1 KORINTUS 11:22 - Susula Malalaok Hehelu Palak Ma Hehelu Beuk

²² Tao le'e de emi tao leondiak? Ade emi uma loom ta do? Emi bisa mi'a ma minu nai uma. Ade fafa'ka ma emi nau makamumulu-makamamaek Manetualain salani nala, ma emi makamamaek hataholi nuu ta kala. Au muse afa'da emi ae le'e bai? Muse au koa-kio emi do? Ta! Neukose au ta koa-kio emi makandondook fa.

1 KORINTUS 11:22 ပူးပေါင်းရင်းမြစ်များ

AMSAL 17:5

See hakinonoli hataholi nuu-taa hata-taak-ka soona, nakamumulu-nakamamaek Manetualain, fo manamakadada'dik-kana. See namahoko-setelee soaneu hataholi ua-nale poke-pake-a soona, tao leo bee-o, ana hapu huhukuk.

HATAHOLI 20:28

Ela leo bee na emi manea emi aoina mala, ma manea basa hataholi salanik fo Manetualain Dula Dale na ana fes neu emi, fo emi maneas; nana emi nanaso'u basak da'di mana manea hataholi salanik so. Ela leo bee na emi manea Manetualain hataholi salanin sila la, sama leo manafoo a nanea bi'ilopo nala, hu ka nde Manetualain nakadada'dik basa hataholi salanik sila la da'di neu Ndia nuun, tunga Ana na mamate na so.

1 KORINTUS 10:32

Maso'da tao leondiak leona, fo nalosa emi ta tao ma hataholi fe'ek tao sala-singok fa; nau sila hataholi Yahudi do ta Yahudi, do Manetualain hataholi kamahehele nala boe.

1 KORINTUS 11:17

Nai natutu'duk manamaik ia soona, au ta koa-kio emi fa, nana emi natotongom nai mamaso-kasasi dalek, ta ka'da nini buna-boa malole fa te nini buna-boa ta malole boen.

1 KORINTUS 11:2

Au koa-kio emi, nana emi mafandele au tataas esa, ma emi tunga nanolik fo au fen neu emi a.

1 KORINTUS 11:34

Metema hapu nggelok lamala'a soona, muse na'a nakahuluk nai uma. Metema emi taoafik neu dede'ak ia soona, emi natotongom nai emi mamaso-kasasi ma, neukose ta nini huhukuk neme Manetualain neu emi aoina ma fa. La'eneu dede'a fe'e kala, neukose au afa'da mangalele'dos neu emi, metema au ne'i.

1 KORINTUS 15:9

Au nde bee na Lamatua ka hataholi nadedenun fo nai daeanak nanseli. Au ta andaa nanaseseik Lamatua ka hataholi nadedenun fa, nana au fepa-li'u basa Manetualain hataholi kamahehele nala so.

1 TIMOTIUS 3:15

fo ela metema, au bei akamama'ak au nene'i nga boeo, o bubuluk basa tao leo beek fo, ita muse taso'da sama leo Manetualain tei dalen, fo nde Manetualain hataholi kamahehelen fo maso'dak. Salanik leondia ka nde, sama na leo dii mana tia-to'bak esa, fo ana tia-to'ba nahele Manetualain nanoli ndo nala.

1 TIMOTIUS 3:5

Nana metema hataholi esa, ta ito-ato nalelak uma loon fa soona, neme bee mai a, ana hapu ito-ato nalelak Manetualain hataholi kamahehele nala?