1 KORINTUS 10:31 - Susula Malalaok Hehelu Palak Ma Hehelu Beuk

³¹ Emi tao su'di beek ndia boe, emi mi'a do emi minu ma tao basa sila la soaneu koa-kio Manetualain.

1 KORINTUS 10:31 ပူးပေါင်းရင်းမြစ်များ

ZAKHARIA 14:21

Basa kete manai Yerusalem-mala, ma nai basa Yudea lala'en-na, neukose nanafe hehelik, fo da'di Manetualain Fo Manakoasa pusakan. Laun fo manatunu-hotu tutunu-hohotuk-ka, neukose ana paken, fo ana nasu paa tutunu-hohotuk-ka. Metema, tepo-lelek ndia losa soona, neukose ta hapu manadangan nai Manetualain Fo Manakoasa Uman-na so'on.

LUKAS 11:41

Fo manai emi pinga-mangom dale ndia nde muse emi fen neu hataholi nuu ta-hata ta kala. No enok ndia, basa-basan neukose da'di balisi soaneu emi.

1 KORINTUS 7:34

mate'e na, ana ta bubuluk tao bee ela bee a fa. Inak esa saotoun ta, do anafe'oanak esa, neukose ana dudu'a-dodoo dede'ak ba'u ka la'eneu Lamatua ka, nana ana hii fo ela ao paa samanen dadi Manetualain nuun. Tehu inak esa masaotouk soona, ana tao basa dudu'a-aafin neu dede'a daebafak ia la, nana ana hii tao namahoko saotou na dale na.

ULANGAN 12:12

Emi sama-sama moo emi anam-mala, emi atam-mala, ma hataholi Lewi manaleo manai emi kotam-mala, hu kande, ala ta hapu dae baba'ek nai emi nusam-ma fa, ela leo been-na, emi basa-basam-mala, mamahoko nai emi Manetualaim-ma matan-na.

ULANGAN 12:18

Emi ma emi anam-mala, sama-sama moo emi atam-mala, ma hataholi Lewi manaleo manai emi kotam-ma, muse mi'a tunu-hotuk ndia, nai emi Manetualaim-ma matan-na, fo nai emi Manetualaim-ma hele mamanak-ka. Ma emi muse mamahoko nai mamanak ndia, nanahu emi ue-le'dim buna-boan lala'en-na.

ULANGAN 12:7

Nai mamanak ndia boe, fo nai emi Manetualaim-ma matan-na, emi sama-sama moo emi teidalem-mala, muse mi'a-minu no namahokok, soaneu emi sosota-mamangum buna-boan, nanahu emi Manetualaim-ma ba'e-pala basa sila-la so.

KOLOSE 3:17

Basa hata fo emi tao-no'in, do emi kokola kana, emi muse taon ma kokola kana ninik Lamatuak Yesus na'de na. Moke makasi neu Amak Manetualain soaneu hata fo Yesus tao-no'in neu emi a.

KOLOSE 3:23

Ladenu emi tao-no'i su'di tatao-nono'i beek ndia boe, ela leo bee na emi tao-no'in no dale katema tuak, nono'ka bai de emi malalau-maoono Lamatua ka nde ndia, te emi ta malalau-maoono ka'da hataholi daebafa ka fa.

1 PETRUS 4:11

Hataholi mana manduku-malosak hala ka, muse nanduku-nalosak halak maneme Manetualai na mai; hataholi mana malalau-maoono hataholi fe'e ka, muse nalalau-naoono ninik be'i balakaik maneme Manetualai na mai, fo ela nai basa dede'ak lala'e na dalek, Manetualain nananamatutua-namadedemak tunga Yesus Kristus. Ndia nde mana koasa ma nandaa nana namatutua-namadedemak losa dodoo na. Amin.