1 KORINTUS 1:12 - Susula Malalaok Hehelu Palak Ma Hehelu Beuk

¹² Fo au dudu'a ka nde lae, nai emi dalek hapu nggelok lafa'da “Au tunga Paulus,” ma nggelok boeo lae, “Au tunga Apolos” ma nggelok lae, “Au tunga Petrus”, ma nggelok seluk bai soona lae, “Au tunga Kristus.”

1 KORINTUS 1:12 ပူးပေါင်းရင်းမြစ်များ

1RAJA-RAJA 16:21

Boema heaba'e leoina Israel-la, nanahu hapu nggelok nau fo ela Tibni fo Ginat anan-na da'di manek, tehu hapu nggelok bai soona, ala nau Omri da'di manek.

MATEOS 23:8

Tehu emi boso nau lalo emi lae: ‘Ama Mesen’, nana emi mesem ka'da esa mesa kana, de emi ia tolanoo kala.

YOHANIS 1:42

Boema Anderias no Simon leu leo Yesus leu. Yesus mete tetee Simon boema nafa'dan nae, “O Simon, Yona anan. Neukose loke o soona lae, Kefas.” (Kefas sama leo Petrus, fo sosoa na nae, lete batu.)

HATAHOLI 18:24

Ndia te hataholi Yahudi esa bongin neme Aleksandria, na'de Apolos neu leo Efesus neu. Hataholi ia malela dede'ak, ma nalelak Susula Malalao ka isi liin no malole na,

HATAHOLI 19:1

Lelek Apolos bei nai Korintus te Paulus la'ok okofefeo nusak ndia nggolo-nggolo manai lete kala de ana losa nai Efesus so. Nai naa, natongo no hataholi de'ubee lamahele Yesus so.

1 KORINTUS 1:11

Nana Kloe uma isi nala lafa'da au lae, hapu nale'a-napili ka nai emi dalek.

1 KORINTUS 15:5

Au tui-benga neu emi boe, au afa'da ae Kristus fo naso'da falik ndia, natu'du aoina na neu Petrus boe, ma basa boema neu hataholi nadedenu kasanahulu dua nala.

1 KORINTUS 15:50

Tolano-tolanoo ngala lemin, au dudu'a nga nde bee na: ao paak fo nananakadada'dik neme daak ma paa ia, ana ta hapu masok leo Manetualain Daebafa Beu na fa; ma ao paak fo hapu maten ia, ana ta hapu da'di matea-mahelek fa.

1 KORINTUS 16:12

La'eneu ita tolanoon Apolos soona, au adenun la'i de'ubee so, fo ela no tolanoo fe'e nala le'i donge-dama emi. Tehu name'da nana beita namahele ndia muse ne'i besak ia fa. Tehu mahani te metema ana hapu loak soona, tao leo beeo neukose ne'i.

1 KORINTUS 4:6

Tolano-tolanoo ngala lemin! Soaneu emi paluu ma, de au fua basa sila la neu Apolos ma neu au aoinang lain. Dede'ak ia tetee-tutu'dan nae, fo ela neme ami nana'dam ndia mai de, emi hapu manoli dede'ak esa nde ia sosoa-ndandaan nae le'e. Dede'ak ndia nae, “Ho'u mahehele neu nakanenete nanatao basa kala”. No enok ndia, nai emi dalek ta hapu esa namatutua-namadedema esa boen, ma nakamumulu-nakamamaek hataholi fe'ek fa.

1 KORINTUS 7:29

Au dudu'a nga leo iak, tolano-tolanoo ngala lemin: Ita ta tanuu fai ba'u ka so'on. Mulai neme besak ia mai a, hataholi masaoina kala esa-esak, ela leo bee na laso'da nono'ka bai saoina ta kala;

1 KORINTUS 9:5

Ade au ta anuu hak la'ok o saoina kamahehelek esa nai au leleo-lala'o nga dalek, sama leo Lamatuak Yesus tolanoo nala ma hataholi nadedenu fe'e kala, fo leo Petrus ala tao ka fa do?

2 KORINTUS 10:7

Ela leo bee na emi mame'da ha'da-tatao ka ndo na nde bee. Metema hataholi esa namahele Kristus nuun ka'da ndia mesa kana soona, ela leo bee na ana dodoo nasafalin ma ana name'da nae ami boeo Kristus nuun sama na leondia boe.

2 KORINTUS 9:6

Mafandendek leona! Te hataholi manasele-nggali bini-ngges faa ana ka, neukose ana ketu-kolu buna-boak faa anak boe. Tehu hataholi manasele-nggali bini-ngges ba'u ka, neukose ana ketu-kolu buna-boak ba'u ka boe.

GALATIA 2:9

Yakobis, Petrus, ma Yohanis, fo meten soona, ala da'di mauli-malanga hataholi kamahehele kala boeo, ala manaku lae, Manetualain fe au bela ba'u hehelik ia boe. Boema laho'u limak lo Barnabas ma au, fo da'dileo ta'du-tana tia-laik esa. Boema sila lo ami mala halak esa mae, ami tao-no'i nai hataholi ta Yahudi la dalek, ma sila tao-no'i nai hataholi Yahudi la dalek.

GALATIA 3:17

Fo au sanga afa'da dede'a ka, nde ia: Manetualain hala hehelu na, nanatao basak so, ma Ana paku nisa nakahulu kana. Basa teuk natun haa telu hulu besa ka Agama Hoholo-lalanen nanafek mai, de ana ta hapu tao nakamate hata fo nanapaku nisak ndia, do ana lose heni Manetualain hala hehelun ndia fa.