1 KORINTUS 10:14 - Susula Malalaok Hehelu Palak Ma Hehelu Beuk

¹⁴ Hu ndia tolano-tolanoo ngala lemin! Ela leo bee na, madook emi aoina ma neme sosongo-tatango ka mai.

1 KORINTUS 10:14 ပူးပေါင်းရင်းမြစ်များ

HATAHOLI 15:20

Tehu ita muse sulak fes susulak ma tanoli-tafa'das, fo daenga boso la'a nana'a sosongo-tatango manggenggeok sila la, do la'a bana nanafule nisak paa na, do la'a paa daa. Boema, fo ela ladook ao nala leme sosoa-piao ka mai.

ROMA 12:19

Tolano-tolanoo ngala lemin! Boso balas nape'da dalek no nape'da dalek, neme na fo Manetualain nde huku nana. Nana nai Susula Malalaok dale nanasulak nae, “Au nde manabala sa. Neukose Au nde huku nana.” Lamatua ka nae leondia.

1 KORINTUS 10:15

Au kokolak o emi, sama leo au kokolak hataholi manatee teno kala. Ela leo bee na, emi tai-dodoo aom au hala-kokolang ia.

1 KORINTUS 10:19

Au dudu'a nga leo beek la'eneu dede'ak ndia? Sosongo-tatangok do nana'a-nininuk fo ala fen neu sosongo-tatangok ndia boeo, sosoa-ndandaan ta makandondook.

1 KORINTUS 10:7

Fo ela ita boeo boso songo-tango sama leo sila nggelok tao-no'in. Nai Susula Malalaok dale nanasulak nae, “Boema leoina ndia mulai la'a-linu ma ala foti-longe soaneu sene-do'ok neu sosongo-tatango ka.”

1 KORINTUS 5:11

Au dudu'a nga nde ia ae, emi boso leo mapalasa mo hataholi fo ana manaku nae, ndia hataholi Salanik, tehu hataholi ndia manasosoa-piaok, do manatene petak, do mana songo-tangok, do ana hii ka'da tao nanggenggeo hataholi fe'ek na'den, do manamafuk, do nakodaa. Mangatuuk mi'a mo hataholi sila la boeo, bosok!

2 KORINTUS 11:11

Tao le'e de au afa'da ae leondia? Ade hu ka nde au ta sue-lai emi fa do? Manetualain bubuluk au sue-lai emi!

2 KORINTUS 12:15

Hu ndia de no dale namahokok, au ahiik tunu-hotu basa hata lala'ena soaneu emi, leomae au aoina nga mesa kana boe. Metema au sue-lai emi leondiak soona, ade nandaa emi ta sue-lai fa do?

2 KORINTUS 12:19

Bole da'di emi maedaenga dodoo basa ia, ami sanga enok masala'e ami aoina ma, la'eneu emi do? Emi dudu'a sala manseli! Manetualain bubuluk nae, basa hata fo ami mafa'dak ndia, nde bee na tunga Kristus hihii-nanaun. Ma basa hata fo ami tao-no'i ka nde bee na soaneu mafofo'a emi maso'da samane ma.

2 KORINTUS 6:17

Hu ndia de, la'oela hataholi fo ta nalelak Manetualain ndia, ma ta'da kofe'ek emi aoina ma neme sila mai. Boso makabubua makandondook mo hata manggenggeoka, soona neukose Au sipok emi.

2 KORINTUS 7:1

Tolanoo susue ngala lemin! Basa hala heheluk sila la ala fen neu ita. Hu ndia de ela leo bee na tao talalao aoina tala neme basa hata fo tao nanggenggeo ita ao paa samanen. Ela leo bee na ata fe ha'da-holomata neu Manetualain, ma sanga enok fo taso'da mateu-mandaak sama na leo Ndia.

FILIPI 4:1

Tolano-tolanoo susue-lalai ngala lemin! Hu ndia de, ela leo bee na emi mamahele te'e-te'e neu Lamatua ka. Au sue-lai emi ba'u na seli! Emi nde tao mamatutua au dale nga de, au amahoko a. Au ahiik anseli o emi.

FILEMON 1:1

Tolanoo Filmon fo ami nonoom ma ami tia-lai malalau-maoonom. Nate'ak neme ita tolanoon Timotius ma neme au, Paulus fo nanatahan, hu ka nde ita Lamatuan Yesus Kristus. Au sulak susulak ia fe emi,

IBRANI 6:9

Tehu Tolano-tolanoo susue ngala lemin! Leomae ami mafa'da mae leondia, tehu ami mamahele emi. Ami mamahele mae emi sipo basa dede'ak fo malole na lena bai, fo nde baba'e-papalak fo nalupa baba'ek neme emi so'da-molem mai.

1 PETRUS 2:11

Tolanoo susue-lalai ngala lemin! Emi ia, hataholi mana mai, ma mana sepo-danga nai daebafak ia. Hu ndia de, au oke anseli, fo ela emi boso tunga nasa-melu daebafa ka, fo matati soaneu la'ban samane ka tataas esa.

1 YOHANIS 5:21

Ana ngala lemin! Madook ao ina mala neme sosongo-tatango kala mai.

NINITAK 13:8

Basa hataholi manaleo nai daebafak ia poi na, neukose ala sene do'ok bana ndia, ta'da fe'e hataholi fo nanuu so'da matetu ka ma hataholi fo na'de na Manetualain sula kana nai buku esa dalek te daebafa ka beita nananakadada'dik fa. Bi'ilopo Ana fo hataholi la do'dolisa nana, susulan ndia.

NINITAK 2:14

Leomae leondiak boe, fo Au ta hiin nai emi dalek fa nde: Hapu hataholi nggelok nai emi dalek, ala tunga hata fo Bileam nanoli ka. Bileam nanoli Balak eno na tao leo beek fo tu'u hataholi Israe la leo sala-singo ka dalek leu, fo nde ninik ana fufu'di-oo'dos fo la'a nana'ak fo ala fe basan neu sosongo-tatango ka ma ala tao tatao-nono'i manasosoa-piao kala.

NINITAK 21:8

Tehu hataholi manabii-mamata'u ka, hataholi kamahehele tak, hataholi mangalauk, kanisa ka, hataholi manasosoa-piao ka, hataholi manapake malela suangi la, manasongo-tango ka, ma basa mana masapepeko-masandandali kala, neukose nanatapak leo tasi ha'i ma belerang manapila lo'a-lo'a ka dalek leu. Ia nde mamate kala'i dua.”

NINITAK 22:15

Tehu hataholi fo manatao dede'a manggenggeo kala, manapake malela makahatu kala, hataholi manatao tatao-nono'i sosoa-piao kala, hataholi kanisa kala, manasongo-tango kala, ma hataholi masapepeko-masandandalik, nau ninik dede'a-kokolak, do ninik tatao-nono'ik boe, basa hataholi sila la mamana nala nai kota ndia deak.