1 KORINTUS 12:18 - Susula Malalaok Hehelu Palak Ma Hehelu Beuk

¹⁸ Ita tita Manetualain tao lima-eik sila la, esa-esak neu mamana na, tunga dale hihii na.

1 KORINTUS 12:18 ပူးပေါင်းရင်းမြစ်များ

MAZMUR 110:3

Nai faik o mai no koasa, nai pupukuk malalao-malafuk-ka, o laum-mala tutulumatak no sila hihii-nanau mesan-na. Sama leo dinis-sa nai fai fafain-na, basa touana muli-soluk-kala, ala mai leo o mai.

MAZMUR 135:6

Ana tao hata fo, nahiik-kana, nai lalai ma daebafak-ka, nai tasi ma nai tasi maloaina madema.

YESAYA 46:10

Neme makasososan-na, Au tui-benga dede'a makabuik-kala, neme makahulun-na, Au afa'da ela, hata fo, neukose ana da'di. Au afa'da ae, Au nakeketung-nga, nanatao natetuk, tao leo bee-o, Au tao tunga, Au dale hihiing-nga!

YUNUS 1:14

Hu ndia de, laloo neu Manetualain lae, “Ou Manetualain, ami dokodoe, fo ami boso mopo-mate, nanahu ami taomisa hataholi fo, ta nasala ami fa. Ou Manetualain, O tao basa hata fo O mahiik-kana so.”

LUKAS 10:21

Bei nai faik ndia boe, Yesus namahoko hu ka nde Manetualain Dula Dale na koasa nan. Yesus nae, “Ama, Manetualain fo mana koasa lalai ma daebafa ka! Au oke makasi neu O, hu ka nde basa sila la O bibila-babaas neme hataholi malela kala ma malelaina la, tehu O matu'dus neu hataholi manasakola ta kala. Ndia nde nandaa no Ama dale ma.

LUKAS 12:32

“Emi dede'u ma ka'da lumanak mesa kana de boso bii! Nana emi Amam boeo no namahokok hapu paleta nai emi maso'da ma dalek.

ROMA 12:3

Manetualain fe basa baba'e-babatin neu au so. Hu ndia de au anoli-afa'da emi basa-basa mala fo boso mamatutua-mamadedema ao ina ma ba'u lenaheni emi aoina ma baba'u na. Te ela leo been-na, emi mete aoina mala no dale nakaloe-nakadaek; esa-esak mete aoina na tunga be'ibalakaik fo Manetualai fe neun, hu ka nde namahele Yesus.

ROMA 12:6

Ita esa-esak nok baba'e-babatin soaneu nalalau-naoono. Manetualain fe baba'e-babatik ndia neu ita tunga dale susue na. Hu ndia de, ita muse pake baba'e-babatik sila la. Hataholi fo ana hapu baba'e-babatik soaneu tui-benga Manetualain dede'a-kokolan soona, muse ana tui-benga dede'a-kokolak sila tunga ndia be'i balakain.

1 KORINTUS 12:11

Basa sila lala'ena ka'da Dula Dale kisak ndia nde tao sala; Dula Dalek ndia ana fe hataholi a esa-esak nok ndia baba'e-babatin tunga Dula Dalek ndia hihii-nanaun.

1 KORINTUS 12:17

Leouni ka, aok ndia matak mesa-mesan, na tao leo bee fo ao ka hapu namanene? Do metema aok ndia di'idook mesa-mesan, na tao leo bee fo ao ka ana hapu hae?

1 KORINTUS 12:19

Metema aok ndia lima-ein ka'da esa mesa kana soona, bee ka nana'de ao ka?

1 KORINTUS 12:24

Ao ka ei-liman fo nananita basak neulauk soona, ta paluu ita taoafik neu fan. Manetualain pe'da-fua basa ita ao paa na namata leondiak so de nalosa ei-limak fo ta neulau kala, taoafik ba'u ka neus.

1 KORINTUS 12:28

Leondiak boe nai salani ka dalek, Manetualain naketu basa mamanak soaneu hataholi mata-mata kala; Makasososa na hataholi nadedenu kala; kadua, nabi la, katelu, mese nala, boema sila fo manatao manda'di beu kala, basa boema sila fo nanafe baba'e-babatik soaneu lakahahaik hataholi, do soaneu tulu-fali hataholi fe'ek, do soaneu nauli-nalanga, do soaneu kokolak linik dede'a matabeu mata-mata kala.

1 KORINTUS 15:38

Neukose Manetualain mesa ka nde fe bini-ngges ndia lupak fo tunga mata memete na malole soaneu bubu'u-palusa ndia. Soaneu basa bini-ngge mata-mata kala, Manetualain fe bubu'u-palusa na, esa-esak nok lupa na.

1 KORINTUS 3:5

Tunga ndo na, see Apolos ndia? Ma see Paulus ndia? Ami ka'da Manetualain malalau-maoonon, fo hela-nole basa emi soaneu mamahele neu Kristus. Ami makalala'ok ka'da tatao-nono'ik fo Lamatua ka paletan neu ami esa-esak.

EFESUS 1:5

de, naketu basa nakahuluk nae, tunga Yesus Kristus de, neukose Ana so'u ita da'di Ndia anan. Ma memak dede'ak ndia nde, nahiik Ana tao nana.

EFESUS 1:9

Tunga Manetualain hihii-nanau mesa na de, nafa'da dale tutu'u nafuni na neu ita; naketu basa nae, neukose Ana tao nakababasak dale tutu'u nafufunin ndia, tunga Kristus.

NINITAK 4:11

“Ou, Lamatuak, ou ami Manetualaim! Ka'da O nde mandaa sipo kokoa-kikiok, ha'da-holomata, ma koasa. Nana O nde makadada'dik basa hata lala'ena, ma no O hihii-nanaum boe de basa hata lala'en sila la, ala da'di ma laso'da so.”