SEMUEL SUSULAK-KA ESAN-NA 9:6 - Susula Malalaok Hehelu Palak Ma Hehelu Beuk

⁶ Malalau-maoono ndia nataa nae, “Mahani dei! Te Manetualain atan esa nai kota ia. Hataholi-la fe ha'da-holomata ba'un-na seli neun, nanahu nafa'da beek soona, tete'ek-ka ana da'di. Mai fo ata teu leo naa teu, fo fafa'kama ana hapu nafa'da ita, keledei sila-la lai bee.?”

SEMUEL SUSULAK-KA ESAN-NA 9:6 ပူးပေါင်းရင်းမြစ်များ

KEJADIAN 24:42

Ma lelek, na'kasa au losa oedolu-a, au hule-haladoi nai au daleng dale ae, ‘Manetualain, fo au tuang Abraham Manetualain-na, ela leo been-na Ana fe au bela-ba'ung, neni buna-boak.

2 SEMUEL 15:27

Basa boema, manek-ka nafa'da seluk Zadok nae, “Leleko-ma, o anam Ahimaas ma Yonatan fo Abyatar anan-na, fo fali me'um-ma leo kota dale meu, no nee-nee lino-linok.

1RAJA-RAJA 13:1

Nai lelek ndia, hapu nabi esa nai Yehuda. Manetualain nadenun fo neu leo Betel neu. Nabi ndia losa naa, nai lelek Yerobeam bei napadeik nai mei tunu-hotuk-ka matan soaneu fe tutunu-hohotuk.

2RAJA-RAJA 5:8

Nabi Elisa namanene halak ndia boema, ana haitua hala heheluk-ka nde ia, neu mane Israel-la nae, tao le'e de, o dalem-ma, ta tesa-tama fa? Madenu hataholi ndia, ana mai leo au mai, fo ela ana bubuluk, nae hapu nabi esa, nai Israel ia!”

2RAJA-RAJA 6:6

Elisa natane nae, “Ana tu'da nai bee?” Hataholi ndia natu'du mamana tutu'dan-na, boema Elisa nggelo-na, ai bibi'ak esa, de ana tapan leo mamanak ndia neu. Boema, taka ndia bou leo oe lain mai.

MAZMUR 25:12

Manetualain nanoli hataholi kamahehelek-ka enok fo ala muse la'ok tungan.

YESAYA 44:26

Au nde atetea-ahehele Au atang-nga, dede'a-kokolan, ma Au tao-no'i dale tutu'uk fo, Au atang-nga nafa'dan. Au afa'da, ae neukose Yerusalem-ma, nanaleok seluk, ma kota-kota manai Yehuda-la, neukose Au afofo'a falik-kasa; ai-batu manatapasasalan-nala, neukose nanatao matalololek.

MATEOS 24:35

Lalai a no daebafa ka neukose mopos, tehu Au dede'a-kokolang lahele losa dodoo na.”

ULANGAN 33:1

Lelek Manetualain atan Musa, beita mate fan te, ana fe leoina Israel-la baba'e-papalak nae leo ia,

1 TESALONIKA 2:10

Ami maso'da no malalaok, ndoos, ma ami ta masala-masingo soaneu emi fo, mana mamahele basak neu Kristu sa so. Manetualain ma emi, nde da'di ami sakasii ma.

1 TESALONIKA 5:13

Taos no ha'da-holomata ma no susue-lalaik, nana emi mafandele hataholi sila ue-le'din soaneu emi a. Maso'da no mole-dame tatas esa.

1 TIMOTIUS 6:11

Tehu Manetualain nuun o de, o muse madook ao ma neme basa dede'ak sila la mai. Sanga enok fo daenga o da'di hataholi ndoos nai Manetualain matan, boema fe o so'da ma neu Manetualain, ma mamahele Kristus, sue-lai o nonoo hataholi ma, matea-mahele nai doidoso ka dalek, ma heo hilum mangana'uk.

SEMUEL SUSULAK-KA ESAN-NA 2:27

Nai faik esa boema, nabi esa mai leo Eli mai, de nanduku-nalosak Manetualain hala hehelun-na neun nae, “Lelek o bei-ba'i kaim Harun, ma teidale-bobongin da'di mane Masir-ra atan-na, Au atu'du basa Au aoinang-nga neu Harun so.

SEMUEL SUSULAK-KA ESAN-NA 9:8

Malalau-maoono ndia nataa nae, “Sanga tao leo ndia de, au doi fulang bei esa nde ia. Neukose au fen leo Manetualain atan ndia neu, fo daenga ana nau nafa'da ita, keledei sila-la lai bee.”