1 KORINTUS 11:2 - Susula Malalaok Hehelu Palak Ma Hehelu Beuk

² Au koa-kio emi, nana emi mafandele au tataas esa, ma emi tunga nanolik fo au fen neu emi a.

1 KORINTUS 11:2 ပူးပေါင်းရင်းမြစ်များ

LUKAS 1:6

Saotouk saoinak ia la so'da nala nandaa no Manetualain dale na. Duas tunga basa paleta ma Manetualain hoholo-lalanen no dale katematuak.

1 KORINTUS 11:17

Nai natutu'duk manamaik ia soona, au ta koa-kio emi fa, nana emi natotongom nai mamaso-kasasi dalek, ta ka'da nini buna-boa malole fa te nini buna-boa ta malole boen.

1 KORINTUS 11:22

Tao le'e de emi tao leondiak? Ade emi uma loom ta do? Emi bisa mi'a ma minu nai uma. Ade fafa'ka ma emi nau makamumulu-makamamaek Manetualain salani nala, ma emi makamamaek hataholi nuu ta kala. Au muse afa'da emi ae le'e bai? Muse au koa-kio emi do? Ta! Neukose au ta koa-kio emi makandondook fa.

1 KORINTUS 15:2

Metema emi ho'u mahehele hata fo au tui-bengak ndia soona, Hala Malole ndia soi-tefa na emi, ta'da fe'e metema emi mamahele ta no malelak fa.

1 KORINTUS 4:17

Hu ka nde dede'ak ndia de, au adenu Timotius ne'i. Da'dileo Kristus ana manatungan, Timotius ia sama leo au ana bongi susue-lalaing. Ndia hataholi esa hapu nananamahelek. Mahani te, neukose ana fe emi nasanene'dak la'eneu eno-dala maso'dak fo au tungan, nai lelek fo au amahele basa Kristus, fo nde eno-dala maso'dak fo au anolin neu salani kala esa-esak, ma su'di nai bee a mesan boe.

1 KORINTUS 7:17

Ela leo bee na, esa-esak ito-ato maso'da na, tunga Lamatua ka hehela-nonolen, sama leo Manetualain naketu basan ba'eneun, nai lelek Manetualain nalon soaneu namahele neun. Nakanenetek sila la nde au anolin neu salani kala esa-esak.

1 TESALONIKA 1:6

Emi tunga ami heheo-hihilum, ma Lamatua ka heheo-hihilun. Leomae emi doidoso manseli, tehu emi sipok no namahokok, halak fo ami tui-bengan neu emi a. Namahokok ndia, nanafek neme Manetualain Dula Dale na mai.

1 TESALONIKA 3:6

Besak ia Timotius fali ma'in so de, nafa'da basa ami hala namahokok la'eneu, tao leo beek de emi mamahele Kristus, ma emi masue-malai ao. Nafa'da ami nae, emi mafandele ami tataas esa. Ma emi mahiik matongo mo ami, sama leo ami boeo, mahiik matongo moo emi.

2 TESALONIKA 2:15

Hu ndia tolano-tolanoo ngala lemin! Mapadeik matetetu ma ho'u mahele nanolik fo, ami manoli emi kala, nau nai lelek fo ami tui-bengan neu emi, do nai susula makasososak fo, ami sulak fen neu emi a.

2 TESALONIKA 3:6

Tolano-tolanoo ngala lemin! No Lamatuak Yesus Kristus koasa na, ami moke neu emi, fo madook ao mala neme basa hataholi mana pela-bale kala mai, ma hataholi fo ala ta tunga nanolik fo ami manoli sala fa.