1 KORINTUS 11:30 - Susula Malalaok Hehelu Palak Ma Hehelu Beuk

³⁰ Hu ndia de, ba'u ka nai emi dalek lamahe'di ma tapandoe, ma mate nggelok boe.

1 KORINTUS 11:30 ပူးပေါင်းရင်းမြစ်များ

KELUARAN 15:26

Manetualain nae, “Tunga Au no te'e-te'ek, ma tao hata fo Au meten malole; tunga la'iesak Au paletang-ngala. Metema emi tao tungan leondiak soona, neukose Au ta huku emi nenik he'di-laus fo Au fen neu hataholi Masir-ra. Au nde Manetualain, fo manatao nalea-nahai emi-a.”

AMOS 3:2

“Neme basa leoina manai daebafak-ka, emi nde leoina fo Au alelak ma Au taoafik-ka. Hu ndia de, hu ka nde emi sala-singo matuainam-ma, de tao leo bee-o, neukose Au huku emi.”

BILANGAN 20:12

Tehu Manetualain fe Musa no Harun nasanene'dak nae, “Hu kande emi namahehelem neu Au-a, beita dai soaneu matu'du Au koasang fo malalao-malalafung-nga, nai leoina Israel-la matan-na, de neukose emi ta mauli-malangas losa ala masok leo nusak fo, Au helu fen neu sila fa.”

BILANGAN 20:24

“Neukose Harun ta masok leo nusak fo, Au helu basa, fen neu leoina Israel-la fa; neukose maten, nanahu emi dua la'ban basa Au paletang-nga, neme deka no oemata Meriba so.

HATAHOLI 13:36

Dauk tao nakababasak hata fo Manetualain fen tao-no'in, boema maten de latoi lakabubuan no bei ba'ikai nala so boe. Popola na, noeheni la'iesa kana so boe.

HATAHOLI 7:60

Boema ana senek ma ana nggasi napane'e nae, “Lamatuak, boso fe hataholi ia la lu'a-lepa sala-singok ia!” Nafa'da basa nae leondia boema maten.

1 KORINTUS 11:29

Nana metema hataholi a na'a loti, ma ninu angol no ana ta manaku nae, perjamuan ndia natutik no Lamatua ka ao paa na fa soona, neukose hataholi ndia ka'da nini Manetualain huhuku na neu aoina na mesa kana.

1 KORINTUS 11:31

Tehu metema ita palisak ita aoina na nakahuluk soona, neukose Manetualain ta huku ita fa.

1 KORINTUS 11:32

Tehu metema Manetualain huku ita soona, ita bei nanananolik fo ela huhuku ka boso la'e ita sama-sama no daebafak ia.

1 KORINTUS 15:51

Taoafik neu dede'a bibila-babaak ia: Neukose ita basa-basa tala ta mate fa, tehu ita basa-basa tala neukose nanatao nasafalik.

1 TESALONIKA 4:14

Ita tamahele Yesus maten, ma naso'da falik so. Hu ndia de, ita boeo tamahele, neukose Manetualain tao naso'da falik basa hataholi kamahehele mana mate basa kala, fo sue ka nde laso'da sama-sama lo Yesus.

NINITAK 3:19

Hataholi fo Au sue-lai kala, sila nde Au ka'is ma Au filu kasa. Hu ndia de ela leo bee na, emi manggate ma tukatei-saledale neme emi sala-singo mala mai.