1 KORINTUS 10:22 - Susula Malalaok Hehelu Palak Ma Hehelu Beuk

²² Do fafa'kama ita nau tao ta Lamatua ka nape'da dalek do? Ade ita balakai na ba'u lenaheni Lamatua ka do?

1 KORINTUS 10:22 ပူးပေါင်းရင်းမြစ်များ

1RAJA-RAJA 14:22

Leoina Yehuda tao tatao-nono'i mangalauk nai Manetualain mata memeten-na. Sila tatao-nono'in tao nafo'a seluk Manetualain nasa-melun lena heni basa sila bei-ba'i kain tatao-nono'in lala'en-na mai.

AYUB 9:4

Manetualain ndia, malelak ma manatee-tenok nanseli, ma manakoasa; see bisa nakataka la'ban-nana?

MAZMUR 78:58

Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

KELUARAN 20:5

Boso sene-do'ok neu dodoki-dudulak matak leondiak-ka, nanahu Au nde emi Manetualain, de Au ta nau makasasamak-kana no hata esa boen. Hataholi fo nakamuu-nakadau Au-a, Au hukun losa tititi-nonosi ka telu ma ka 4.

KELUARAN 34:14

Boso sene-do'ok neu lamatua fe'ek, nana Au Manetualain, nde been-na Manetualain fo ta nau nakasasamak-kana no su'di beek-ka fa.

PENGKHOTBAH 6:10

Basa hata lala'en manai ia, nai ia neme dook eli mai so. Ita bubuluk tae, hataholi daebafak-ka ta hapu nase'i no hataholi fo balakain-na lena neme ndia mai fa.

YESAYA 45:9

Soe ba'eneu hataholi fo Manamakadada'dik-kana; Hataholi ndia, sama leo ulek fo, ana la'ban hataholi manataon-nana. Ade dae ulek-ka, natane neu manatao ulek-ka nae, “O tao beek ia?” Ade ulek-ka haladoi nae manatao ndia, malelan-na beita dai fa do?

YEREMIA 44:8

Tao le'e de emi tao dede'ak fo ana taon-na Au amanasa? Emi mai de leo nai Masir, fo nusa dea ba'eneu emi ndia, boema emi songo-tango ma fe tutunu-hohotuk neu nusak ndia lamatua daebafan-nala. Ade emi nau tao makalutuk emi aopam-ma fo ela emi nananakaumulu-nakamamaek neme basa leoina manai daebafak ia lala'ena-na, ma emi na'dem-ma nanapakek da'di leo supa-sook do?

YEREMIA 7:19

Tehu te'e-te'e, sila lakahehe'dik-ka, ta nde Au fa, tehu sila dei, nalosa ala mae.

YESKIAL 22:14

Tehu nai lelek Au huku basa o soona, o bei mapalani, do o bei mabe'i-balakaik soaneu o so'uk o limam-ma do ta? Au, Manetualain Fo Mademaina, kokolak basa so, de neukose Au tao hata fo, Au kokolak basan so.

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

ULANGAN 32:16

Ala sene-do'ok neu sosono-tatangok, nalosa Manetualain nape'da dale nasak-kasa fa, Nasa-melun fo'a, nanahu tatao-nono'i mangalauk ndia.

ULANGAN 32:21

Ala tao-la au ta ahiik hata fo, Manetualain ta nde ndia fa, ma Au amanasa sila dodoki-dudula sosongo-tatangon. Boema Au tao-a, Au anang-ngala ta lahiik hataholi fo, leoina ta ndia fa, ma Au amanasa leoina nggoak-ka.

ULANGAN 4:24

nana emi Manetualain-ma sama leo ha'i manana'a naputuk-ka. Ana ta nau emi makasasamak-kana no hata esa boen.

ULANGAN 6:15

Metema emi sene-do'ok neu lamatua fe'ek-kala, soona neukose emi hapu emi Manetualaim-ma nasa-melun, ma Ana tao namate-namopo la'iesak emi, nana emi Manetualaim-ma fo, manai emi tala'da heom-ma, Ana ta nau makasasamak-kana no hata esa boen.

IBRANI 10:31

Bibii namata'u matua ina, metema ana tu'da leo Manetualain Fo Maso'da ka liman dale neu!

YOSUA 24:19

Boema Yosua nafa'da nae, “Tehu fafa'kama, neukose emi ta mapalani makaluku-makatele mahele neu Manetualain fa, nana Ndia Manetualain malalao-malalafuk, Fo Ka'da Kisak. Ana ta nau hataholi nakasusu'dik no fan. Metema, emi la'oelan, fo makaluku-makatele neu lamatua daebafak fe'ek soona, neukose Ana ta fe do'o do ampon neu emi sala-singom fa. Nasafalin-na, neukose Ana la'ban ma Ana huku emi. Neukose, Ana tao namopo-namate emi, leomae makahulun-na, Ana malole no emi.”