SEMUEL SUSULAK-KA ESAN-NA 9:12 - Susula Malalaok Hehelu Palak Ma Hehelu Beuk

^12-13 Anafe'oanak sila-la lataa lae, “Hei, hapu, besak-ka neu. Metema emi la'ok lai-lai soona, fafa'kama emi tunga hapun. Besak-ka ana fali ma'in leo kota mai, nanahu faik ia, hapu tunu-hotu fe laun-na tutunu-hohotuk nai mei tunu-hotuk nai pupukuk lain. Metema ana beita mai fa soona, hataholi nanaka'ik-kala beita la'a fa, nanahu muse ana fe nakahuluk baba'e-papalak neu tutunu-hohotuk sila-la dei. Metema emi meu besak ia soona, neukose ana beita nda'e pupukuk-ka fo neu na'a fa te, emi matongo moon so.”

SEMUEL SUSULAK-KA ESAN-NA 9:12 ပူးပေါင်းရင်းမြစ်များ

KEJADIAN 31:54

Ana do'do bana esa, de ana tunu-hotun nai pupukuk ndia lain. Boema ana ka'i basa hataholin-nala, fo la'a sama-sama. La'a basa boema, ala sungu leme pupukuk ndia lain.

1 TAWARIKH 16:39

Tehu Zadok ma imam fe'ek kala hapu bela-ba'uk soaneu ala ito-ato lahele makaluku-makatele a nai mamanak makaluku-makatele nai Gibeon.

SEMUEL SUSULAK-KA ESAN-NA 10:5

Basa ndia soona, o muse muu leo Manetualain pupukun-na nai Gibea, fo hataholi Filistin-nala mamana ofun-na. Nai lelesu masok leo kota dale neu, neukose o matongo moo nabi bubuak esa, kona leme pupukuk tutunu-hohotuk lain mai. Ala foti-longe ma ala eki beekao, lakaminak gambus, rebana, seruling ma kecapi.

SEMUEL SUSULAK-KA ESAN-NA 16:2

Tehu, Semuel nataa nae, “Au muse taon tao leo beek? Metema Saul namanene dede'ak ndia soona, tao leo bee o, ana taonisa au!” Manetualain nataa nae, Pa'a meni sapiana esa, fo mafa'da laun-na mae, o muu leo naa muu, fo tunu-hotu tutunu-hohotuk fe Manetualain.

SEMUEL SUSULAK-KA ESAN-NA 2:35

Basa soona, neukose Au hele imam manalilinekak neu Au, ma manatao-no'i hata fo Au paletan neun. Neukose Au fen tititi-nonosik fo nalalau-naoono tataas esa da'di leo imam nai Au hele manek-kala matan.

SEMUEL SUSULAK-KA ESAN-NA 20:6

Metema, o amam natane nae, tao le'e de, au ta nai ia fa soona, mafa'dan mae au oke basa neme o mai so, fo o fe au loak fali lai-lai leo Betlehem u, nanahu ala tao feta tutunu-hohotu tunga teuk-ka nai naa, ba'eneu au teidaleng-ngala lala'en-na.

SEMUEL SUSULAK-KA ESAN-NA 7:17

Basa soona, ana fali leo uman-na nai Rama. Nai naa, ana da'di hataholi Israel-la mauli-malangan, ma napadedeik mei tunu-hotuk esa, ba'eneu Manetualain boe.