2 KORINTUS 11:4

Nana meten soona, ka'da emi mamahoko sipo hataholi mai fo nanoli emi Yesus fe'ek, te ta Yesus fo ami tui-bengan neu emi ndia fa. Ma emi boeo nau sipo dula dalek ma hala malole fo fe'ek nanseli no Manetualain Dula Dale na, ma Hala Malole fo emi sipo hain neme ami so.

2 KORINTUS 3:5

Ami ta manuu ne'ek hata esa boen soaneu ami mafa'da mae, ami mapalani tao-no'i ue-le'dis ia, tehu Manetualain nde fe be'i-balakaik ndia neu ami a.

GALATIA 3:13

Tehu Kristus soi-po'i ita teme agama hoholo-lalanen soo-supan mai so. Ana tao dede'ak ndia tunga, Ana po'i lotak ao ina nanasoo-supak, hu ka nde ita. Nana nai Susula Malalaok dale, nanasulak nae, “Sosoo-susupak ba'eneu hataholi fo maten nanalonak nai dii ai lai na.”

ULANGAN 21:23

soona ta bole po'ilotak popolak ndia, lona-lona nahele neme dii ndia lain, le'odae katemak esa, te muse natoi-natonon nai faik ndia dalen-na boe. Popolak fo nanalonak nai dii ndia lain-na, neni Manetualain soo-supan fe nusak ndia. Da'di matoi-matono popolak ndia, fo ela emi boso tao manggenggeo, emi MANETUALAIM-ma fe emi nusak-ka.

NINITAK 1:10

Nai Lamatua ka fai na, Manetualain Dula Dale na koasa na au, boema au amanene halak matuaina kokolak nai au dea nga sama leo pupuu ka lii na.